Jeremías 36:9 - Q'eqchi Bible

⁹ Sa' xb'ele li po re li ro' chihab' chi awab'ejink laj Johakín, ralal laj Josías, awab'ej re Judá, kik'uub'aak xb'oqb'aleb' chi ayuunik chiru li Qaawa' chixjunileb' laj Jerusalén jo'wi' eb' laj Judá li ch'utch'uukeb' Jerusalén.

Li Santil hu

⁹ Yo̱ xbele po re li roꞌ chihab roquic chokꞌ rey laj Joacim li ralal laj Josías lix reyeb laj Judá, nak queꞌxcꞌu̱b ru nak teꞌxba̱nu x-ayu̱n chiru li Ka̱cuaꞌ chixjunileb li cuanqueb Jerusalén, joꞌ ajcuiꞌ li nequeꞌchal chak saꞌ eb li naꞌajej li cuanqueb Judá.

Jeremías 36:9 ပူးပေါင်းရင်းမြစ်များ

2 Crónicas 20:3

K'ajo' naq kichalk xxiw laj Josafat: kiraj xik chi patz'ok rik'in li Qaawa' ut kixtaqla resil li ayuunik sa' xsutam Judá.

Jonás 3:5

Eb' laj Nínive ke'xpaab' raatin li Yos: ke'xkanab' wa'ak ut ke'xk'e q'es ruhil t'ikr chirixeb', reetalil li rahil ch'oolejil. Chixjunileb', li ninqeb' ut li maak'a'eb' xwankil, ink'a' ke'xyal wa'ak chiru li kutan a'an.

Jeremías 36:22

K'ojk'o li awab'ej chire xam, sa' li ochoch naxnumsi wi' li hab'alq'e, xb'aan naq a'an li xb'ele li po.

Ester 4:16

“Ayu ut ch'utub'eb' chixjunileb' laj Judiiy li wankeb' sa' li tenamit Susa ut ayuuninqex chiwix. Ink'a' texwa'aq chi moko tex'uk'aq chiru oxib' kutan ut oxib' q'oqyink. Jo'kan ajwi' tinb'aanu laa'in wochb'eeneb' li ixq aj k'anjeleb' chiwu. Chirix chik a'an, us ta ink'a' naxye sa' li chaq'rab', laa'in tinwulaq rik'in li awab'ej. Ut wi tine'xkamsi, kamqin”.

Zacarías 8:19

“Jo'ka'in naxye li Nimajwal Yos: Li ayuunik chiru li xka po, li ro', li xwuq ut li xlaje po, a'anaq li xnimal sahil ch'oolej cho'q reheb' laj Judá; taasutq'iiq cho'q nimla ninq'e re paab'ank ut loq'onink. Cherahaq b'i' li tiikilal ut li tuqtuukilal.

Joel 1:13

Ex aj tij, sotob'amaq eerib' chiru q'es ruhil t'ikr ut yaab'anqex! Tz'uyinqex laa'ex li nekexk'anjelak chiru li artal. Kimqex ut yo'lenqex rik'in rahil ch'oolej laa'ex li nekexk'anjelak chiru linYos, xb'aan naq maak'a' chik li mayejak triiw ut b'iin sa' rochoch leeYos.

Jeremías 36:1

Ak yo xka chihab' chi awab'ejink laj Johakín, ralal laj Josías, awab'ej re Judá, li Qaawa' kiraatina laj Jeremías ut kixye re:

Nehemías 9:1

Sa' li kaahib' xka'k'aal xb'e li po a'an ke'xch'utub' rib'eb' laj Israel re ayuunik chi tiqtookeb' rik'in q'es ruhil t'ikr ut wank pojtz' sa' xjolomeb'.

Levítico 23:27

“Li xlaje kutan re ajwi' li xwuq po, a'anaq xkutankil li kuyuk sachok maak. Tento taawanq jun eeloq'laj ch'utam, tex'ayuuniq ut teek'at junaq eemayej sa' xk'ab'a' li Qaawa'.

Jueces 20:26

Toja' naq chixjunileb' laj Israel ut chixjunileb' laj puub' ke'taqe'k wi' chik Betel, ke'yaab'ak chaq ut aran ke'kanaak chiru li Qaawa'. Jun kutan ke'xkuy xsa'eb' toj reetal ki'ewuuk; ke'mayejak re xk'amb'al wi' chik rib' sa' usilal rik'in li Qaawa' ut ke'xyeechi'i ajwi' k'atb'il mayej.

1 Samuel 7:6

Ke'xch'utub' rib'eb' laj Israel aran Mispá, ke'risi xha'eb' sa'atqeb' li kumb' ut ke'xhoy chiru li Qaawa' cho'q xmayejeb'. Ke'ayuunik chiru li kutan a'an ut ke'xye: “Xoomaakob'k chiru li Qaawa'”. Aran Mispá laj Samuel kikanaak cho'q aj k'amol xb'eheb' laj Israel.

Jeremías 36:6

Jo'kan utan ohat laa'at sa' xkutankil li ayuunik ut yaab'asi chi kaw xyaab' laakux chixjunil li raatin li Qaawa' li xink'e chatz'iib'a sa' li b'otb'ookil hu. Yaab'asi sa' xxikeb' li poyanam ut sa' xxikeb' ajwi' chixjunileb' laj Judá li xe'chalje'k chaq sa' li xtenamiteb'.

Joel 1:14

Ch'utub'omaq li tenamit ut yehomaq resil li ayuunik. Ch'utub'omaqeb' li cheekel winq ut chixjunileb' li poyanam sa' rochoch li Qaawa' leeYos, ut chextijoq chex'elajinq chiru li Qaawa'.