Jeremías 4:27 - Q'eqchi Bible

²⁷ Jo'ka'in kixye li Qaawa': “Chixjunil li ruuchich'och' taasachmanq, ab'an moko taa'oso'q ta chixjunil.

Li Santil hu

²⁷ Li Ka̱cuaꞌ quixye nak tixsach ru lix chꞌochꞌeb. Abanan incꞌaꞌ tixsach ruheb chi junaj cua.

Jeremías 4:27 ပူးပေါင်းရင်းမြစ်များ

Jeremías 46:28

At Jakob, aj k'anjelat chiwu, matxiwak -chan li Qaawa'-, xb'aan naq wankin aawik'in chakolb'al ut tinsach ruheb' chixjunil li tenamit katincha'cha'i wi'. Ab'an ink'a' tinsach aawu laa'at chi junajwa, us ta tatinq'us ut tatintij jo' chanru aak'ulub': ka'ajwi' nawaj naq taatoj rix laamaak sa' xyaalal”.

Jeremías 5:18

“Ab'an chiruheb' li kutan a'an -chan li Qaawa'- toj maji' texinsach chi junajwa.

Jeremías 5:10

Okanqex sa' li tenamit ut sachomaq, ab'an moko teesach ta chi junajwa. Ka'ajwi' li ink'a' chaab'ileb' xch'ool teerisi, xb'aan naq moko weheb' ta.

Jeremías 30:11

Laa'in, li Qaawa', ninye li waatin naq wankin aawik'in chakolb'al ut tinsach ruheb' chixjunil li tenamit katincha'cha'i wi'. Ab'an ink'a' tinsach aawu laa'at chi junajwa, us ta tatinq'us ut tatintij jo' chanru aak'ulub': ka'ajwi' nawaj naq taatoj rix laamaak sa' xyaalal”.

Ezequiel 11:13

Toj yookin ajwi' chi xyeeb'al li aatin a'in naq kikamk laj Pelatías, ralal laj Benaías. Kinwiq'laak, kinhupub' wib' chiru ch'och' ut kinjap we chi xyeeb'al: “At Qaawa', ma taachoy xsachb'al ru li rela' laj Israel?”.

Levítico 26:44

“Ab'an chirix chixjunil a'in, us ta wanqeb' chaq sa' xtenamiteb' li xik' neke'ilok reheb', laa'in ink'a' te'sachq sa' inch'ool, ink'a' tintz'eqtaanaheb'; moko tinsach ruheb' chi junajwa, chi moko tsachq sa' inch'ool li Sumwank kinb'aanu rik'ineb', xb'aan naq laa'in li Qaawa', li xYoseb'.

Ezequiel 33:28

Nayamyotk ut joxk' ch'och' tinkanab' li na'ajej a'in, ut taa'oso'q li xwankilal li naxnima wi' rib'. Eb' li xtzuulul Israel nakirirnak te'kanaaq, ut maajun chik taanume'q aran.

Ezequiel 6:14

Tinye' li wuq' re xsachb'al ruheb' chi junwaakaj ut joxk' tinkanab' li xch'och'eb', chalen sa' li chaqich'och', sa' xjayal rokeb'l iq', toj Riblá sa' releb'l iq'. Ut aran te'xnaw naq laa'in li Qaawa'”.

Jeremías 18:16

Chi jo'kan xe'xsutq'isi li xna'ajeb' jo' li chaqich'och', re naq se'enb'ilaqeb' chi junwaakaj. Yalaq ani taanume'q aran tixb'anb'ani li xjolom chi sachsooq li xch'ool.

Jeremías 7:34

Tinsach li sahil ch'oolejil sa'eb' li tenamit re Judá ut sa'eb' li b'e re Jerusalén; ink'a' chik taa'ab'iiq li b'ichank na'uxk sa' xkutankil li sumlaak. Xb'aan naq nakirirnak taakanaaq chixjunil li na'ajej”.

Jeremías 4:7

Ak xwakliik chaq laj sachonel tenamit, jo' jun li kaqkoj x'elk chaq sa' li xsok; chalk re sa' aab'een re xsachb'al laana'aj: nakirirnak te'kanab'aaq eb' laatenamit chi maajunaq chik li poyanam chisa'.

Isaías 24:1

Ilomaq, li Qaawa' ok re chi xsachb'al li ruuchich'och': tixyamtesi, tixchiq'le ru ut tixcha'cha'i chixjunileb' li poyanam.

2 Crónicas 36:21

Chi jo'kan kitz'aqlok ru li xyehom li Qaawa' chi xtz'uumal re laj Jeremías li propeet: “Li na'ajej taakanaaq chi po'lemil ut taahilanq chiru lajeeb' xkaak'aal chihab', re xtojb'al rix chixjunileb' li hilob'aal kutan ink'a' ke'roxloq'i xb'enwa”.

Nehemías 9:31

Ut sa' xk'ab'a' xnimal laarahom ink'a' kasacheb' chi junajwa chi moko kakanab'eb' xjunes, xb'aan naq laa'at jun Yos aj uxtaan ut chaab'il laach'ool.

Jeremías 4:20

Sa' riiqaj rib' xchalk li rahilal sa' inb'een, ut chixjunil li tenamit xjuk'mank. Sa' junpaat xe'juk'e'k li qochoch ut xookanaak chi maak'a' chik qamuheb'aal.

Jeremías 9:11

“Jun tuub' chi pek tinsutq'isi wi' Jerusalén, cho'q xna'ajeb' laj xojb'; nakirirnak tinkanab' chixjunileb' li tenamit sa' xteepal Judá ut maajun chik taakanaaq chisa'”.

Jeremías 25:11

Chixjunil li na'ajej a'in taasachmanq ut putz'inb'il taakanaaq. Ut chiru lajeeb' xkaak'aal chihab' chixjunileb' te'k'anjelaq chiru li awab'ej re Babilonia.

Jeremías 44:6

Jo'kan naq kilochk xxamlel linjosq'il ut q'axal kinjosq'o'k sa' xb'eeneb' li tenamit re Judá ut sa'atqeb' li b'e re Jerusalén. Ke'juk'mank ut nakirirnak ke'kanaak chalen toj anaqwan.

Ezequiel 20:17

Ab'an kiwil xtoq'ob'aal ruheb' ut ink'a' keb'inkamsi chi moko kinsach ruheb' sa' li chaqich'och'.

Levítico 26:31

po'lem tinkanab' leeninqal tenamit ut tinsacheb' li rochochil leejalanil yos; ink'a' chik taaxik inch'ool chirix leesununkil b'an.

Isaías 17:6

aran junes roq awimq aj chik taakanaaq. Taak'ulmanq jo' naq najiliik li ru eb' li oliiw chi che': wiib' oxib' aj chik nakanaak chiru li xmisik', kaahib' malaj oob'aq li ru natawmank chiru li xche'el”, chan li Qaawa', li xYos laj Israel.

Lamentaciones 2:7

Li Qaawa' xtz'eqtaana li x'artal ut xtz'eq chirix xch'ool li xsantil Na'aj. Xkanab' li xsuttz'akil li tenamit sa' ruq'eb' li xik' neke'ilok qe. K'ajo' li japok e sa' rochoch li Yos, chanchan wi' sa' jun ninq'e.

Sofonías 1:18

Sa' xkutankil li xjosq'il li Qaawa', maak'a' taakoloq reheb' li poyanam, chi moko li plaat chi moko li oor, xb'aan naq chixjunil li ruuchich'och' taa'oso'q sa' xxamlel xjosq'il li Yos. Jo'k'ihaleb' li wankeb' junsut junrub'el choxa te'oso'q sa' junpaat.