Jeremías 37:1 - Q'eqchi Bible

¹ Laj Nabukodonosor, li awab'ej re Babilonia, kixxaqab' laj Sedesías, ralal laj Josías, chi x'awab'ejinkil Judá, cho'q reeqaj laj Jekonías, ralal laj Johakín.

Li Santil hu

¹ Laj Nabucodonosor, lix reyeb laj Babilonia, quixxakab laj Sedequías li ralal laj Josías chokꞌ xreyeb laj Judá chokꞌ re̱kaj laj Jeconías li ralal laj Joacim.

Jeremías 37:1 ပူးပေါင်းရင်းမြစ်များ

Jeremías 22:24

Li Qaawa' kixye re laj Jekonías, ralal laj Johakín, li awab'ej re Judá: “Ninye li waatin chi tz'aqal yaal: Wi ta laa'at matq'ab' re kaaxtink, li wank ta chi ru'uj wuq', tatwisi raj b'arwi' wankat

2 Reyes 24:17

Chirix chik a'an li awab'ej re Babilonia kixxaqab' cho'q awab'ej laj Matanías, rikan laj Johakín, ut kixjal li xk'ab'a': aj Sedesías chik kixk'e cho'q xk'ab'a'.

2 Reyes 24:12

Toja' naq laj Jekonías, awab'ej re Judá, rochb'een li xna', eb' laj k'anjel chiru, eb' laj jolominel k'anjel ut eb' ilol ochoch, ke'xk'e rib' rub'el xwankil li awab'ej re Babilonia; ut a'in kixk'am laj Johakín sa' tz'alam naq ak waqxaqib' chihab' chik rokik chi awab'ejink.

Jeremías 52:31

Waqlaju xka'k'aal chihab' xxikik chi preexil laj Johakín, awab'ej re Judá, sa' li wuqub' xka'k'aal xb'e li kab'laju po, laj Ebil-Merodak, awab'ej re Babilonia, kixtikib' awab'ejink ut kirusila ru Johakín, awab'ej re Judá, ut kirisi sa' tz'alam.

Jeremías 24:1

Moqon laj Nabukodonosor, li awab'ej re Babilonia, kixchap laj Jekonías, ralal laj Johakín, li awab'ej re Judá, rochb'eeneb' li xninqaleb' ru winq aj Judá, eb' laj tenol ch'iich' jo'wi' eb' laj peech', ut kixk'ameb' chi preexil aran Babilonia. Chirix chik a'an kixk'utb'esi chiwu wiib' chakach chi iig wankeb' chiru rochoch li Qaawa'.

Jeremías 22:28

Ma jo' tab'i' junaq jorol kuk li maak'a' na'ok wi' laj Jekonías, jo' junaq q'eel k'anjelob'aal li maajun na'ajok re? K'a'ut naq xe'aanilasiik a'an, rochb'eeneb' li ralal xk'ajol, sa' jun tenamit li ink'a' xnawomeb' ru?

Jeremías 21:1

A'an a'in li aatin kixye li Qaawa' re laj Jeremías, naq laj Sedesías, li awab'ej re Judá, kixtaqla laj Pasjur, ralal laj Malkías, jo' ajwi' laj Sofonías, laj tij, ralal laj Mahasías, chi xyeeb'al re laj Jeremías:

Jeremías 34:2

“Laa'in, li Qaawa' ut xYos laj Israel, nakatintaqla chi xyeeb'al re laj Sedesías, awab'ej re Judá: «Jo'ka'in xye li Qaawa': Laa'in tinq'axtesi li tenamit a'in sa' ruq' li awab'ej re Babilonia re naq tixk'at.