Jeremías 34:14 - Q'eqchi Bible

¹⁴ Rajlal wuqub' chihab' chejunilex teekanab' chi ach'ab'anb'il leeras eeriitz'in aj Hebreo. Li junjunq aj Hebreo li xk'ayi rib' cheru taak'anjelaq waqib' chihab' cho'q eemun, ut chirix a'an taawanq chi ach'ab'anb'il, chankin. A'ut eb' leena' leeyuwa' ink'a' kine'xpaab' chi moko ke'raj wab'inkil.

Li Santil hu

¹⁴ Saꞌ xcuuk li chihab tento nak te̱rachꞌab le̱ lokꞌbil mo̱s aj hebreo. Cuakib chihab ajcuiꞌ teꞌcꞌanjelak che̱ru. Ut saꞌ li xcuuk chihab libre chic teꞌcana̱k. Abanan le̱ xeꞌto̱nil yucuaꞌ incꞌaꞌ queꞌabin chicuu ut incꞌaꞌ queꞌxba̱nu joꞌ quinye reheb.

Jeremías 34:14 ပူးပေါင်းရင်းမြစ်များ

Deuteronomio 15:12

“Wi laawas aawiitz'in aj hebreo, winq malaj ut ixq, tixk'ayi rib' aawe, waqib' chihab' ajwi' taak'anjelaq chawu; ab'an sa' xwuq li chihab' taakanab' chi ach'ab'anb'il.

1 Reyes 9:22

A'ut eb' laj Israel ink'a' kixmineb' ru chi kawil k'anjelak, xb'aan naq a'aneb' aj puub', aj jolomineleb', aj taqlaneleb', aj k'aak'aleneleb', xjolomileb' li xb'eleb'aal ch'iich' ut aj ilol reheb' li xkawaay.

Romanos 7:24

K'ajo' xtoq'ob'aal wu! Ani taakoloq we chiru li tz'ejwalej a'in li nak'amok we chi kamk?

Amós 8:6

Aran tooruuq xloq'b'aleb' chi tuminal li maak'a'eb' xwankil, ut eb' li neb'a' tqaloq'eb' yal rik'in jun sumal chi perxaab'. A' ajwi' li xmulel li triiw tqak'ayi!”.

Amós 2:6

Jo'ka'in kixye li Qaawa': “Ak k'iila sut xinkuy xmaakeb' laj Israel ut anaqwan maak'a' chik xkuyb'al, xb'aan naq neke'xk'ayi chi tuminal li tiik xch'ool ut yal rik'in jun sumal chi perxaab' neke'xk'ayi li neb'a'.

Ezequiel 20:8

«A'ut eb' a'an ke'q'etq'eto'k chiwu ut ink'a' ke'raj inpaab'ankil. Maajun reheb' a'an kixtz'eqtaana li xjalanil yos nab'alaq'ink reheb', chi moko kixkanab' xb'aanunkil li xmaa'usilaleb' laj Ejiipt. Toja' naq kink'oxla risinkil linjosq'il sa' xb'eeneb' ut xrahob'tesinkileb' sa' li tenamit Ejiipt xb'aan xmay linch'ool.

Ezequiel 20:4

Ma ink'a' tab'i' laa'at taaraq aatin sa' xb'eeneb', at kaamel winq? Raqon aatin sa' xb'eeneb' sa' ink'ab'a' ut jultika reheb' li maa'usilal ke'xb'aanu li xxe'toonil yuwa'eb'.

Jeremías 32:30

Chalen chaq sa' xtiklajik, eb' laj Israel jo'wi' eb' laj Judá junes maa'usilal neke'xb'aanu; eb' li ralal xk'ajol laj Israel junes xyoob'ankil injosq'il neke'xb'aanu rik'in xyiib'ankil li xjalanil yoseb' -chan li Qaawa'-.

Isaías 58:6

Moko a'an ta li ayuun nawaj. “Li ayuun nawaj laa'in a'an a'in: rach'ab'ankileb' li wankeb' sa' tz'alam chi maak'a'eb' xmaak, xk'ixb'al li xk'aamal li rahob'tesiik, rach'ab'ankileb' li tawasinb'ileb' ut risinkil chixjunil li kawil taqlank.

Isaías 50:1

Jo'ka'in kixye li Qaawa': “Ma wank b'araq li xhuhil li jachok ib', reetalil naq xintz'eqtaana leena'? Malaj xexink'ayi ta laa'ex, re xtojb'al link'as? K'ehomaq reetal naq laa'ex xexk'ayiik xb'aan leemaak; xb'aan ajwi' leeq'etb'a aatin xtz'eqtaanaak leena'.

Nehemías 9:30

Chiru k'iila chihab' kakuyeb', kak'e xna'leb'eb' rik'in laamusiq' ut chi xtz'uumal reheb' laapropeet. Ab'an eb' a'an ink'a' ke'ab'ink; jo'kan naq kaq'axtesiheb' sa' ruq'eb' li tenamit wankeb' sa' ruuchich'och'.

2 Crónicas 36:16

Ab'anan eb' a'an ke'xse'e eb' li xtaql li Yos, ke'xtz'eqtaana li raatineb', ke'reetz'uhatq li xpropeet, toj reetal kichalk xjosq'il li Qaawa' rik'in li xtenamit ut maak'a' chik kikolok reheb'.

2 Crónicas 28:10

Ut anaqwan teeraj ajwi' xrahob'tesinkileb' laj Judá ut eb' laj Jerusalén jo' aj k'anjelaqeb' cheru. Ma ink'a' tab'i' tz'aqal ak xexmaakob'k chiru li Qaawa' leeYos?

1 Reyes 21:25

Relik chi yaal naq maajun chik kiwank jo' laj Ajab, li k'ajo' li maa'usilal kixb'aanu chiru li Qaawa', takchi'inb'il xb'aan lix Jesabel li rixaqil.

Jeremías 35:15

Xink'e inch'ool chi xtaqlankil chaq eerik'in eb' linpropeet, laj k'anjeleb' chiwu, re xyeeb'al eere: Kanab'omaq li jo'maajo'il wank, chaab'ilob'resiiq leeyu'am ut meeloq'oni chik ru eb' li jalanil yos chi moko texk'anjelaq chiruheb'. Chi jo'kan wanqex sa' li na'ajej a'in ink'ehom eere laa'ex ut reheb' ajwi' leexe'toonil yuwa'. Ab'anan ink'a' xineepaab' chi moko xeraj wab'inkil.

Levítico 25:10

Teexaqab' li lajeeb' roxk'aal chihab' cho'q santil chihab': a'anaq jun chihab' re li ach'ab'ank. Chiru li chihab' a'an teeye resil li rach'ab'ankileb' chixjunil li wankeb' sa' xsutam li tenamit. Li junjunq taasutq'iiq wi' chik rik'ineb' li xkomon ut toxreechani wi' chik li xch'och'.

Deuteronomio 15:1

“Rajlal wuqutq chihab' taakuyeb' xmaak li wankeb' xk'as aawik'in.

Deuteronomio 15:9

Michalk sa' laach'ool li yib' aj na'leb' a'in: «Maak'a' tink'e re, xb'aan naq wulak re li xwuq chihab', a' li xchihab'il xkuyb'al xmaakeb' laj k'as», ut chi jo'kan taapixun aawib' chiru laawas aawiitz'in neb'a' chi maak'a' taatenq'a wi'. Xb'aan naq a'an tixyaab'a xk'ab'a' li Qaawa' sa' aab'een ut laa'at tat-iiqanq re li maak.

Jeremías 11:7

Naq ke'wisi chaq Ejiipt eb' leena' leeyuwa', kinye reheb' naq tine'xpaab', ut chalen toj anaqwan junelik yookin cheq'usb'al: Ab'ihomaq xyaab' linkux, chankin.