Jeremías 39:10 - Q'eqchi Bible

¹⁰ Ab'anan eb' li jwal neb'a'eb', eb' li maak'a' wank reheb', laj Nabusaradán kixkanab'eb' sa' xteepal Judá, ut sa' ajwi' li kutan a'an kixk'eheb' rawimq uub' ut xk'aleb'aaleb'.

Li Santil hu

¹⁰ Abanan, laj Nabuzaradán, li nataklan, quixcanab saꞌ li naꞌajej Judá eb li nebaꞌ, li ma̱cꞌaꞌ cuan reheb. Ut quixqꞌue reheb lix chꞌochꞌeb ut li racui̱mkeb uvas.

Jeremías 39:10 ပူးပေါင်းရင်းမြစ်များ

2 Reyes 25:12

Ka'ajwi' kixkanab'eb' sa' li tenamit li q'axal neb'a'eb', re te'awoq uub' ut te'k'ale'q sa'eb' li k'aleb'aal.

Jeremías 52:16

Ab'anan eb' li jwal neb'a'eb' ke'kanab'aak sa' xteepal Judá, re naq te'awoq uub' ut te'k'ale'q sa'eb' li k'aleb'aal.

Jeremías 40:7

Chixjunileb' li xjolomileb' laj puub' aj Judiiy li wankeb' chaq sa' k'iche', ke'rab'i naq laj Nabukodonosor, li awab'ej re Babilonia, kixxaqab' laj Kedalías, ralal laj Ajikán ut ri laj Safán, chi xjolominkil li tenamit ut kixkanab'eb' sa' ruq' eb' li q'axal neb'a', a'eb' li winq, eb' li ixq ut eb' li kok'al li ink'a' ke'k'ame'k Babilonia;

Ezequiel 33:24

“At kaamel winq, eb' li wankeb' sa' xyanq li po'lem, sa' xteepal Israel, yookeb' chi xyeeb'al: «Laj Abrahán a'an jun ajwi' chi winq ut kireechani li na'ajej a'in. Ma toja' ta chik laa'o toxqeechani li na'ajej xb'aan naq naab'alo», chankeb'.

Isaías 7:21

Chiruheb' li kutan a'an li junjunq tixk'iiresi jun x'ixqiwakax ut wiib'aq xkarneer,

Jeremías 40:10

Laa'in tinkanaaq arin Mispá ut tin'okenq cherix naq eb' laj Kaldeha te'chalq chi qula'aninkil. Laa'ex naru texkanaaq arin chi xxokb'al ru li uub', li triiw ut li oliiw. K'uulahomaq chi chaab'il ut kanaaqex sa'eb' li tenamit xereechani”.

Jeremías 43:6

eb' li winq, li ixq, li kok'al, li xrab'ineb' li awab'ej ut chixjunileb' li poyanam li ke'kanab'aak rub'el xwankil laj Kedalías, ralal laj Ajikán ut ri laj Safán, xb'aan laj Nabusaradán, xjolomileb' laj k'aak'alenel. Ke'xch'utub' ajwi' laj Jeremías, li propeet, ut laj Baruk, ralal laj Nerías.

Zacarías 11:7

Toja' naq kin'ok chi rilb'aleb' li karneer re kamsiik, jo' chanru xyeemank xb'aaneb' laj k'ay. Kinsik' ajwi' wiib' inxuq': li jun “Sahil wank” kink'e cho'q xk'ab'a', ut li jun chik “Junajil” kixk'ab'a'in.