Jeremías 36:5 - Q'eqchi Bible

⁵ Chirix chik a'an laj Jeremías kixye re laj Baruk chi jo'ka'in: “Jo' yookat chi rilb'al, b'ak'b'ookin ut ink'a' ninru chi xik sa' rochoch li Qaawa'.

Li Santil hu

⁵ Ut laj Jeremías quixye ajcuiꞌ re laj Baruc: —Incꞌaꞌ chic niquineꞌrocsi saꞌ li templo.

Jeremías 36:5 ပူးပေါင်းရင်းမြစ်များ

Jeremías 33:1

Li Qaawa' kiraatina wi' chik laj Jeremías naq toj wan chaq sa' tz'alam chiru xneb'aalil li rochocheb' laj k'aak'alenel re li awab'ej, ut kixye re:

Jeremías 32:2

Sa'eb' li kutan a'an, sutsu Jerusalén xb'aaneb' li xsoldaad li awab'ej re Babilonia, ut laj Jeremías b'ak'b'o chiru xneb'aalil li rochocheb' laj k'aak'alenel re li awab'ej re Judá.

2 Corintios 11:23

Ma aj k'anjeleb' chiru li Kriist? Us, tin'aatinaq jo' junaq kaan ru: q'axalin wi' chik chiruheb' a'an. Q'axal chik xintawasi wib' chi k'anjelak; numtejenaq chik chiruheb' xinwank sa' tz'alam ut xinrape'k chi tz'uum, k'iila sut x'aje'k inkamsinkil.

Hebreos 11:36

wankeb' ke'xkuy eetz'uuk ut rape'k chi tz'uum; ke'xkuy ajwi' b'ak'e'k chi kareen ut tz'alam;

2 Timoteo 2:9

Sa' xk'ab'a' A'an yookin chi k'uluk rahilal, ut b'ak'b'ookin chi kareen chanchanin jun xnimal ru aj maak. A'ut li Raatin li Yos moko b'ak'b'o ta.

Efesios 6:20

Taqlanb'ilin xb'aan li Yos chi xyeeb'al li Chaab'il Esilal, us ta b'ak'b'ookin chi kareen. Chextijoq re naq tinpuktesi chi maak'a' inxiw, jo' teneb'anb'il sa' inb'een.

Efesios 3:1

Jo'kan naq laa'in laj Pablo wankin chi preexil sa' xk'ab'a' li Kriist xb'aan eeraab'al laa'ex li maawa'ex aj Judiiy.

Jeremías 40:4

K'e reetal, anaqwan laa'in twisi chawuq' eb' li ch'iich' b'ak'b'ookat wi'. Wi taawaj, tatxik chiwix Babilonia ut laa'in tin'iloq aawe; ab'an wi ink'a' tixk'ul aach'ool, kanaaqat. Wank chawu chixjunil li ch'och' ut naru tatkanaaq b'arwi' taawaj malaj taawulaq chawu li wank.

Jeremías 38:28

Ut laj Jeremías kikanaak chiru xneb'aalil li rochocheb' laj k'aak'alenel, toj sa' li kutan ki'eechaniik wi' Jerusalén xb'aaneb' laj Kaldeha.

Jeremías 38:6

Tikto eb' a'an ke'xchap laj Jeremías ut ke'xk'e sa' li xjulel xha' laj Malkías, ralal li awab'ej, li wank chiru xneb'aalil li rochocheb' laj k'aak'alenel. Ke'xkub'si laj Jeremías rik'in k'aam sa' li xjulel li ha'. Aran maak'a' chik ha', junes sulul aj chik wank chisa'; jo'kan naq laj Jeremías kisob'e'k sa' li sulul.

Jeremías 37:15

Ut eb' a'an k'ajo' naq ke'josq'o'k rik'in laj Jeremías: ke'xrapi chi tz'uum ut ke'xtz'ap sa' tz'alam, sa' rochoch laj Jonatán, laj tz'iib'.

Jeremías 20:2

jo'kan naq kixk'e chi sak'e'k li propeet ut chi nat'e'k li roq sa' nat'che', li wank sa' li xNimla Okeb'aal laj Benjamín, chi xk'atq li rochoch li Yos.

Nehemías 6:10

Chirix chik a'an kohin sa' rochoch laj Semaías, ralal laj Delaías ut ri laj Mehetabel, li tz'aptz'o sa' li rochoch. Ut a'an kixye we: “Qach'utub'aq qib' sa' rochoch li Yos; okaqo toj chisa' ut tqatz'ap li rokeb'aal xb'aan naq sa' ajwi' li q'oqyink a'in te'chalq chakamsinkil”, chan.

Salmos 88:8

K'ajo' xnimal laajosq'il sa' inb'een: chanchan naq nakakut sa' inb'een chixjunileb' li xkaw oq li palaw!

Jeremías 32:12

ut xinq'axtesi xkab'ichaleb' re laj Baruk, ralal laj Nerías, ri xmam laj Mahasías, chiru ajwi' laj Janamel, li ralal li wikan, chiruheb' lintestiiw li xe'xjuch' xk'ab'a'eb' sa' xhuhul li ch'och' ut chiru chixjunileb' laj Judá li k'ojk'ookeb' chiru xneb'aalil li rochocheb' laj k'aak'alenel.