Jeremías 36:30 - Q'eqchi Bible

³⁰ At Johakín, awab'ej re Judá, laa'in li Qaawa' ninye aawe naq maajun aawalal taak'ojlaaq chi awab'ejink sa' li xk'ojarib'aal laj David; ut naq tatkamq, jiljo taakanaaq laatz'ejwal chiru xtiqwal li kutan ut chiru xkehal li q'oqyink.

Li Santil hu

³⁰ Anakcuan tinye a̱cue, at rey Joacim, ma̱ jun reheb la̱ cualal a̱cꞌajol teꞌcꞌanjelak chokꞌ xreyeb li ralal xcꞌajol laj David. Ut nak tatca̱mk, la̱ tzꞌejcual tꞌantꞌo ta̱cana̱k. Tixcꞌul li sakꞌe chi cutan ut li xchuꞌque chiru kꞌojyi̱n.

Jeremías 36:30 ပူးပေါင်းရင်းမြစ်များ

Jeremías 22:30

A'an a'in li raatin li Qaawa': “Tz'iib'ahomaq xk'ab'a' li winq a'in jo' li maajun ralal xk'ajol, jo' junaq winq li maajun sut x'elk chi us chiru li xyu'am. Xb'aan naq maajun reheb' li ralal xk'ajol toxk'ojlaaq sa' li xk'ojarib'aal laj David re x'awab'ejinkil wi' chik eb' laj Judá”.

Génesis 31:40

Chi kutan xinkuy xtiqwal li saq'e li natawasink we, ut chiru q'oqyink xinkuy li ke naq tik ink'a' nakub'eek inwara xb'aan a'an.

Jeremías 8:2

ut te'hire'q chiru li saq'e, chiru li po ut chiruheb' chixjunil li xchahimal li choxa li ke'xra ut ke'xk'anjela ru, li ke'xtaaqe, li ke'patz'ok wi' ut ke'xloq'oni ru. Ink'a' chik te'xoke'q chi moko te'muqmanq; jo'kaqeb' aj chik li k'ot chiru ch'och'.

Jeremías 52:2

Laj Sedesías kixb'aanu li ink'a' nawulak chiru li Qaawa', jo' ajwi' tz'aqal li kixb'aanu laj Johakín.

Eclesiastés 6:3

Wi junaq najt roq li xyu'am ut o'k'aal ralal taawanq, ab'anan wi ink'a' naxyal xsahil li k'aru wank re chi moko namuqe'k sa' xyaalal, laa'in ninye naq q'axal chik us junaq k'uula'al li xyo'laak chi kamenaq chiru li winq a'an.