Jeremías 38:7 - Q'eqchi Bible

⁷ Naq laj Ebedmélek, aj Etiopía, aj ilol re li rochoch li awab'ej, kirab'i naq kik'ehe'k laj Jeremías sa' xjulel li ha',

Li Santil hu

⁷ Quicuan jun li cui̱nk aj Etiopía, aj Ebed-melec xcꞌabaꞌ. Aꞌan li eunuco li nacꞌanjelac saꞌ rochoch li rey. Quirabi resil nak laj Jeremías quiqꞌueheꞌ saꞌ jul. Nak li rey chunchu chire li oqueba̱l re laj Benjamín,

Jeremías 38:7 ပူးပေါင်းရင်းမြစ်များ

Jeremías 37:13

Ab'an naq kiwulak sa' Rokeb'aal laj Benjamín, kichape'k xb'aan jun aj k'aak'alenel, aj Irías xk'ab'a', ralal laj Selemías ut ri laj Ananías: “Laa'at taawaj q'axonk sa' xyanqeb' laj Kaldeha”, chu'uxk re.

Jeremías 29:2

Li hu a'in kitz'iib'aak naq elenaqeb' chik Jerusalén laj Jekonías, rochb'een li xna', eb' laj tenq' sa' li rochoch, eb' laj jolominel re Judá ut re Jerusalén, eb' laj tenol ch'iich' ut eb' laj peech'.

Amós 5:10

Ra chaalel sa' eeb'een laa'ex xik' nekeril ani nakolok rix li tiikilal ut neketz'eqtaana li nayehok re li yaal.

Deuteronomio 21:19

Toja' naq li xna' xyuwa' te'xchap ut te'xk'am wan wi' li rokeb'aal li tenamit, rik'ineb' li cheekel winq,

San Mateo 20:16

“Chi jo'kan eb' li wankeb' chi ixb'ej, te'kanaaq chik chi uub'ej, ut eb' li wankeb' chi uub'ej, te'kanaaq chi ixb'ej”.

Jeremías 13:23

Ma naru nasaqo'k xtib'el laj q'eq? Ma naru naxsach li xtzipixil rix li hix? Jo'kan ajwi' laa'ex ink'a' texruuq xb'aanunkil li usilal xb'aan naq k'aynaqex chi xb'aanunkil li maa'usilal.

Salmos 68:31

Chaq'us li josq' aj xul li wank sa' li na'ajej kaxlan'aj ru, chaq'us li jun tuub'eb' chi toor ut saaj wakax li neke'xrahob'tesi chixjunileb' li tenamit. Che'xk'ehaq taxaq rib' rub'el laawankil, ut che'xq'axtesi aawe chixjunil li xplaateb'. Cha'cha'iheb' li poyanam li neke'yoob'ank raaxiik'.

2 Reyes 24:15

Kixk'am laj Johakín toj Babilonia; kirisiheb' ajwi' aran Jerusalén li xna' li awab'ej ut eb' li rixaqil, eb' laj ilol re li rochoch ut eb' li ninqeb' xwankil sa' li tenamit, ut kixk'ameb' Babilonia.

Josué 20:4

Naq taaxik sa' junaq reheb' li tenamit a'an, toxxaqliiq chire li okeb'aal ut toxch'olob' k'aru xb'aanu, reheb' li xcheekal winqul li tenamit. Ut eb' a'an te'xk'ul laj kamsinel ras riitz'in sa' li xtenamiteb' ut te'xk'e junaq rochoch re naq twanq sa' xyanqeb'.

Isaías 56:3

Naq junaq ab'l tenamit tixq'axtesi rib' re li Qaawa', ink'a' naru tixye: “Li Qaawa' ink'a' tinxk'ul sa' xyanqeb' li xtenamit”. Chi moko li winq kapuninb'il tixye: “Laa'in jun chaqiche'”.

Jeremías 20:2

jo'kan naq kixk'e chi sak'e'k li propeet ut chi nat'e'k li roq sa' nat'che', li wank sa' li xNimla Okeb'aal laj Benjamín, chi xk'atq li rochoch li Yos.

Jeremías 26:16

Toja' naq eb' li xjolomil li tenamit ut chixjunileb' li poyanam ke'xye reheb' laj tij ut eb' li propeet: “Li winq a'in moko xk'ulub' ta kamsiik, xb'aan naq xooraatina sa' xk'ab'a' li Qaawa' li qaYos”, chankeb'.

Jeremías 38:8

ki'elk sa' li ochoch ut koho chi aatinak rik'in li awab'ej li k'ojk'o sa' li Rokeb'aal laj Benjamín chiruheb' li kutan a'an, ut kixye re:

Zacarías 14:10

Chixjunil li na'ajej a'an junes taq'a taakanaaq wi', chalen Keba toj Rimón, sa' xjayal rokeb'l iq' re Jerusalén. Ka'ajwi' Jerusalén tkanaaq taqe'q sa' xna'aj, ut wanqeb' xpoyanamil, chalen sa' li Rokeb'aal laj Benjamín toj sa' li Najter Okeb'aal, a' li Okeb'aal li wank sa' xuk; ut chalen wan wi' li najt xteramil rochoch laj Jananel toj sa' li xyatz'leb'aal aseeyt li awab'ej.

Proverbios 29:10

Eb' laj kamsinel ras riitz'in, xik' neke'ril li tiikeb' xch'ool; ab'an li tiikeb' xch'ool neke'raj wank rik'ineb'.