Jeremías 4:8 - Q'eqchi Bible

⁸ Jo'kan naq jutub'omaq eerib' sa' q'es ruhil t'ikr, tz'uyinqex ut yaab'anqex xb'aan xrahil leech'ool, xb'aan naq toj yo xjosq'il li Qaawa' sa' qab'een”.

Li Santil hu

⁸ Qꞌuehomak kꞌes ru tꞌicr che̱rix ut texya̱bak chi cau xban nak yo̱ xjoskꞌil li Dios saꞌ xbe̱neb laj Judá.

Jeremías 4:8 ပူးပေါင်းရင်းမြစ်များ

Jeremías 6:26

Ex intenamit, b'atomaq eerib' sa' q'es ruhil t'ikr ut tolk'osiiq eerib' sa' li cha. Japomaq eere chi yaab'ak, tz'uyinqex chi q'axal ra sa' leech'ool, jo' na'uxk tz'uyink chirix li alab'ej junaj chirib'il, xb'aan naq ak chi seeb' chaq li taasachoq qe.

Isaías 22:12

Sa' li kutan a'an li Nimajwal Yos xexb'oq chi yaab'ak ut chi q'oqonk, re teejo li rismal leejolom ut xk'eeb'al cherix li q'es ruhil t'ikr.

Isaías 32:11

Laa'ex li maak'a' nekek'oxla, okaq b'ayaq eexiw, t'urub'omaq eerib', isihomaq leeraq' cherix ut tiqib'omaq eerib' rik'in q'es ruhil t'ikr, reetalil li xrahil leech'ool;

Isaías 10:4

Wi ink'a' teekub'si eerib' sa' xyanqeb' laj preex, texkamq sa' xyanqeb' li te'kamsiiq. Ab'anan ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

Isaías 5:25

Jo'kan naq xchalk xjosq'il li Qaawa' sa' xb'een li xtenamit ut xk'eheb' chi xtojb'al li xmaakeb'. Xe'eek'anje'k li tzuul sa' li xna'ajeb' ut t'ant'ookeb' sa' b'e xe'kanaak eb' li kamenaq jo'keb' li mul. Ab'anan li Qaawa' toj maji' naraqe'k li xjosq'il, ut toj yo ajwi' chi rahob'tesink.

Amós 8:10

Tink'e naq leeninq'e taakanaaq cho'q rahil ch'oolej ut chixjunil leeb'ich cho'q tz'uyink. Tink'e naq chejunilex teeb'at eerib' sa' q'es ruhil t'ikr ut teejo leejolom xb'aan xrahil eech'ool. Texyaab'aq jo' tawi' xkamk leeralal jun chirib'il, ut chixjunil junes rahilal toxraqe'q wi'.

Ezequiel 30:2

“At kaamel winq, aatinan sa' ink'ab'a' ut ye reheb': «Jo'ka'in xye li Qaawa': Yaab'anqex chirix li kutan chaalel,

Ezequiel 21:12

Jap aawe chi yaab'ak, at kaamel winq, huyhuytqat xb'aan naq taakamsiiq chi ch'iich' lintenamit; ut chixjunileb' li xjolomileb' laj Israel tento te'kamsiiq rochb'eeneb' lintenamit. Jo'kan naq ten li re laach'ool

Jeremías 48:20

Xutaanal xkanaak Mohab ut sachso xch'ool, xb'aan naq xsache'k xwankil. Yaab'anqex ut tz'uyinqex chirix! Yehomaq resil aran Arnón naq xjuk'e'k Mohab”.

Jeremías 30:24

Maajoq'e taach'anaaq xjosq'il li Qaawa' toj reetal tixb'aanu ut tixtz'aqob'resi ru li x'alaak sa' xch'ool xb'aanunkil. Ut a'in ink'a' neketaw ru anaqwan, ab'an teetaw xyaalal sa' junaq kutan.

Isaías 13:6

Japomaq eere chi yaab'ak xb'aan naq nach' chik wank li xkutankil li Qaawa', jo' jun aj sachonel naq tol'elq li Nimajwal Yos.

Isaías 9:21

Eb' laj Manasés ut eb' laj Efraín neke'xkamsi rib' chirib'ileb' rib', ut chi xkab'ichaleb' junxikikeb' chi xsachb'al laj Judá. Ab'anan ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

Isaías 9:17

Jo'kan naq li Qaawa' ink'a' tixtoq'ob'a ruheb' li saaj al, ink'a' taaruxtaana ruheb' li neb'a'yox ut eb' li xmalka'an, xb'aan naq chixjunileb' ink'a' useb' xna'leb' ut reemaaruheb', ut junes tz'i' aj aatin neke'xye. Ab'an ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

Isaías 9:12

eb' laj Siria xe'chalje'k chaq sa' xjayal releb'l saq'e, ut sa' xjayal rokeb'l saq'e xe'chalk eb' laj Filistea. Sa' junpaat xe'xsach ruheb' laj Israel. Ab'anan ink'a' xch'anaak xjosq'il li Qaawa' ut toj yo chi xrahob'tesinkileb' li tenamit.

Salmos 78:49

Kixkut sa' xb'eeneb' xxamlel li xjosq'il: k'ajo' naq kik'ahiik! Kipo'k ut kimayok sa' xch'ool: a'an reetalil li rahilal chaalel.

Números 25:4

Toja' naq li Qaawa' kixye re laj Moisés: “Ch'utub'eb' chixjunil li xjolomileb' li tenamit ut ch'ikeb' chi ru'uj che' sa' xk'ab'a' li Qaawa', sa' xka'yab'aal li saq'e. Chi jo'kan taach'anaaq linjosq'il rik'ineb' laj Israel”, chan.

Lamentaciones 1:12

Laa'ex li nekexnume'k sa' li b'e, ilomaq ut k'ehomaq reetal wi wank ta junaq rahilal juntaq'eet rik'in li yookin chi xk'ulb'al laa'in! Li Qaawa' xtaqla chaq li raaxiik' a'in naq xchalk li xnimal xjosq'il sa' inb'een.

Joel 1:13

Ex aj tij, sotob'amaq eerib' chiru q'es ruhil t'ikr ut yaab'anqex! Tz'uyinqex laa'ex li nekexk'anjelak chiru li artal. Kimqex ut yo'lenqex rik'in rahil ch'oolej laa'ex li nekexk'anjelak chiru linYos, xb'aan naq maak'a' chik li mayejak triiw ut b'iin sa' rochoch leeYos.

Jeremías 25:34

Ex xjolomileb' li tenamit, japomaq eere chi yaab'ak! Ex aj k'aak'alenel ketomq, tolk'osiiq eerib' sa' pojtz' xb'aan xmay li rahilal, xb'aan naq xwulak xq'ehil li raqb'a aatin sa' eeb'een ut texkamsiiq jo'qex li karneer ninqeb' xtib'el.

Miqueas 1:16

At tenamit Jerusalén, b'es laawismal xb'aan li rahilal sa' xk'ab'a'eb' laawalal aak'ajol li nakaraheb'. Jo laajolom, kama' li xjolom li t'iw taakanaaq, xb'aan naq eb' laawalal aak'ajol te'k'ame'q sa' ab'l tenamit chi najt aawik'in”.