Jeremías 4:31 - Q'eqchi Bible

³¹ Toja' naq xwab'i xyaab' xkux jun li ixq, chanchan naq toj xb'enwa ok re chi alank. A'an pe' li xyaab' xkux li xrab'in li tenamit Sión; naxjiq' xch'ool chi yaab'ak, naxye' li ruq' ut naxye: «Toq'ob' wu, oso'k we xb'aaneb' laj kamsinel poyanam!»”.

Li Santil hu

³¹ La̱in xcuabi nak yo̱queb chi ya̱bac laj Jerusalén. Chanchan nak naxjap re li ixk nak oc re chi qꞌuira̱c riqꞌuin li xbe̱n xcꞌulaꞌal. Incꞌaꞌ chic nequeꞌxcuy musikꞌac. Nequeꞌxyeꞌ li rukꞌeb nak yo̱queb chixtzꞌa̱manquil xtenkꞌanquileb. “Tokꞌob ku. Incꞌaꞌ nakacuy saꞌ rukꞌeb li nequeꞌraj kacamsinquil,” chanqueb.

Jeremías 4:31 ပူးပေါင်းရင်းမြစ်များ

Lamentaciones 1:17

Sión naxye' eb' li ruq' chi tz'aamank, ab'an maajun nak'ojob'ank xch'ool. Xyehom li Qaawa' naq sutsuuq laj Jakob yalaq b'ar xb'aaneb' li xik' neke'ilok re, ut li tenamit Jerusalén xkanaak sa' xutaan chiruheb' a'an.

Isaías 1:15

Naq neketaqsi leeruq' chi tijok, nintz'ap li xnaq' wu re naq ink'a' texwil. Us ta neketiq roq leetij, laa'in ink'a' nawab'i, xb'aan naq oso'jenaq sa' kik' leeruq': k'ajo'eb' li poyanam kekamsi!

Jeremías 13:21

K'aru taaye naq tatink'e chi awab'ejiik xb'aaneb' li xak'uleb' aawik'in cho'q aawamiiw? Q'axal ra taak'ul xb'aaneb' jo' junaq ixq ok re chi alank.

1 Ts 5:3

Naq yooqeb' chi xyeeb'al: “Wanko sa' tuqtuukilal ut maak'a' chik qak'a'uxl”, toja' naq taachalq li roso'jikeb' sa' junpaat chi maak'a'aq sa' xch'ooleb', jo' naq nachalk xrahil li alank sa' xb'een li ixq; ut ink'a' naru te'eleliq chiru.

1 Corintios 9:16

Wi laa'in ninpuktesi li Chaab'il Esilal, moko naru ta tinnimob'resi wib' rik'in a'an, a'an b'an jun k'anjel teneb'anb'il sa' inb'een. Ut ra chaalel sa' inb'een wi ink'a' ninpuktesi li Chaab'il Esilal!

San Mateo 21:5

“Yehomaq re li xrab'in Sión: «We' chaq aawik'in laaRey, tuulan ut k'ojk'o chaq chirix jun li b'uur ut chirix ral jun li xul aj iiqonel»”.

Miqueas 7:1

Toq'ob' xaq wu, chanchanin aj chik li nasakonink chirix xq'ehil li q'olok, ut ink'a' chik nintaw in'uub' chi moko in'iig; ink'a' chik nintaw ruheb' li awimq li q'axal nawulak chiwu.

Oseas 13:13

Xwulak xkutankil naq taa'alaaq, ab'anan laj Efraín a'an jun li al kaw xjolom li ink'a' naraj yo'laak sa' xyaalal.

Lamentaciones 2:21

Eb' li kok'al ut eb' li cheekel winq neke't'anaxinje'k chi ch'och'el; eb' linsaaj al ut eb' li tuq'ixq xe'kamsije'k chi q'esnal ch'iich'. K'ajo' xakamsiheb' sa' xkutankil laajosq'il, ut ink'a' xawil xtoq'ob'aal ruheb'!

Lamentaciones 1:20

Ilin, at Qaawa', sa' li rahilal wankin wi'. Nayot'e'k linch'ool, nab'aqaqnak li waanm xb'aan li maak xinb'aanu: xinq'etq'eti wib' chawu. Chirix kab'l yookeb' chi kamsiik eb' li walal ink'ajol, ut sa' li kab'l yo ajwi' li kamk.

Jeremías 50:43

Naq li awab'ej re Babilonia xrab'i resileb', k'ajo' naq xchalk xxiw ut nasiksotk; xmayok li xch'ool jo' junaq ixq ok re chi alank.

Jeremías 49:24

Eb' laj Damaask xe'ch'inank xch'ool ut okeb' re chi elelik. Neke'siksotk xb'aan xxiweb'; k'ajo' li rahilal yookeb' chi xk'ulb'al, jo' junaq ixq li ok re chi alank.

Jeremías 49:22

K'ehomaq reetal, li xik' na'ilok re Bosrá yo chi chalk sa' xb'een jo' junaq t'iw li xhel li xxik' sa' xb'een li xtzak. Sa' li kutan a'an q'axal te'xiwaq eb' li kaweb' rib' aj Edom, chanchanaqeb' li ixq li ok re chi alank”.

Jeremías 48:41

Xe'chapje'k eb' li tenamit ut xe'eechaniik eb' li kawub'resinb'il ochoch. Chiru li kutan a'an k'ajo' naq taamayoq xch'ooleb' laj puub' aj Mohab, siksootqeb' aj chik jo'kaqeb' li ixq ok re chi alank.

Jeremías 45:2

“At Baruk, laa'at xaye naq jwal toq'ob'aal aawu ut junes xrahil laach'ool naxk'e li Qaawa', li xYos laj Israel. Xaye ajwi' naq lub'luukat chi yaab'ak ut maak'a' chik junaq xsahil laawaanm nakataw.

Jeremías 30:6

Ayuqex chi xpatz'b'al ut k'ehomaq reetal: ma na'alank junaq winq? Wi ink'a', k'a'ut naq eb' li winq neke'xchap li xyi rixeb', chanchaneb' chik li ixq okeb' re chi alank? K'a'ut naq saqkirinkeb' aj chik neke'ilok?

Jeremías 22:23

Anaqwan sa nakathilank sa' laawochoch li yiib'anb'il rik'in yaw li chalenaq Líbano; ab'anan tatyaab'aq naq tolatxtaw li rahilal, jo' naxk'ul li ixq ok re chi alank”.

Jeremías 18:21

Ab'an anaqwan, at Qaawa', kanab'eb' chi kamk eb' li ralal xk'ajoleb' xb'aan li we'ej malaj chi q'esnal ch'iich'; kanaaqeb' li rixaqil chi xmalka'anil ixq ut maajunaq chik ralal xk'ajoleb'. Eb' li b'eelomej kamqeb' xb'aan li raxkamk ut eb' li saaj winq che'kamsiiq chi q'esnal ch'iich' sa' li yalok.

Jeremías 15:18

K'a'ut naq ink'a' naraqe'k linrahilal? K'a'ut naq ink'a' chik naru xkotzb'al xrahil li waanm? At Qaawa', ma chanchanat li yal k'oxlanb'il ha' cho'q we, kama'at jun roqha' li nab'alaq'ink we?

Jeremías 14:18

Wi ninxik sa' li k'aleb'aal, nintaweb' li xe'kamsiik chi q'esnal ch'iich'; wi nin'ok sa' li tenamit, nawileb' li poyanam li kamkeb' re xb'aan li we'ej. Ut eb' li propeet jo'wi' eb' laj tij neke'chalk neke'xik sa' li tenamit chi sachsookeb' xch'ool»”.

Jeremías 10:19

Jwal toq'ob' wu, q'axal ra wankin ut maak'a' xb'anol linrahilal. Sa' inch'ool laa'in naq ink'a' nim linrahilal ut moko ch'a'aj ta xkuyb'al li xmay.

Jeremías 6:2

At xchaq'alil ru tenamit Jerusalén, chi seeb' tatsache'q.

Isaías 42:14

“Chalen chaq sa' xtiklajik maak'a' ninye, ch'anch'ookin xinkanaak ut yal xinkuy wib'; ab'an anaqwan ninjap we jo' li ixq ok re chi alank, ninxeeyank ut ninpoosank aj chik.

Isaías 21:3

Jo'kan naq naxiwak xsa' linsa', nachalje'k inrahilal jo' li ixq ok re chi alank, nasachk inna'leb' xb'aan xrahil linch'ool ut k'ajo' naq ninxiwak xb'aan li nawil.

Isaías 13:8

Q'axal te'siksotq xb'aaneb' xxiw, te'ayaynaq ut te'eek'anq jo' junaq ixq ok re chi alank. Yal te'xka'yahatq aj chik rib' ut kaqmoqinkaqeb' xb'aaneb' xxutaan.

Isaías 6:5

Ut kinye sa' inch'ool: “Toq'ob' xaq wu, xin'oso'k, xb'aan naq laa'in jun li winq ninye li ink'a' us ut wankin sa' jun tenamit aj maak. Xwil rik'in wu li Awab'ej, a' li Nimajwal Yos!”.

Salmos 120:5

Q'axal ra cho'q we li wank sa' li tenamit Mesek, k'ajo' xrahil li hilank sa' xmuheb'aaleb' laj Kedar.

Li xHu LAJ JOB 10:1

Xintitz' chi wank sa' ruuchich'och', tinte li waanm re xyeeb'al jo'ch'inal jo'nimal naweek'a, xb'aan naq q'axal ra wankin.

Génesis 27:46

Chirix chik a'an lix Rebeka kixye re laj Isahak: “Xintitz'k chi wank sa' xyanqeb' li xrab'ineb' laj Hit. Wi laj Jakob tixk'am cho'q rixaqil junaq xrab'ineb' laj Hit kama' li wankeb' arin, k'a' chik aj e naq yo'yooqin?”, chan.

Isaías 26:17

Jo' naq li ixq wank sa' yu'am ut xwulak xhonalil li alank, japjo re xb'aan li rahilal, jo'kan ajwi' naq xoowank chawu, at Qaawa'.

Miqueas 4:9

Ut anaqwan, k'a'ut naq japjo aawe, jo'kat li ixq yo chi alank? Ma yal xb'aan naq maak'a' li awab'ej, malaj xb'aan naq xe'kamk eb' laj k'ehol aana'leb'?

Miqueas 4:10

Yaab'an ut chimayoq aach'ool, at Sión, jo'qat li ixq yo chi alank, xb'aan naq anaqwan tento tat-elq sa' li tenamit ut tatq'axonq sa' li k'aleb'aal. Tatwulaq toj Babilonia, ab'an aran tatkole'q, xb'aan naq li Qaawa' taa'isinq aawe sa' ruq'eb' li xik' neke'ilok aawe.