Jeremías 4:22 - Q'eqchi Bible

²² “Maak'a' xna'leb' lintenamit, ink'a' naxnaw wu -chan li Qaawa'-. Jipeb' ut maak'a' xk'a'uxeb'. K'ajo' xna'leb'eb' chi b'aanunk maa'usilal, ab'an maak'a' neke'xnaw chirix li chaab'ilal”.

Li Santil hu

²² Li Ka̱cuaꞌ quixye: —Ma̱cꞌaꞌeb xnaꞌleb lin tenamit. Incꞌaꞌ nequeꞌxnau cuu. Chanchaneb li cocꞌal li ma̱cꞌaꞌeb xnaꞌleb. Chanchaneb li cocꞌal li incꞌaꞌ nequeꞌxtau xya̱lal. Cuanqueb xnaꞌleb chixba̱nunquil li ma̱usilal, abanan incꞌaꞌ nequeꞌraj xba̱nunquil li us, chan.

Jeremías 4:22 ပူးပေါင်းရင်းမြစ်များ

1 Corintios 14:20

Ex was wiitz'in, meek'uula'ali eerib' rik'in leena'leb'; k'uula'alaqex b'an chiru li maa'usilal, ut cheekel winqaqex rik'in leena'leb'.

Romanos 16:19

Xsutunk yalaq b'ar resil naq nekexpaab'ank; jo'kan naq nasaho'k inch'ool cherix. Ab'anan nawaj naq seeb'aq eech'ool rik'in li us ut saqaq ru leeraanm chiru li maa'usilal.

Jeremías 5:21

«Ab'ihomaq li esil a'in, ex jip aj tenamit ut maak'a' eena'leb'! Wank xsa' leeru, ab'an maak'a' nekeril; wank leexik, ut ink'a' nekex'ab'ink.

Romanos 3:11

Maa'ani wank xna'leb', junaq taxaq li nasik'ok re li Yos.

Oseas 4:6

Yo chi kamk lintenamit xb'aan naq ink'a' neke'xnaw wu. Ut laa'at, aj tij, xatz'eqtaana xnawb'al wu, jo'kan naq tatwisi sa' laak'anjel. Xb'aan naq xatz'eqtaana li xchaq'rab' laaYos, laa'in ajwi' teb'intz'eq chirix inch'ool eb' laawalal aak'ajol.

Romanos 1:22

Ke'xye rib' naq wankeb' xna'leb', ab'anan ke'kanaak chi maak'a'eb' xna'leb',

Oseas 5:4

Li xtz'i'b'eetal aj b'aanuhomeb' li tenamit ink'a' nakanab'ank reheb' chi sutq'iik rik'in li xYoseb', xb'aan naq xnumtaak li xmaa'usilaleb' ut ink'a' neke'xnaw ru li Qaawa'.

San Juan 16:3

Te'xb'aanu a'in xb'aan naq ink'a' xe'xnaw ru li Yuwa'b'ej chi moko xe'xnaw wu laa'in.

Miqueas 2:1

Ra chaalel sa' xb'eeneb' li ink'a' neke'b'aanunk li tiikilal! Naq yokyookeb' sa' li xwarib'aaleb', neke'xk'uub' li maa'usilal; ut naq nawulak xkutankil, neke'xb'aanu li xk'uub'ahomeb' xb'aan naq wank li xwankileb'.

Deuteronomio 32:28

“Xb'aan naq eb' laj Israel maak'a'eb' xna'leb' ut ink'a' neke'xtaw xyaalal.

Romanos 1:28

Ink'a' ke'raj xk'uulankil sa' xch'ooleb' li yaal chirix li Yos, jo'kan naq ke'q'axtesiik xb'aan li Yos sa' li xmaa'us aj k'a'uxeb' re te'xb'aanu li moko uxk naraj.

Jeremías 13:23

Ma naru nasaqo'k xtib'el laj q'eq? Ma naru naxsach li xtzipixil rix li hix? Jo'kan ajwi' laa'ex ink'a' texruuq xb'aanunkil li usilal xb'aan naq k'aynaqex chi xb'aanunkil li maa'usilal.

Isaías 27:11

Naq eb' li ruq' che' neke'chaqik, neke'toqiik; toja' naq neke'chalk eb' li ixq ut neke'xtz'ab' xxameb' chiru. Li tenamit a'an maak'a' xna'leb', jo'kan naq Li kiyoob'tesink re, laj Winqob'resihom re, ink'a' taaril xtoq'ob'aal ru.

Jeremías 10:8

Chixjunileb' a'an jwal jipeb' ut memeb' chawu laa'at; junes memil neke'xtzol chirixeb' li che'il yos.

Isaías 1:3

Li b'ooyx naxnaw ru laj eechal re, ut li b'uur naxnaw b'ar nachalk li xtzekemq. A'ut laj Israel maak'a' naxnaw, maak'a' xna'leb' lintenamit”.

Jeremías 5:4

Toja' naq xinye: “Relik chi yaal naq maak'a' neke'xnaw li ink'a' tzolb'ileb': ink'a' neke'xtaw ru li rajom li Qaawa' chi moko li xchaq'rab' li xYoseb'.

San Lucas 16:8

“Laj eechal junkab'lal kixnima ru li mertoom ink'a' tiik xch'ool, xb'aan naq kiwank xna'leb' rik'in li kixb'aanu. Xb'aan naq eb' li ralal xk'ajol li ruuchich'och' a'in q'axal wankeb' xna'leb' chirib'ileb' rib' chiruheb' li ralal xk'ajol li saqenk.

Oseas 4:1

Ab'ihomaq li raatin li Qaawa', ex aj Israel. Ok re sa' raqb'a aatin rik'ineb' li wankeb' sa' li tenamit a'in, xb'aan naq maak'a' chik arin li tiikil ch'oolej ut li rahok, maajun chik nanawok ru li Qaawa'.

Deuteronomio 32:6

Ma jo'kan naq nakaq'ajkamu li Qaawa' laaYos, at jip aj tenamit ut maak'a' aana'leb'? Ma ink'a' tab'i' A'an laaYuwa', laj Winqob'resihom aawe?

2 Samuel 13:3

Ab'anan kiwank jun ramiiw laj Amnón, aj Jonadab xk'ab'a', ralal laj Simá li ras laj David. Laj Jonadab wank xk'a'uxl,

Salmos 36:3

K'ajo' naq naxra rib' ut ink'a' naxk'e reetal li xmaak chi moko naxtz'eqtaana li xmaa'usilal.

Salmos 53:4

Ab'an sachenaqeb' sa' b'e chixjunileb', junxikikeb' sa' li maa'usilal. Maak'a' junaq nab'aanunk li us, yal jun taxaq.

Salmos 82:5

“Ab'an laa'ex maak'a' nekenaw chi moko neketaw xyaalal, chanchan sa' aak'ab' nekexb'eek; nahich'len chixjunil li rub'elankil li ruuchich'och'.

Jeremías 2:8

Eb' laj tij maajun wa chik ke'xpatz' rib'eb': «B'ar wank li Qaawa'?». Eb' laj tzolol re lintenamit ink'a' ke'xnaw wu; eb' laj jolominel reheb' ke'xq'etq'eti rib' chiwu, ut eb' li propeet sa' xk'ab'a' chik laj Bahal ke'aatinak ut koheb' chirixeb' li jalanil yos li maak'a' neke'ok wi'.

Jeremías 4:21

Jo' najtil chik yooqin rilb'al li reetalil li yalok ut yooqin rab'inkil xyaab'eb' li pur?

Jeremías 9:3

yo'oon wankeb' chi yehok tik'ti', ut chanchan xq'esnal li simaj li ru'uj raq'eb'. Li tik'ti' nanumtaak sa' li tenamit a'in ut li yaal maak'a' na'ok wi'. Moko te'xtaw ta chik xna'leb'eb' ut ink'a' neke'xnaw ru li Qaawa'.

Ezequiel 16:30

«Tik moko chaab'il ta laayu'am -chan li Qaawa'- re xb'aanunkil li k'iila maa'usilal nakab'aanu, numtajenaq wi' chik chiru junaq aj yumb'eet.

Amós 3:10

Li Qaawa' kixye chi jo'ka'in: “Eb' a'an ink'a' neke'xb'aanu li tiikilal, ut neke'xnujob'resi li rochocheb' rik'in li k'aru xe'relq'a naq xe'xrahob'tesi eb' li ras riitz'in”.

Génesis 39:16

Li ixq kixsoq'ob' li raq' laj José chi xk'atq toj reetal kisutq'iik chaq li xb'eelom sa' kab'l.

Salmos 36:4

Junes tz'ajn aj aatin naxye ut ka'aj chik b'alaq'ik naxb'aanu; ink'a' naraj xtawb'al ru chi moko xb'aanunkil li us.

Proverbios 28:5

Eb' li ink'a' useb' xna'leb' ink'a' neke'xtaw ru li tiikilal; ab'an li neke'xsik' li Qaawa', neke'xtaw ru chixjunil.

Jeremías 9:2

Ani taxaq xk'ehok junaq wochochnaal sa' li chaqich'och' b'arwi' tinhilanq jo' aj numel b'e, re raj tinkanab' lintenamit! Xb'aan naq aj muxuleb' rib' chixjunileb', tik jun tuub'eb' chi aj b'alaq';

Jeremías 9:5

Neke'xb'alaq'i rib' chirib'ileb' rib' ut maajun nayehok li yaal sa' xyanqeb'; k'aynaqeb' chi tik'ti'ik, xe'xpo' xk'a'uxeb' ut ink'a' chik neke'raj xjalb'al xna'leb'eb'.

Miqueas 7:3

K'aynaqeb' li ruq'eb' chi xb'aanunkil li maa'usilal; eb' laj jolominel kaw neke'titz'ok toj, eb' laj raqol aatin neke'tuminaak ruheb', ut eb' li ninqeb' xwankil neke'xb'aanu li neke'raj ut neke'xk'uub' ru li ink'a' us.