Jeremías 4:18 - Q'eqchi Bible

¹⁸ “Laana'leb' ut laab'aanuhom xk'amok chaq re li rahilal a'in sa' aab'een; li maa'usilal xwulak li xmay toj sa' laawaanm, xb'aan naq xaq'etq'eti aawib' chiwu”.

Li Santil hu

¹⁸ La̱ex aj Judá, yo̱quex chixcꞌulbal li raylal aꞌin xban li ma̱usilal xeba̱nu. Xban le̱ ma̱c nak yo̱quex chixcꞌulbal li raylal aꞌin ut nayotꞌeꞌ e̱chꞌo̱l xban.

Jeremías 4:18 ပူးပေါင်းရင်းမြစ်များ

Jeremías 2:19

A' ajwi' laamaa'usilal taarahob'tesinq aawe, ut li xb'alaq'il aach'ool taajitoq aawe. K'oxla ut k'e reetal naq ink'a' us lintz'eqtaanankil xab'aanu ut q'axal ra wankat xb'aan naq ink'a' xak'e inloq'al: laa'in li Qaawa' laaYos. Raatin li Nimajwal Yos.

Salmos 107:17

Q'axal ke'yajerk xb'aan xmaa'usilaleb', numtajenaq xtoq'ob'aal ruheb' xb'aan li xmaakeb'.

Jeremías 2:17

Ma ink'a' tab'i' xek'ul chi jo'kan xb'aan naq xetz'eqtaana li Qaawa' leeYos, li xk'amok chaq b'e sa' leeb'eenik?

Isaías 50:1

Jo'ka'in kixye li Qaawa': “Ma wank b'araq li xhuhil li jachok ib', reetalil naq xintz'eqtaana leena'? Malaj xexink'ayi ta laa'ex, re xtojb'al link'as? K'ehomaq reetal naq laa'ex xexk'ayiik xb'aan leemaak; xb'aan ajwi' leeq'etb'a aatin xtz'eqtaanaak leena'.

Proverbios 1:31

Jo'kan naq teek'ul reeqaj leeb'aanuhom ut texnujaq rik'in leeyib' aj na'leb'.

Jeremías 6:19

Ab'ihomaq li wankex sa' ruuchich'och'! Tink'am chaq li rahilal sa' xb'een li tenamit a'in xb'aan li maa'usilal neke'xk'uub'. Ink'a' neke'raj xpaab'ankil li waatin ut neke'xtz'eqtaana linchaq'rab'.

Jeremías 26:19

“Ma kikamsiik tab'i' laj Mikeas xb'aan laj Esekías, awab'ej re Judá, ut xb'aaneb' chixjunileb' laj Judá? Ink'a'. Li awab'ej kixxiwa ru li Qaawa' ut kixtz'aama xkuyb'aleb' li xmaak. Ut li Qaawa' ink'a' chik kixtaqla chaq li rahilal sa' xb'eeneb' jo' kixk'uub' xb'enwa. A'ut laa'o, wi tqakamsi laj Jeremías, tqateneb' jun nimla maak sa' qab'een”, chankeb'.

Jeremías 5:19

Ut naq te'xpatz' aawe: «K'a'ut naq li Qaawa' xb'aanu qe chixjunil a'in?», taaye reheb': «Jo' naq laa'ex xekanab' li Qaawa' re k'anjelak chiruheb' li jalanil yos sa' leena'aj, jo'kan ajwi' naq texk'anjelaq chiruheb' laj ab'l poyanam, sa' li na'ajej moko eere ta».

Proverbios 5:22

Li ink'a' us xch'ool nat'ane'k sa' li xmaa'usilal; a' ajwi' li xmaak nasachok re.

Jeremías 5:25

Xb'aan leemaa'usilal naq xjalaak ru chixjunil a'in; a' leemaak laa'ex xnajtob'resink eere rik'in li sahil wank.

Ezequiel 39:24

Xinb'aanu reheb' jo' chanru li xmaa'usilaleb' ut li xmaakeb', ut xeb'inkanab' xjuneseb'.

Oseas 7:2

Ink'a' neke'xk'oxla naq jultik we li xmaakeb'. Ut anaqwan tz'aptz'ookeb' sa' li maak, junelik wank chiwu li xmaa'usilaleb'.

Jeremías 14:16

Ut eb' li tenamit a'an te'kanaaq chi t'ant'o sa'atqeb' li b'e re Jerusalén: te'kamq xb'aan li raaxiik' ut li we'ej, chi maajun taamuquq reheb', rochb'eeneb' li rixaqil ut eb' li ralal xk'ajoleb'. A' ajwi' li xmaa'usilaleb' tinq'aplusi sa' xb'eeneb'.

Lamentaciones 3:15

Li Qaawa' xinxnujob'resi chi rahil ch'oolej; k'ajo' xk'ahil li ha' xk'e chi wuk'.