Jeremías 40:1 - Q'eqchi Bible

¹ Naq laj Jeremías ki'isiik sa' tz'alam xb'aan laj Nabusaradán, xjolomileb' laj k'aak'alenel, aran Ramá, li Qaawa' ki'aatinak rik'in. B'ak'b'o chi kareen naq ke'xtaw li propeet sa' xyanqeb' chixjunileb' laj Jerusalén ut eb' laj Judá li yookeb' xk'amb'al Babilonia.

Li Santil hu

¹ Li Ka̱cuaꞌ quia̱tinac cuiꞌchic riqꞌuin laj Jeremías nak ac x-achꞌaba̱c aran Ramá xban laj Nabuzaradán li nataklan saꞌ xbe̱neb li soldado. Bacꞌbo riqꞌuin cadena nak queꞌxtau saꞌ xya̱nkeb chixjunileb laj Jerusalén ut eb laj Judá li yo̱queb chi cꞌamecꞌ chi pre̱xil aran Babilonia.

Jeremías 40:1 ပူးပေါင်းရင်းမြစ်များ

Efesios 6:20

Taqlanb'ilin xb'aan li Yos chi xyeeb'al li Chaab'il Esilal, us ta b'ak'b'ookin chi kareen. Chextijoq re naq tinpuktesi chi maak'a' inxiw, jo' teneb'anb'il sa' inb'een.

Hechos 21:13

Toja' naq kichaq'ok laj Pablo: —K'a'ut naq yookex chi yaab'ak ut chi xk'eeb'al xrahil inch'ool? Relik chi yaal naq yo'oon wankin moko ka'aj ta wi' chi b'ak'e'k, chi kamk aj b'an wi' aran Jerusalén sa' xk'ab'a' li Qaawa' Jesus, chan.

Jeremías 31:15

Li Qaawa' kixye chi jo'ka'in: “Ki'ab'iik jun xyaab' kuxej aran Ramá, yaab'ak ut tz'uyink chi numtajenaq: a' lix Rakel li yo chi yaab'ak chirixeb' li xkok'al, ut ink'a' naraj q'unb'esiik xb'aan naq maak'a'eb' chik li xkok'al”.

Josué 18:25

Gabahón, Ramá, Beherot,

Hechos 28:20

A'in xyaalal naq xintaqla eeb'oqb'al, re rilb'al eeru ut aatinak eerik'in, xb'aan naq tz'aqal sa' xk'ab'a' li royb'enihom li tenamit Israel b'ak'b'ookin rik'in li kareen a'in.

Salmos 107:16

Kixtoqi li q'anch'iich' chapchookeb' wi' li okeb'aal, ut kixmuri chixjunil li tz'aptz'o wi' li tz'alam.

Salmos 68:6

Toj sa' chaq li xloq'laj muheb'aal li Yos a'an xyuwa'eb' li neb'a'yox, a'an laj ilol reheb' li xmalka'an.

1 Samuel 7:17

Chirix chik a'an nasutq'iik chaq Ramá, b'arwi' wank li rochoch ut naxb'eresiheb' laj Israel. Laj Samuel kixxaqab' ajwi' jun li artal cho'q re li Qaawa' aran Ramá.

Jeremías 39:9

ut eb' li poyanam li ke'kanaak sa' li tenamit ut eb' li ke'q'axonk sa' xyanqeb' laj Kaldeha jo'wi' chixjunileb' laj pak'onel ke'k'ame'k Babilonia xb'aan laj Nabusaradán, xjolomileb' laj k'aak'alenel.

Ezequiel 33:21

Oob' kutan chik xb'e li xlaje po re li kab'laju chihab' qak'amb'al aran Babilonia, kol'elq wik'in jun li winq ki'elelik chaq Jerusalén, ut kixye we: “Li tenamit x'eechaniik xb'aaneb' li xik' neke'ilok qe”, chan we.

2 Crónicas 16:1

Naq yo xwaqlaju xka'k'aal chihab' chi awab'ejink laj Asá, kichalk laj Basá, awab'ej re Israel, kixtikib' chi yalok rik'ineb' laj Judá ut kixkawub'resi li tenamit Ramá, re xtz'apb'al xb'e laj Asá, awab'ej re Judá.

Jeremías 42:7

Lajeeb' kutan chik chirix a'an, li Qaawa' ki'aatinak rik'in laj Jeremías,