Jeremías 39:17 - Q'eqchi Bible

¹⁷ Ab'an naq taak'ulmanq a'an, laa'in tatinkol re naq ink'a' tatq'axtesiiq sa' ruq'eb' li q'axal nakaxiwaheb' ru.

Li Santil hu

¹⁷ Abanan la̱in tincolok a̱cue saꞌ li cutan aꞌan, chan li Ka̱cuaꞌ. La̱at incꞌaꞌ tatkꞌaxtesi̱k saꞌ rukꞌeb li tenamit li nacaxucua ruheb.

Jeremías 39:17 ပူးပေါင်းရင်းမြစ်များ

Salmos 50:15

Chayaab'a link'ab'a' sa' xkutankil laarahilal; laa'in tatinkol ut laa'at tinaaloq'oni”.

Jeremías 1:19

Eb' a'an te'yaloq aawik'in, ab'an ink'a' te'ruuq xq'axb'al aawu xb'aan naq wanqin aawochb'een re aakolb'al”, chan li Qaawa'.

2 Samuel 24:14

Kichaq'ok laj David ut kixye re laj Gad: “Q'axal ch'a'aj wankin. Ab'anan jwal us raj naq tqaq'axtesi qib' sa' ruq' li Qaawa' li q'axal nim ruxtaan, chiru li t'ane'k sa' ruq'eb' li winq”, chan.

Jeremías 38:9

“At awab'ej, yib'ru xe'xb'aanu eb' li winq a'an naq xe'xk'e sa' xjulel li ha' laj Jeremías, li propeet. Toq'ob' ru; aran taakamq xb'aan xtz'okajik, xb'aan naq maak'a' chik wa sa' li tenamit”.

Génesis 15:1

Naq ak xk'ulmank chixjunil a'in, ki'aatinaak laj Abrán xb'aan li Qaawa' sa' moy u chi jo'ka'in: “Matxiwak, Abrán: laa'in laj kolol aawe. Q'axal nimaq laaq'ajkamunkil”, chan li Yos.

San Mateo 25:40

Ut li Rey tixye reheb': «Relik chi yaal ninye eere: jo'ch'inal jo'nimal xeb'aanu chaq reheb' linkok' iitz'in a'in q'axal kok'eb', we laa'in xeb'aanu chaq».

Daniel 6:16

Toja' naq li awab'ej kixtaqla xk'amb'al laj Daniel re naq taakute'q sa' xyanqeb' li kaqkoj. Ab'anan naq toj maji' nakutmank sa' xjuleb' li kaqkoj, laj Darío kixye re laj Daniel: “A' taxaq li Qaawa' laaYos, li nakak'anjela ru chi anchal laach'ool, chikoloq aawe sa' reheb' li kaqkoj”, chan. Ut ke'xkut sa' li jul.

Jeremías 38:1

Laj Sefatías, ralal laj Matán, laj Kedalías, ralal laj Pajsur, laj Jukal, ralal laj Selemías, ut laj Pajsur, ralal laj Malkías, ke'rab'i naq laj Jeremías ki'aatinak chiruheb' chixjunil li tenamit ut kixye reheb':

1 Reyes 18:15

Kichaq'ok laj Elías ut kixye: “Sa' xk'ab'a' li Nimajwal Yos li yookin chi k'anjelak chiru, ninye aawe naq sa' ajwi' li kutan a'in tin'aatinaq rik'in laj Ajab”.

1 Reyes 18:16

Koho laj Abdías chi xsik'b'al laj Ajab ut koxye re li esil a'in; toja' naq laj Ajab koho chi xk'ulb'al laj Elías,

2 Reyes 6:16

“Matxiwak -chan laj Eliseo-. Jwal naab'aleb' li wankeb' qik'in laa'o chiruheb' a'an”.