Jeremías 37:7 - Q'eqchi Bible

⁷ “Jo'ka'in xye li Qaawa', xYos laj Israel: Yehomaq re li awab'ej re Judá, li xtaqlank chaq eere chi patz'ok wik'in, naq eb' li xsoldaad laj Parahón, li xe'chalk raj chetenq'ankil, xe'sutq'iik wi' chik Ejiipt.

Li Santil hu

⁷ —Aꞌan aꞌin li naxye li Ka̱cuaꞌ lix Dioseb laj Israel. Ye re laj Sedequías lix reyeb laj Judá li xtaklan chak e̱re chi a̱tinac cuiqꞌuin, nak eb lix soldado laj Egipto yo̱queb chi cha̱lc chixtenkꞌanquil, aban teꞌsukꞌi̱k cuiꞌchic Egipto saꞌ xtenamiteb.

Jeremías 37:7 ပူးပေါင်းရင်းမြစ်များ

Lamentaciones 4:17

Xqayo'oni qatenq'ankil toj reetal ink'a' chik xqakuy. Xqoyb'eni jun tenamit chi qakolb'al, ab'an ink'a' xk'ulunk.

Ezequiel 17:17

Ink'a' taakole'q xb'aan laj Parahón rik'in xk'ihaleb' laj puub' ut eb' li poyanam, naq taatiklaaq li yalok ut eb' laj Babilonia te'xtuub' li ch'och' ut te'xyiib'atq xtaqleb'aaleb' re ok sa' li tenamit ut xkamsinkil naab'aleb' chi poyanam.

Jeremías 37:3

Laj Sedesías, li awab'ej, kixtaqla laj Jukal, ralal laj Selemías, ut laj Sofonías, ralal laj Mahasías laj tij, re xtz'aamankil a'in chiru laj Jeremías, li propeet: “Tijon chiqix chiru li Qaawa' li qaYos”, chankeb' re.

Jeremías 21:2

“B'aanu usilal, patz'on chiqix rik'in li Qaawa' k'a'ut naq laj Nabukodonosor, li awab'ej re Babilonia, x'ok chi yalok qik'in. Mare anchal tixb'aanu junaq sachb'ach'oolej li Qaawa' re naq tookanab'aaq sa' xyaalal xb'aan laj Nabukodonosor”. Toja' naq li Qaawa' kiraatina laj Jeremías,

2 Reyes 22:18

Yehomaq re li awab'ej re Judá li xtaqlank chaq eere chi patz'ok rik'in li Qaawa': Jo'ka'in xye li Qaawa', xYos laj Israel: Laa'at xapaab' li waatin xawab'i

Ezequiel 29:16

Ut eb' laj Israel ink'a' chik te'xkawu xch'ool chirixeb' laj Ejiipt, te'xk'e b'an reetal naq moko us ta xe'xb'aanu naq xe'xpatz' xtenq'ankileb' rik'ineb'. Toja' naq te'xnaw naq laa'in li Qaawa'»”.

Jeremías 2:36

K'a'ut naq sa' junpaat nakajal laana'leb'? Eb' laj Ejiipt ajwi' tate'xkanab' sa' xutaan jo' naq xate'xkanab' sa' xutaan eb' laj Asiria.

Proverbios 21:30

Chiru li Qaawa' maak'a' na'ok wi' li chaab'il na'leb', li seeb'al k'a'uxej ut li na'leb'ak.

Jeremías 2:18

Ut anaqwan, k'aru teetaw chirix naq texxik Ejiipt re ruk'b'al li xha'il li nima' Nilo? K'aru aj e naq texxik Asiria chi uk'uk ha' sa' li nima' Éwfrates?

Jeremías 2:37

K'ajo'aq ajwi' aaxutaan naq tat-elq chaq Ejiipt, xb'aan naq ink'a' nawulak chiwu li kaw wi' aach'ool, ut ink'a' us tat-elq rik'ineb' a'an”.

Jeremías 21:1

A'an a'in li aatin kixye li Qaawa' re laj Jeremías, naq laj Sedesías, li awab'ej re Judá, kixtaqla laj Pasjur, ralal laj Malkías, jo' ajwi' laj Sofonías, laj tij, ralal laj Mahasías, chi xyeeb'al re laj Jeremías:

Jeremías 37:5

Naq eb' li xsoldaad laj Parahón ke'elk chaq Ejiipt re xtenq'ankil laj Sedesías, eb' laj Kaldeha li yookeb' chi yalok rik'ineb' laj Jerusalén, ke'rab'i resil a'an ut ke'elelik.

Jeremías 37:6

Toja' naq li Qaawa' ki'aatinak rik'in laj Jeremías ut kixye re:

Lamentaciones 1:7

Jerusalén najultiko'k re li kutan xwank wi' sa' rahilal ut junaatalil; najultiko'k re chanru naq junxil xwank naab'al xb'ihomal. Najultiko'k re chanru naq xt'ane'k sa' ruq'eb' li xik' neke'ilok re, chi maajun xchalk chi tenq'ank re. K'ajo' naq xate'reetz'u eb' li xik' neke'ilok aawe rik'in rilb'al laawoso'jik, at Jerusalén!

Ezequiel 30:22

Jo'kan naq laa'in, li Qaawa', ninye chi jo'ka'in: Xik' chik twil laj Parahón, li awab'ej re Ejiipt. Tintoq chi xkab'ichal li ruq': li toj kaw ut li ak toqolk, re naq taat'ane'q li q'esnal ch'iich' sa' ruq'.

2 Reyes 24:7

Chalen sa' li kutan a'an li awab'ej re Ejiipt ink'a' chik ki'elk chi yalok, xb'aan naq li awab'ej re Babilonia ak reechanihom chixjunil li na'ajej chalen wan wi' li nima' re Ejiipt toj chire li nima' Éwfrates.

Isaías 30:7

Relik chi yaal naq li xtenq'aal Ejiipt maak'a' aj e ut maak'a' na'ok wi'. Jo'kan naq xink'e cho'q xk'ab'a' Ejiipt: “Josq' aj nimla xul, ab'an maak'a' na'ok wi'”.

Isaías 36:6

Nink'e reetal naq kaw aach'ool rik'ineb' laj Ejiipt re naq tate'xtenq'a. Ab'an eb' a'an moko kaweb' ta rib', chanchaneb' b'an jun kaxlan'aj jorol li naxset ut naxpaynumi li ruq' li ani naxkuutu rib' chiru. Jo'kan naxb'aanu laj Parahón, awab'ej re Ejiipt, reheb' chixjunileb' li neke'xkawu xch'ooleb' rik'in.