Jeremías 4:23 - Q'eqchi Bible

²³ Kiwil li ruuchich'och' ut kink'e reetal naq maak'a' wank chiru; kin'ilok sa' choxa ut maak'a' saqenk chiru.

Li Santil hu

²³ Laj Jeremías quixye: —Nak quicuil li ruchichꞌochꞌ, ma̱cꞌaꞌ chic cuan chiru. Quicuil li choxa ut ma̱cꞌaꞌ chic lix cutan saken.

Jeremías 4:23 ပူးပေါင်းရင်းမြစ်များ

San Mateo 24:29

“Akaq xk'ulmank li nimla rahilal a'an, li saq'e taaq'oqyino'q ru chi junpaat, li po ink'a' chik taasaqeno'q ru, eb' li chahim sa' choxa te't'anje'q chaq ut li xwankilal li choxa taachiq'chiq'iiq sa' xna'aj.

Isaías 13:10

Eb' li chahim chiru choxa ink'a' chik te'saqeno'q ru, li saq'e taaq'oqyino'q ru chi junpaat ut li po ink'a' chik tixkutanob'resi li ruuchich'och'.

Génesis 1:2

Li ruuchich'och', maak'a' wan chaq chiru: junes aak'ab' wank sa' xb'een xchamal li palaw, ut li xmusiq' li Yos naheelank chaq sa' xb'een li ha'.

Amós 8:9

“Sa' li kutan a'an -chan li Qaawa' Yos- tink'e chi aak'ab'o'k ru li kutan ut taachalq li q'oqyink sa' wa'leb'.

Joel 2:10

Hich'lotq li ch'och' sa' xna'aj naq yooqeb' chi chalk eb' laj saak'; li choxa taachiq'chiq'iiq, li saq'e ut li po taaq'oqyino'q ru, ut taa'aak'ab'o'q ruheb' li chahim.

Isaías 5:30

Naq taawulaq xkutankil, li tenamit a'an tixjap chaq re jo' xyaab' li palaw naq taachalq sa' xb'eeneb' laj Israel; ut wi wank junaq taaril li ruuchich'och', tixk'e reetal naq junes aak'ab' ru ut rahil ch'oolej, ut maak'a'aq chik li saqenk xb'aan li choql.

San Mateo 24:35

Li choxa ut li ruuchich'och' te'oso'q, a'ut li waatin ink'a' taanume'q.

Apocalipsis 20:11

Chirix chik a'an kiwil jun li nimla saqi k'ojarib'aal jo' ajwi' li k'ojk'o sa' xb'een. Chiru a'an ki'elelik li choxa ut li ruuchich'och', ut ink'a' chik kitawmank na'ajej cho'q reheb'.

Jeremías 9:10

“Chexyaab'aq ut chexq'oqonq chirixeb' li tzuul, b'ichahomaq junaq b'ich re rahil ch'oolej chirixeb' li taq'a, xb'aan naq xe'choqleek ut maajun chik nanume'k aran. Ink'a' chik neke'me'lok li wakax; eb' li xik'anel xul chiru choxa ut eb' li josq' aj xul xe'elelikje'k.

Jeremías 2:12

At choxa, chisachq aach'ool chi rilb'al a'in, chasiksiki aawib' xb'aan laaxiw -chan li Qaawa'-.

Lamentaciones 3:2

A'an xk'amok we sa' li aak'ab' ut xmin wu chi b'eek b'arwi' maak'a' li saqenk.

Zacarías 14:6

Sa' li kutan a'an maak'a'aq ke chi moko li ratz'amke.