Jeremías 36:1 - Q'eqchi Bible

¹ Ak yo xka chihab' chi awab'ejink laj Johakín, ralal laj Josías, awab'ej re Judá, li Qaawa' kiraatina laj Jeremías ut kixye re:

Li Santil hu

¹ Yo̱ xca̱ chihab roquic chokꞌ xreyeb laj Judá laj Joacim li ralal laj Josías nak li Ka̱cuaꞌ Dios quia̱tinac cuiꞌchic riqꞌuin laj Jeremías ut quixye re chi joꞌcaꞌin:

Jeremías 36:1 ပူးပေါင်းရင်းမြစ်များ

Jeremías 25:1

Ak kaahib' chihab' rokik chi awab'ejink laj Johakín, ralal laj Josías, sa' xb'eeneb' laj Judá, ki'aatinak li Qaawa' rik'in laj Jeremías chirix li te'xk'ul eb' laj Judá. A'an kik'ulmank sa' li xb'een chihab' chi awab'ejink laj Nabukodonosor aran Babilonia.

Jeremías 45:1

A'an a'in li aatin kixye laj Jeremías re laj Baruk, ralal laj Nerías, naq a'in kixtz'iib'a sa' li b'otb'ookil hu chixjunil li kiyehe'k re, sa' li xka chihab' chi awab'ejink laj Johakín, ralal laj Josías, ut awab'ej re Judá:

Jeremías 35:1

Naq laj Johakín, ralal laj Josías, toj wan chaq chi awab'ejil aran Judá, li Qaawa' kiraatina laj Jeremías ut kixye re:

2 Crónicas 36:5

Oob' xka'k'aal chihab' wank re laj Johakín naq ki'ok cho'q awab'ej, ut junlaju chihab' ki'awab'ejink aran Jerusalén. Ab'an kixb'aanu li ink'a' nawulak chiru li Qaawa' li xYos.

Jeremías 25:3

“Chalen chaq naq ak oxlaju chihab'aq rokik chi awab'ejink laj Josías, ralal laj Amón, sa' xb'een Judá toj anaqwan, li Qaawa' yo chi aatinak wik'in, ut laa'in yookin chi xyeeb'al eere chi tz'aqal re ru. Ak oxib' xka'k'aal chihab' xtikib'ankil a'an, ab'an laa'ex ink'a' nikineepaab'.

Jeremías 36:9

Sa' xb'ele li po re li ro' chihab' chi awab'ejink laj Johakín, ralal laj Josías, awab'ej re Judá, kik'uub'aak xb'oqb'aleb' chi ayuunik chiru li Qaawa' chixjunileb' laj Jerusalén jo'wi' eb' laj Judá li ch'utch'uukeb' Jerusalén.

Jeremías 46:2

Jo'ka'in kixye chirix Ejiipt ut chirixeb' li xsoldaad laj Parahón Nekao xk'ab'a', li awab'ej re Ejiipt. Sa'eb' li kutan a'an li awab'ej re Babilonia kixq'ax ru laj Nekao aran Karkemix, chire li nima' Éwfrates, naq ak kaahib' chihab' rokik chi awab'ejink laj Johakín, ralal laj Josías, sa' xb'eeneb' laj Judá:

Daniel 1:1

Sa' rox chihab' rokik chi awab'ejink laj Johakín aran Judá, laj Nabukodonosor, li awab'ej re Babilonia, kiwulak sa' li tenamit Jerusalén ut kixsut rix.