Jeremías 40:11 - Q'eqchi Bible

¹¹ Jo'kaneb' ajwi' eb' laj Judiiy li wankeb' chaq Mohab, Amón, Edom ut sa'atqeb' chixjunil li tenamit ke'xnaw naq li awab'ej re Babilonia kixkanab'eb' laj Judiiy chi wank sa' li xna'ajeb'; ke'xnaw ajwi' naq laj Kedalías kixaqab'aak chi xjolominkileb'.

Li Santil hu

¹¹ Ut chixjunileb laj judío li cuanqueb Moab, Amón, Edom ut saꞌ eb li jalaneb tenamit, queꞌrabi nak lix reyeb laj Babilonia quixqꞌue xlese̱nseb nak eb laj judío teꞌcana̱k saꞌ lix tenamiteb ut queꞌrabi nak laj Gedalías quixakaba̱c chi takla̱nc saꞌ xbe̱neb.

Jeremías 40:11 ပူးပေါင်းရင်းမြစ်များ

Isaías 16:4

K'e rochochnaaleb' laj Mohab li xe'isiik chaq sa' li xtenamiteb'; k'uleb' aawik'in ut muqeb' chiruheb' laj sachonel”. Naq maajunaq chik aj rahob'tesinel ut akaq xraqe'k li raaxiik', naq ak x'elk laj tawasinel sa' li tenamit,

Ezequiel 35:15

Jo' naq xsaho'k laach'ool naq xsache'k ru li na'ajej reechanihom laj Israel, jo'kan ajwi' tinb'aanu aawe: joxk' ch'och' tatinkanab', at tzuul Seír, at xteepal Edom. Toja' naq taanawmanq naq laa'in li Qaawa'».

Ezequiel 35:5

«Laa'at junelik xik' xawileb' laj Israel ut xatyalok rik'ineb' sa' xhonalil li raaxiik', sa' xraqb'al xb'aanunkil li maa'usilal.

Ezequiel 25:12

“Laa'in, li Qaawa', ninye chi jo'ka'in: Eb' laj Edom xe'eeqajunk sa' xb'eeneb' laj Judá, ut q'axal wankeb' xmaak xb'aan naq xe'rahob'tesink.

Ezequiel 25:8

“Laa'in, li Qaawa', ninye chi jo'ka'in: Mohab ut Seír neke'xye naq Judá juntaq'eet rik'ineb' li tenamit junch'oleb'.

Ezequiel 25:6

«Laa'in, li Qaawa', ninye chi jo'ka'in: Laa'ex xepoq'poq'i leeruq', xexpisk'ok xb'aan xsahil leech'ool ut k'ajo' naq xetz'eqtaanaheb' laj Israel.

Ezequiel 25:2

“At kaamel winq, ilon sa' xjayal eb' li ralal xk'ajol aj Amón ut ye reheb' sa' ink'ab'a'

Ezequiel 5:12

Jun rox jachaleb' laapoyanam, a Jerusalén, te'kamq xb'aan li raxkamk ut li we'ej; li jun rox jachal chik te'kamsiiq chi ch'iich' chasutam xb'aaneb' li xik' neke'ilok aawe, ut li rox jachal chik tincha'cha'iheb' junsut junrub'el choxa. Ut laa'in twaanilasiheb' chi ch'iich'.

Ezequiel 5:3

Taaxok ajwi' wiib' oxib'aq li ismal ut taab'ak' chire laawaq';

Jeremías 24:9

Chixjunileb' a'an tinkanab'eb' sa' xutaan chiruheb' chixjunil li tenamit sa' ruuchich'och'; te'hob'e'q, te'se'eeq, te'eetz'uuq ut te'majewaaq sa'atqeb' li na'ajej b'arwi' tincha'cha'iheb'.

1 Samuel 12:12

A'ut naq kek'e reetal naq laj Najás, awab'ej re Amón, kichalk sa' eeb'een, keye we: «Ink'a', tqaj junaq awab'ej li taataqlanq sa' qab'een», chankex. Ut keye chi jo'kan, us ta li Qaawa' a'an leeYos.

1 Samuel 11:1

Jun pohaq chik a'an, laj Najás, awab'ej re Amón, koho Yabés re Galahad ut kixkawresiheb' laj puub' re yalok rik'in li tenamit. Ab'an chixjunileb' laj Yabés ke'xye re laj Najás: “B'aanu jun sumwank qik'in ut laa'o took'anjelaq chawu”.

Números 25:1

Naq eb' laj Israel ke'na'ajunk aran Sitín, eb' li winq ke'ok chi ko'b'eetak rik'ineb' li ixq aj Mohab.

Números 22:1

Eb' laj Israel ke'elk aran ut koheb' toj sa' xtaq'ahil Mohab, junpak'al li nima' Jordán, sa' xjayal Jerikó. Ut aran ke'xk'ojob' li xmuheb'aaleb'.

Génesis 36:8

Jo'kan naq koxkanaaq laj Esaú sa' li na'ajej Seír (laj Esaú aj Edom ajwi' nayeemank re).

Números 25:2

Eb' li ixq a'in ke'xb'oqeb' li winq chi xloq'oninkil li xyoseb', ut eb' laj Israel ke'tzekank ut ke'xwiq'ib' rib' chi xloq'oninkil li xyoseb' laj Mohab.

Isaías 11:14

Te'xik sa' xjayal rokeb'l saq'e chi yalok rik'ineb' laj Filistea ut toxe'xchap chi maak'a'aq sa' xch'ooleb'; chi xkab'ichaleb' te'xxok li xb'ihomaleb' li poyanam li wankeb' sa' xjayal releb'l saq'e. Toxe'awab'ejinq sa' xb'eeneb' laj Edom ut Mohab, ut eb' laj Amón te'paab'anq chiruheb'.

Jeremías 9:26

eb' laj Ejiipt, eb' laj Judá, eb' laj Edom, eb' laj Amón, eb' laj Mohab ut chixjunileb' laj Arabia li neke'xjo li xjolomeb' ut wankeb' sa' li chaqich'och'. Xb'aan naq chixjunileb' li tenamit a'in jo'wi' eb' laj Israel toj maak'a' li reetalil li Sumwank sa' li xch'ooleb'”.

Jeremías 41:10

Moqon kixchapeb' li xrab'ineb' li awab'ej jo'wi' eb' li poyanam toj wankeb' Mispá, a'eb' li ke'k'ehe'k chi ril laj Kedalías, ralal laj Ajikán, xb'aan laj Nabusaradán, xjolomileb' laj k'aak'alenel; kixchapeb' ut ki'ok xk'amb'aleb' sa' xteepaleb' laj Amón.

Jeremías 43:5

Laj Jwan, ralal laj Kareha, ut chixjunileb' li xjolomileb' laj puub' ke'xch'utub'eb' laj Judá li toj wankeb' aran, a'eb' li ke'sutq'ije'k chaq sa'eb' li tenamit b'arwi' junxil ke'cha'cha'iik:

Ezequiel 34:6

Xe'sachje'k sa'eb' li k'iche' ut sa'atqeb' li tzuul, xe'xcha'cha'i rib' sa' chixjunil li ruuchich'och', chi maajun napatz'ok reheb' chi moko xkoheb' chi xsik'b'al.

Jeremías 43:6

eb' li winq, li ixq, li kok'al, li xrab'ineb' li awab'ej ut chixjunileb' li poyanam li ke'kanab'aak rub'el xwankil laj Kedalías, ralal laj Ajikán ut ri laj Safán, xb'aan laj Nabusaradán, xjolomileb' laj k'aak'alenel. Ke'xch'utub' ajwi' laj Jeremías, li propeet, ut laj Baruk, ralal laj Nerías.