Jeremías 34:18 - Q'eqchi Bible

^18-19 Eb' li neke'jolomink re Judá ut Jerusalén, eb' laj ilol re li rochoch li awab'ej, eb' laj tij jo'wi' chixjunileb' li poyanam xe'xk'ojob' jun li sumwank chiwu: xe'xkamsi jun li saaj wakax, xe'xjach sa' xyi ut xe'nume'k sa' xyanq li wiib' jachal. Ab'an xe'q'etok aatin ut xe'xsach xwankil li sumwank xe'xk'ulub'a chiwu. Jo'kan naq tink'eheb' chi oso'k jo'qeb' li saaj wakax

Li Santil hu

¹⁸ Eb li cui̱nk aꞌin queꞌxkꞌet li contrato li quinba̱nu riqꞌuineb. Incꞌaꞌ queꞌxba̱nu joꞌ naxye saꞌ li contrato. Joꞌcan nak la̱in tinba̱nu reheb joꞌ queꞌxba̱nu re li chꞌina ba̱c li queꞌxjach saꞌ xyi nak queꞌxba̱nu li contrato ut mokon queꞌnumeꞌ saꞌ xyi.

Jeremías 34:18 ပူးပေါင်းရင်းမြစ်များ

Génesis 15:10

Laj Abrán kixk'ameb' chaq li xul a'in, kixjacheb' sa' xyi ut kixk'e li junq jachal chiru li junq jachal chik; a'ut eb' li xik'anel xul ink'a' kixjacheb'.

Oseas 8:1

“Yaab'asi li pur! Chanchan junaq t'iw naq li rahilal tixkut rib' sa' xb'een li xtenamit li Qaawa'. Xb'aan naq xe'xtz'eqtaana linsumwank ut xe'xq'etq'eti rib' chiru linchaq'rab'.

Oseas 6:7

“Ab'anan jo' kixb'aanu laj Adán, jo'kan ajwi' naq kixb'aanu lintenamit: kixq'et linsumwank ut ink'a' kinxpaab'.

Salmos 50:1

Xsaalm laj Asaf. Li Qaawa', li Yos q'axal nim xwankil, x'aatinak ut xb'oqeb' chi ch'utlaak chixjunil li ruuchich'och', chalen chaq sa' releb'l li saq'e toj sa' rokeb'l.

Josué 23:16

“Wi teeq'et li Sumwank li kixb'aanu li Qaawa' leeYos eerik'in, wi teeloq'oni ruheb' li jalanil yos ut teehupub' eerib' chiruheb', li xjosq'il li Qaawa' taachalq sa' eeb'een ut tex'oso'q sa' junpaat sa' li xchaq'alil ru ch'och' a'in li xk'ehom eere li Qaawa'”.

Josué 7:11

Eb' laj Israel xe'maakob'k ut xe'xq'et li Sumwank xinb'aanu rik'ineb'. Jun chik: xe'xchapatq cho'q reheb' li k'aru ak q'axtesinb'il chi sache'k. Xe'relq'a, xe'xmuq ut xe'xk'e a'an sa' xyanq li k'aru reheb'.

Deuteronomio 17:2

“Mare wanq junaq winq malaj ixq sa'eb' li tenamit tixk'e aawe li Qaawa' laaYos, li tixb'aanu li ink'a' nawulak chiru li Qaawa', tixq'et li Sumwank,

Romanos 2:8

Ab'anan eb' laj q'etol aatin, eb' li ink'a' neke'xk'anjela li yaal ut a' chik li ink'a' us neke'xk'anjela, li Yos tixtaqla xjosq'il ut raaxiik' sa' xb'eeneb'.

Génesis 15:8

Kichaq'ok laj Abrán: “At inQaawa', k'aru tinnaw wi' naq tweechani a'an?”, chan.