Jeremías 36:18 - Q'eqchi Bible

¹⁸ Kichaq'ok laj Baruk ut kixye: “A' ajwi' laj Jeremías xyehok we chixjunil, ut laa'in xintz'iib'a sa' linb'otb'ookil hu”, chan.

Li Santil hu

¹⁸ Laj Baruc quixye reheb: —Laj Jeremías quiyehoc cue chixjunil li a̱tin aꞌin ut la̱in xintzꞌi̱ba saꞌ li hu riqꞌuin tinta, chan.

Jeremías 36:18 ပူးပေါင်းရင်းမြစ်များ

Jeremías 36:4

Toja' naq laj Jeremías kixb'oq laj Baruk, ralal laj Nerías, ut kixk'e chixtz'iib'a sa' li b'otb'ookil hu chixjunil li kiyehe'k re xb'aan li Qaawa'.

Jeremías 36:2

“Sik' junaq b'otb'ookil hu ut tz'iib'a chisa' chixjunileb' li aatin inyehom aawe chirix li tixk'ul laj Israel, laj Judá ut chirix chixjunileb' li tenamit chalen chaq xb'enwa toj anaqwan.

Jeremías 36:27

Chirix chik naq li awab'ej kixk'at li hu kitz'iib'aak xb'aan laj Baruk jo' chanru yeeb'il xb'aan laj Jeremías, li Qaawa' ki'aatinak wi' chik rik'in laj Jeremías ut kixye re:

Jeremías 36:32

Toja' naq laj Jeremías kixxok jun chik li b'otb'ookil hu ut kixk'e re laj Baruk, laj tz'iib', ralal laj Nerías; ut a'an ki'ok chi xtz'iib'ankil eb' li aatin yo chi xyeeb'al laj Jeremías: kixtz'iib'a chixjunileb' li aatin jo' kixb'aanu xb'enwa sa' li b'otb'ookil hu kixk'at laj Johakín, awab'ej re Judá. Laj Jeremías kixk'e chi tz'iib'aak naab'al chik chi aatin re xtiqb'al ru li ak kixye.

Jeremías 45:1

A'an a'in li aatin kixye laj Jeremías re laj Baruk, ralal laj Nerías, naq a'in kixtz'iib'a sa' li b'otb'ookil hu chixjunil li kiyehe'k re, sa' li xka chihab' chi awab'ejink laj Johakín, ralal laj Josías, ut awab'ej re Judá: