Jeremías 34:9 - Q'eqchi Bible

⁹ Chixjunileb' laj Judá li wankeb' cho'q xmun junaq rech tenamitul, a' yaal ma winq malaj ixq, tento rach'ab'ankil.

Li Santil hu

⁹ Queꞌachꞌaba̱c chixjunileb li lokꞌbil mo̱s aj hebreo, joꞌ ixk joꞌ cui̱nk. Ma̱ jun chic quicana chokꞌ lokꞌbil mo̱s chiruheb li rech tenamitil.

Jeremías 34:9 ပူးပေါင်းရင်းမြစ်များ

Filipenses 3:5

Kink'ul li sirkunsisyon sa' xwaqxaq li kutan; laa'in aj Israel sa' xtepaal laj Benjamín, laa'in aj Hebreo kama'eb' ajwi' linna' linyuwa'; rik'in xpaab'ankil li Chaq'rab', laa'in aj Pariseey.

2 Corintios 11:22

Ma a'aneb' aj Hebreo? Jo'kan ajwi' laa'in. Ma a'aneb' aj Israel? Jo'kan ajwi' laa'in. Ma ralal xk'ajoleb' laj Abrahán? Jo'kan ajwi' laa'in.

1 Corintios 6:8

Laa'ex b'an chik nekexrahob'tesink ut nekex'elq'ak, ut a'an reheb' leeras eeriitz'in nekeb'aanu.

Jeremías 34:10

Chixjunileb' li xjolomileb' li tenamit ut chixjunileb' li poyanam li ke'xk'ulub'a ru li aatin a'in, ke'xkanab' chi ach'ab'anb'il li xmuneb' ut ink'a' chik ke'xmin ruheb' chi k'anjelak chiruheb'.

Jeremías 30:8

Chiru li kutan a'an laa'in tinkoleb' lintenamit ut tinjuk'i li xwankilaleb' li yookeb' chi rahob'tesinkeb' re. Ink'a' chik te'tawasiiq xb'aaneb' laj ab'l tenamit,

Jeremías 27:7

Chixjunileb' li tenamit wanqeb' rub'el xwankil a'an, jo'wi' rub'el xwankil eb' li ralal xk'ajol ut eb' li ri xmam, toj taawulaq xq'ehil naq li x'awab'ejihom toxwanq ajwi' rub'el xwankileb' li xninqal ru tenamit ut awab'ej li q'axal kaweb' rib'.

Jeremías 25:14

Xb'aan naq eb' laj Babilonia te'wanq rub'el xwankileb' li xninqal ru tenamit ut eb' li awab'ej jwal kaweb' rib'. Ut laa'in tink'eheb' chi xtojb'al rix li xmaakeb' jo' chanru li xyehom ut xb'aanuhomeb'»”.

1 Samuel 14:11

Jo'kan naq ke'xk'e rib' chi ile'k xkab'ichaleb' xb'aaneb' laj puub' aj Filistea, ut eb' a'an ke'xye: “K'ehomaq reetal! Eb' laj Hebreo yookeb' chaq chi elk sa'eb' li ochoch pek b'arwi' xe'xmuq rib'eb'”.

1 Samuel 4:9

Kawaq eech'ool, ex aj Filistea, ut yalomaq chi kaw, re naq ink'a' texkanaaq rub'el xwankileb' laj Hebreo, jo' naq ke'wank eb' a'an rub'el qawankil laa'o. Winqaqex ut yalomaq!”.

1 Samuel 4:6

Naq eb' laj Filistea ke'rab'i li japok e, ke'xpatz': “K'a'ut naq yookeb' chi xjapb'al reheb' laj Hebreo sa' li xmuheb'aaleb'?”, chankeb'. Ab'anan naq ke'rab'i resil naq li xLoq'laj Kaax li Qaawa' wank sa' li xmuheb'aaleb',

Deuteronomio 15:12

“Wi laawas aawiitz'in aj hebreo, winq malaj ut ixq, tixk'ayi rib' aawe, waqib' chihab' ajwi' taak'anjelaq chawu; ab'an sa' xwuq li chihab' taakanab' chi ach'ab'anb'il.

Éxodo 3:18

Eb' a'an te'rab'i laawaatin ut laa'at tatxik aawochb'eeneb' li xcheekelaleb' laj Israel rik'in li awab'ej re Ejiipt, toxeeye re: «Li Qaawa', li xYoseb' laj Hebreo, xk'ut rib' chiqu. Naqatz'aama b'i' usilal naq choohaakanab' chi xik sa' li chaqich'och' oxib'aq kutan chi b'e, re naq toomayejaq chiru li Qaawa' li qaYos», cha'qex.

Éxodo 2:6

Naq kixte ut kiril li k'uula'al yo chi yaab'ak, kixtoq'ob'a ru ut kixye: “A'in jun k'uula'al aj hebreo”, chan.

Génesis 40:15

Xb'aan naq yal xine'relq'a chaq sa' xtenamiteb' laj Hebreo, ut chirix a'an maak'a' ajwi' xinb'aanu re ta naq tine'xk'e sa' li jul a'in”.

Génesis 14:13

Ab'anan jun reheb' li ke'elelik kulxye resil re laj Abrán, a' laj Hebreo, li wank wan wi' li ji re Mambré aj Amor, ras laj Eskol ut laj Aner: eb' a'in wankeb' chi sum'aatin rik'in laj Abrán.