Jeremías 36:23 - Q'eqchi Bible

²³ Rajlal naq laj Jehudí naxyaab'asi oxib' malaj kaahib' tzol chi aatin, li awab'ej naxseti a'an chiru li xch'iich' laj tz'iib' ut naxkut sa' ru xam. Jo'kan kixb'aanu toj reetal kixchoy xk'atb'al li hu sa' li ru xam.

Li Santil hu

²³ Nak yo̱ chirilbal xsaꞌ li hu laj Jehudí, li rey quixchap li ac xril ut quixset chi chꞌi̱chꞌ ut quixcut saꞌ xam. Quixba̱nu chi joꞌcan toj retal quixchoy xcꞌatbal chixjunil li hu nak ac xeꞌrabi li cꞌaꞌru naxye.

Jeremías 36:23 ပူးပေါင်းရင်းမြစ်များ

1 Reyes 22:8

Ut li awab'ej re Israel kixye re laj Josafat: “Toj wank jun chik winq li naru nokoopatz'ok wi' k'aru naxye li Qaawa'. Ab'an q'axal xik' nawil, xb'aan naq maajun wa naxye li us cho'q we, junes b'an rahilal naxye we. A'an laj Mikeas, ralal laj Imlá”, chan. Kichaq'ok laj Josafat ut kixye: “Mat-aatinak chi jo'ka'in, at awab'ej”.

Proverbios 21:30

Chiru li Qaawa' maak'a' na'ok wi' li chaab'il na'leb', li seeb'al k'a'uxej ut li na'leb'ak.

Proverbios 19:21

Li winq naxk'uub' li k'aru tixb'aanu, ab'an li Qaawa' yaal re xb'aanunkil.

Proverbios 13:13

Ra tixk'ul li naq'etok aatin; li ani naxpaab' li xchaq'rab'inkil, taaq'ajkamuuq.

Proverbios 1:30

Ink'a' xeraj rab'inkil li waatin chi moko xepaab' linq'usum.

1 Reyes 22:27

Ut taaye reheb': «Jo'ka'in xye chaq li awab'ej: Tz'apomaq sa' tz'alam li winq a'in ut kach'in ajwi' xwa ut xha' teek'e, toj reetal tinsutq'iiq chaq chi sa sa' inch'ool»”.

Apocalipsis 22:19

Ut wi ani wank k'aru trisi reheb' li raatin propeet wankeb' sa' li hu a'in, li Yos tixmaq' chiru li b'arwan taatz'aq wi' raj rik'in li che' nak'ehok yu'am jo'wi' sa' li santil tenamit, a' li tz'iib'anb'il resil sa' li hu a'in.

Proverbios 29:1

Li winq li ink'a' nawulak chiru li q'use'k taasache'q ru chi junpaat ut chi junwaakaj.

Proverbios 5:12

Ut taaye: “K'a'ut naq ink'a' xinpaab' linq'usb'al? K'a'ut naq xintz'eqtaana lintzolb'al?

Salmos 50:17

laa'at li xik' nakawil laatijb'al inb'aan, laa'at li nakatz'eqtaana chixjunil li waatin?

Jeremías 36:2

“Sik' junaq b'otb'ookil hu ut tz'iib'a chisa' chixjunileb' li aatin inyehom aawe chirix li tixk'ul laj Israel, laj Judá ut chirix chixjunileb' li tenamit chalen chaq xb'enwa toj anaqwan.

Jeremías 36:27

Chirix chik naq li awab'ej kixk'at li hu kitz'iib'aak xb'aan laj Baruk jo' chanru yeeb'il xb'aan laj Jeremías, li Qaawa' ki'aatinak wi' chik rik'in laj Jeremías ut kixye re:

Jeremías 36:28

“Xok wi' chik junaq aab'otb'ookil hu ut tz'iib'a chisa' chixjunileb' li aatin xink'e chatz'iib'a xb'enwa sa' li hu li xk'at laj Johakín, li awab'ej re Judá.