Jeremías 39:8 - Q'eqchi Bible

⁸ Eb' laj Kaldeha ke'xk'at li rochoch li awab'ej jo' ajwi' li rochocheb' li poyanam, ut ke'xjuk' li xsuttz'akil Jerusalén;

Li Santil hu

⁸ Ut eb laj Babilonia queꞌxcꞌat li rochoch li rey joꞌ eb ajcuiꞌ li rochocheb li tenamit. Ut queꞌxjucꞌ chixjunil li tzꞌac li sutsu cuiꞌ Jerusalén.

Jeremías 39:8 ပူးပေါင်းရင်းမြစ်များ

Nehemías 1:3

Kine'xchaq'b'e: “Eb' li ink'a' koheb' chi preexil ut ke'kanaak sa' xteepal Judá, wankeb' anaqwan sa' rajb'al ru ut naab'al li rahilal yookeb' xk'ulb'al. Juk'inb'il li tz'ak sutsu wi' Jerusalén, ut k'atb'il li xtz'apb'al rokeb'aal li tenamit”, chankeb'.

Jeremías 38:18

Ab'an wi ink'a' taaq'axtesi aawib' sa' ruq'eb', li tenamit a'in taa'eechaniiq xb'aaneb' laj Kaldeha ut taak'atmanq; ut laa'at ink'a' ajwi' tatkole'q sa' ruq'eb'»”.

Jeremías 21:10

Xb'aan naq xink'uub' xrahob'tesinkil li tenamit a'in ut ink'a' chik nawaj rusilankil. Tinq'axtesi sa' ruq' li awab'ej re Babilonia, ut a'an taak'atoq re -chan li Qaawa'-.

Miqueas 3:12

Jo'kan utan, eemaak laa'ex naq Sión kama'aq chik li k'aleb'aal re awk, ut Jerusalén taakanaaq cho'q po'lem, ut taak'iche'o'q li xna'aj li rochoch li Yos.

Amós 2:5

Jo'kan naq tink'e xxamlel chixjunil li xteepal Judá ut te'k'ate'q eb' li xchaq'alil ru ochoch re Jerusalén”.

Lamentaciones 2:7

Li Qaawa' xtz'eqtaana li x'artal ut xtz'eq chirix xch'ool li xsantil Na'aj. Xkanab' li xsuttz'akil li tenamit sa' ruq'eb' li xik' neke'ilok qe. K'ajo' li japok e sa' rochoch li Yos, chanchan wi' sa' jun ninq'e.

Lamentaciones 2:2

Li Qaawa' xjuk'i chixjunileb' li xmuheb'aal laj Jakob; ink'a' xril xtoq'ob'aal ruheb' li kawub'resinb'il tenamit wankeb' sa' xteepal Judá, ut xkuteb' chi ch'och'el. Xsach xwankil li awab'ej ut eb' li xninqal ru winq.

Lamentaciones 1:10

Eb' li xik' neke'ilok re xe'xxok chixjunil li xb'ihomal. Eb' laj Jerusalén xe'ril li maak'a'eb' xpaab'aal chi ok sa' li xloq'laj ochoch li Yos, a'eb' ajwi' li xaye laa'at, at Qaawa', naq ink'a' naru te'ok sa' laaloq'laj ch'utam.

Jeremías 37:10

Us ta texnumtaaq sa' xb'eeneb' laj Kaldeha li yookeb' chi yalok eerik'in, ut yal wiib' oxib'eb' aj chik te'kole'q chi tiq'ilkaqeb', ab'an eb' a'an chixjunqaleb' raj te'wakliiq wi' chik sa' li xmuheb'aaleb' ut te'xk'e xxamlel li tenamit a'in”.

Jeremías 34:22

Laa'in tinsutq'isiheb' chaq wi' chik ut te'chalq chi xsachb'al Jerusalén; te'reechani ut te'xk'e xxamlel. Ut nakirirnak te'kanaaq chixjunileb' li tenamit sa' xteepal Judá ut maajun chik poyanam taawanq chisa'”, chan li Qaawa'.

Jeremías 34:2

“Laa'in, li Qaawa' ut xYos laj Israel, nakatintaqla chi xyeeb'al re laj Sedesías, awab'ej re Judá: «Jo'ka'in xye li Qaawa': Laa'in tinq'axtesi li tenamit a'in sa' ruq' li awab'ej re Babilonia re naq tixk'at.

Jeremías 17:27

Ab'anan wi ink'a' nikineepaab' re xsantob'resinkil li xwuq li kutan, ut nekeroksi leeriiq sa' li tenamit Jerusalén sa' li kutan a'an, laa'in tink'e chi k'ate'k eb' li rokeb'aal li tenamit; ut li xam a'an tixk'at eb' li xchaq'alil ru ochoch re Jerusalén, ut maajun chik taaruuq chi chupuk re»”.

Jeremías 7:20

Jo'kan naq li Qaawa' xye chi jo'ka'in: Twisi linjosq'il sa' xb'een li na'ajej a'in, sa' xb'eeneb' li xpoyanamil ut eb' li xul, sa' xb'eeneb' li che' ut eb' li awimq. Ut linjosq'il chanchanaq li choqlenk li ink'a' naru xchupb'al”, chan li Qaawa'.

Isaías 5:9

Jo'ka'in xwab'i chi xyeeb'al li Nimajwal Yos: “Naab'aleb' li ochoch te'juk'manq. Us ta jwal ninq ut ch'ina'usil kab'l te'wanq aran, maajun chik poyanam taawanq chisa'.

2 Crónicas 36:19

Ke'xk'at ajwi' li rochoch li Qaawa', ke'xjuk' li xsuttz'akil Jerusalén, ke'xk'e xxamlel li xninqaleb' ru ochoch ut ke'xputz'i chixjunil li k'a'aq re ru jwal loq'.

2 Reyes 25:8

Wuqub' kutan xtiklajik li ro' po re li b'eleelaju chihab' rokik chi awab'ejink laj Nabukodonosor sa' xb'eeneb' laj Babilonia, laj Nebusardán, xjolomileb' laj puub', aj k'anjel chiru li awab'ej, kik'ulunk Jerusalén.

Salmos 79:7

Xb'aan naq xe'xsach ru laj Jakob, xe'xpoqle chixjunil li reechanihom.

Jeremías 32:29

Eb' laj Kaldeha li yookeb' chi yalok rik'in Jerusalén te'ok chisa', te'xk'e xxamlel ut taa'oso'q rochb'eeneb' li ochoch nak'atmank wi' pom chiru laj Bahal ut na'uk'mank b'iin sa' xk'ab'a'eb' li jalanil yos yal re xchiq'b'al linjosq'il.

Ezequiel 16:41

te'xk'at laawochoch ut chiruheb' chixjunileb' li ixq te'xteneb' tojb'amaak sa' aab'een. Aran toxraqe'q chixjunil laamaa'usilal ut ink'a' chik taatojeb' li neke'rahink aawu.

Ezequiel 23:47

Kamsiiqeb' chi pek xb'aaneb' li k'iila tenamit ut xpaynumiiqeb' chi ch'iich'; che'kamsimanq li ralal xk'ajoleb' ut che'k'ate'q li rochocheb'.

Ezequiel 33:21

Oob' kutan chik xb'e li xlaje po re li kab'laju chihab' qak'amb'al aran Babilonia, kol'elq wik'in jun li winq ki'elelik chaq Jerusalén, ut kixye we: “Li tenamit x'eechaniik xb'aaneb' li xik' neke'ilok qe”, chan we.

Jeremías 5:10

Okanqex sa' li tenamit ut sachomaq, ab'an moko teesach ta chi junajwa. Ka'ajwi' li ink'a' chaab'ileb' xch'ool teerisi, xb'aan naq moko weheb' ta.