Jeremías 39:6 - Q'eqchi Bible

⁶ Chiru ajwi' laj Sedesías ke'ch'ote'k chi xkuxeb' li ralal xk'ajol, rochb'eeneb' chixjunileb' li xninqal ru winq aj Judá.

Li Santil hu

⁶ Ut lix reyeb laj Babilonia quixcamsi li ralal laj Sedequías. Laj Sedequías yo̱ chi rilbal nak queꞌcamsi̱c. Ut queꞌcamsi̱c ajcuiꞌ eb li cuanqueb xcuanquil aran Judá.

Jeremías 39:6 ပူးပေါင်းရင်းမြစ်များ

Jeremías 52:10

Aran Riblá, chiru ajwi' laj Sedesías, ke'kamsiik chi ch'iich' chixjunileb' li ralal jo' ajwi' chixjunileb' li xjolomileb' laj Judá.

Jeremías 21:7

Chirix chik a'an tinq'axtesi laj Sedesías, li awab'ej re Judá, sa' ruq' laj Nabukodonosor ut sa' ruq'eb' li neke'ajok xkamsinkil. A'aneb' te'choyoq xkamsinkileb' li te'kole'q sa' li tenamit chirix li raaxiik', li raxkamk ut li we'ej. Tink'eheb' chi kamsiik chi ch'iich', chi maak'a'aq toq'ob'ank u ut usilal cho'q reheb' -chan li Qaawa'-.

2 Reyes 25:7

Chiru ajwi' laj Sedesías ke'kamsiik chi ch'iich' chixjunileb' li ralal, ut a'an ki'isiik xsa'eb' li ru, ke'xb'ak' rik'in wiib' kareen q'anch'iich' ut ke'xk'am toj Babilonia.

Deuteronomio 28:34

ut taakaano'q aawu chi rilb'al li yooq chi k'ulmank.

Isaías 13:16

Chiruheb' ajwi' a'an te'sumsak'iiq chiru pek li ralaleb'; taa'elq'aaq xsa' chixjunileb' li ochoch ut te'maakoniiq li rixaqileb'.

Ester 8:6

Xb'aan naq chanru tinkuy rilb'al li rahilal taachalq sa' xb'een lintenamit? Chanru tinkuy naq te'sache'q li wech tenamitul?”, chan.

2 Crónicas 34:28

Tatq'ajq tatsutq'iiq rik'ineb' laaxe'toonil yuwa' ut tatmuqe'q sa' tuqtuukilal sa' laamuqleb'aal. Ink'a' taawil chixjunil li nimla rahilal tintaqla chaq sa' xb'een li na'ajej a'in ut sa' xb'eeneb' li xpoyanamil»”. Eb' li xtaql li awab'ej ke'xk'am li aatin a'in ut ke'xnumsi re.

2 Reyes 22:20

Tatq'ajq tatsutq'iiq rik'ineb' laaxe'toonil yuwa' ut tatmuqe'q sa' tuqtuukilal sa' laamuqleb'aal. Ink'a' taawil chixjunil li nimla rahilal tintaqla chaq sa' xb'een li na'ajej a'in»”. Eb' li xtaql li awab'ej ke'xk'am li aatin a'in ut ke'xnumsi re.

Génesis 44:34

Xb'aan naq chan ta ru tinxik laa'in wan wi' linyuwa' wi ink'a' wochb'eenaq li al? Ink'a' nawaj rilb'al li rahilal taachalq sa' xb'een linyuwa'”.

Génesis 21:16

ut koxchunub' rib' najt kach'inaq rik'in li ch'ina'al, xb'aan naq kixye sa' xch'ool: “Ink'a' nawaj rilb'al chi kamk linyum”. Ut naq chunchu aran lix Agar, ke'ok chi yaab'ak rochb'een li ch'ina'al.

Isaías 34:12

Maajun chik taaxaqab'aaq cho'q awab'ej, chixjunileb' li xninqal ru winq te'sachmanq ruheb'.

Jeremías 20:4

Xb'aan naq li Qaawa' xye chi jo'ka'in: «Tink'e naq taaxiwa aawib' aajunes ut tatkanaaq cho'q xxiweb' chixjunileb' laawamiiw. Laa'at taawileb' naq te'kamsiiq chi ch'iich' xb'aaneb' li xik' neke'ilok reheb'. Tinq'axtesi chixjunileb' laj Judá sa' ruq' li awab'ej re Babilonia re naq te'k'ame'q sa' li tenamit a'an ut te'kamsiiq chi ch'iich'.

Jeremías 34:3

Ut laa'at ink'a' tatkole'q chiru: relik chi yaal naq tate'xchap ut tatq'axtesiiq sa' ruq'; ut naq akaq xawil rik'in aawu li awab'ej re Babilonia ut xex'aatinak cherib'il eerib', tatk'ame'q sa' li tenamit a'an.

Jeremías 38:23

“Eb' laawixaqil ut eb' laawalal aak'ajol te'q'axtesiiq sa' ruq'eb' laj Kaldeha, ut laa'at ink'a' tatkole'q sa' ruq'eb' a'an, tate'xk'e b'an rub'el xwankil li awab'ej re Babilonia ut te'xk'at li tenamit a'in”.

Ezequiel 23:24

Te'chalq sa' aab'een rik'in k'iila b'eleb'aal ch'iich' ut k'ajo'aqeb' laj puub'. Tate'xsut yalaq b'ar chi wankatqeb' chaq punit ch'iich' ut xkolb'aleb' li re xch'ool. Laa'in tink'e xwankileb' chi raqok aatin sa' aab'een, ut eb' a'an te'raqoq aatin jo' chanru li xchaq'rab'eb' a'an.

Ezequiel 24:5

Chirix a'an sik' ru junaq chaab'il karneer, ut tuub' si' chi rub'el re naq taawoqxinq chi us, toj reetal taachaq'aq li b'aq.

Sofonías 1:8

“Sa' xkutankil li mayejak -chan li Qaawa'- laa'in tolinrahob'tesi li xninqaleb' ru winq, eb' li ralaleb' li awab'ej jo' ajwi' chixjunileb' laj ab'l tenamit.