Jeremías 38:20 - Q'eqchi Bible

²⁰ Laj Jeremías kixye re: “At awab'ej, laa'at ink'a' tatq'axtesiiq sa' ruq'eb' a'an. Paab' li naxye aawe li Qaawa' chi xtz'uumal we. Us tat-elq chi jo'kan ut taakol laayu'am.

Li Santil hu

²⁰ Laj Jeremías quixye re laj Sedequías: —Incꞌaꞌ tateꞌxkꞌaxtesi saꞌ rukꞌeb laj judío. Ba̱nu li cꞌaꞌru xye li Ka̱cuaꞌ. Cui ta̱ba̱nu li cꞌaꞌru yo̱quin chixyebal a̱cue, us tat-e̱lk. Ut incꞌaꞌ tatcamsi̱k.

Jeremías 38:20 ပူးပေါင်းရင်းမြစ်များ

Daniel 4:27

Jo'kan utan, at awab'ej, paab' li na'leb' tink'e aawe: toj rix laamaak rik'in xb'aanunkil li tiikilal ut xtenq'ankileb' li neb'a', ut matmaakob'k chik re naq sahaq taxaq aach'ool chi junelik”.

Jeremías 26:13

Chaab'ilob'resiiq leeyu'am ut leeyehom eeb'aanuhom, paab'omaq li Qaawa' leeYos, ut A'an ink'a' tixtaqla chaq li rahilal sa' eeb'een jo' xineerab'i chi xyeeb'al.

Isaías 55:3

Chex'ab'inq ut kimqex wik'in; ab'ihomaqin ut taawanq eeyu'am. Xb'aan naq tink'ojob' eerik'in jun junelik sumwank, ut chi jo'kan tinb'aanu li kinyeechi'i re laj David sa' xk'ab'a' linrahom.

2 Crónicas 20:20

Wulajaq chik ke'wakliik eq'la ut ke'xk'am xb'eheb' re xik sa' li chaqich'och' re Tékoha. Ut naq ak elkeb' re aran Jerusalén, laj Josafat kixaqliik ut kixye reheb': “Ab'ihomaqin, ex aj Judá ut aj Jerusalén! K'ojk'ooq eech'ool rik'in li Qaawa' leeYos, ut maak'a' teek'ul. Paab'omaqeb' li xpropeet, ut us tex'elq”, chan.

Hechos 26:29

Kichaq'ok laj Pablo ut kixye: —Ink'a' ninnaw ma kach'in malaj naab'al aj chik maa tat-ok chi kristiyanil. Xk'e taxaq li Yos naq moko ka'aj ta wi' laa'at, chixjunileb' b'an li yookeb' chi wab'inkil sa' li kutan a'in jo'kaqeb' taxaq laa'in, ab'anan chi maak'a'aqeb' li kareen a'in.

Santiago 1:22

B'aanuhomaq li naxye li Aatin, ut ink'a' chik'ojlaaq eech'ool ka'ajwi' rik'in rab'inkil: yal xb'alaq'inkil eerib' nekeb'aanu chi jo'kan.

2 Corintios 6:1

Jo'kan utan, laa'o aj k'anjel qochb'een li Yos, naqatz'aama naqelaji naq ink'a' taxaq chek'ul li rusilal li Yos chi maak'a' rajb'al,

2 Corintios 5:20

Laa'o b'i' li xtaql li Kriist, chanchan naq li Yos yo chi aatinak qab'aan. Sa' xk'ab'a' li Kriist naqatz'aama naqelaji cheru: chek'e wi' chik eerib' chi k'ame'k sa' usilal rik'in li Yos!

2 Corintios 5:11

Laa'o naqanaw naq tento roxloq'inkil li Qaawa'. Jo'kan naq naqayal qaq'e chi xq'unb'esinkil xch'ooleb' li tenamit. Li Yos naxnaq k'aru wank sa' qach'ool, ut nawoyb'eni naq laa'ex ajwi' teenaw qu chi us.

Jeremías 11:4

A'an a'in li Sumwank li kink'ojob' rik'ineb' leena' leeyuwa' naq ke'wisi chaq Ejiipt, sa' li tenamit ke'wank wi' chaq kama' wi' wank sa' xam re ha'lesink ch'iich'. Kinye reheb': Paab'omaq li waatin ut b'aanuhomaq chixjunil li ninye eere; chi jo'kan laa'exaq lintenamit ut laa'inaq leeYos.

Génesis 12:13

B'aanu b'i' usilal, chayehaq naq laa'at li wanab', re naq us tin'elq sa' aak'ab'a' ut tinkole'q xb'aan laawusilal”.

Génesis 19:20

Chek'e reetal, nach' ajwi' wank li tenamit tin'eleliq wi', ut kach'in. Aran tinkol wib'. Pe' yaal naq kach'in? Aran tinkol wib'!”.

Jeremías 7:23

Li kinchaq'rab'iheb' wi' a'an a'in: «Paab'omaq li waatin; chi jo'kan laa'inaq leeYos ut laa'exaq lintenamit. K'amomaq li b'e tink'ut cheru, re naq junelik us tex'elq», chankin reheb'.

Jeremías 11:8

Ab'anan ink'a' ke'ab'ink chiwu chi moko kine'xpaab', ke'xq'etq'eti b'an chik rib' chiwu ut ke'ok chi xb'aanunkil li naraj li xjip aj ch'ooleb'. Ink'a' ke'xpaab' li k'aru kinchaq'rab'iheb' wi'; jo'kan naq kinrahob'tesiheb' jo' yeeb'il sa' li Sumwank»”.

Jeremías 38:21

Ab'an wi ink'a' taaq'axtesi aawib', a'an a'in li xk'utb'esi chiwu li Qaawa':

Proverbios 4:4

Ut linyuwa' xk'e chaq inna'leb', xye we chi jo'ka'in: “K'uula sa' laach'ool eb' li waatin; paab' linchaq'rab', ut tatyo'yooq.

Proverbios 7:2

K'anjela ru linchaq'rab', ut taawanq aayu'am; k'uula sa' laach'ool jo' li sahil eechej.

Amós 5:4

Xb'aan naq jo'ka'in kixye li Qaawa' reheb' laj Israel: “Sik'omaqin laa'in ut taawanq eeyu'am.

Amós 5:6

Sik'omaq li Qaawa' ut taawanq eeyu'am; mare anchal jo' li xam naq taachalq sa' xb'eeneb' laj José ut maajun sa' xyanqeb' laj Betel taaruuq taachupuq re.