Jeremías 34:13 - Q'eqchi Bible

¹³ “Laa'in, li Qaawa', xYos laj Israel, kink'ojob' jun Sumwank rik'ineb' leena' leeyuwa' naq kiwisiheb' chaq Ejiipt, b'arwi' ke'wank chaq chi munil. Ut kinye reheb':

Li Santil hu

¹³ —La̱in li Ka̱cuaꞌ lix Dioseb laj Israel. La̱in quinba̱nu jun li contrato riqꞌuineb le̱ xeꞌto̱nil yucuaꞌ nak quicuisiheb saꞌ li naꞌajej Egipto li queꞌcuan cuiꞌ chak chokꞌ rahobtesinbil mo̱s. Quinye reheb:

Jeremías 34:13 ပူးပေါင်းရင်းမြစ်များ

Jueces 6:8

li Qaawa' kixtaqla jun li propeet rik'ineb' re xyeeb'al reheb': “Jo'ka'in xye li Qaawa', xYos laj Israel: «Laa'in kin'isink chaq eere Ejiipt b'arwi' kexwank chaq chi munil.

Josué 24:17

Xb'aan naq li Qaawa' li qaYos, a'an ki'isink chaq qe ut eb' li qana' qayuwa' sa' li na'ajej Ejiipt, b'arwi' koowank chaq chi munil. A'an kib'aanunk re xninqal eetalil chiqu ut kooxkol sa' li qab'eenik ut sa'atqeb' chixjunil li tenamit koonume'k wi'.

Jeremías 31:32

ink'a' jo' li Sumwank kink'ojob' rik'ineb' li xna' xyuwa'eb', naq keb'inch'ilo chaq chi ruq'eb' ut kiwisiheb' chaq Ejiipt. Eb' a'an ke'xsach xwankil linSumwank, us ta laa'in laj eechal reheb' -chan li Qaawa'-.

Deuteronomio 5:27

Jwal us naq laa'at tatnach'oq chi rab'inkil chixjunil li tixye li Qaawa' li qaYos; chirix chik a'an tolaaye qe. Laa'o tqab'i ut tqapaab'», chankex.

Éxodo 24:3

Kichalk laj Moisés ut kixye re li tenamit chixjunileb' li raatin li Qaawa' jo' ajwi' li xchaq'rab'. Ut chixjunileb' li tenamit ke'xsume chi junaj xyaab'eb' xkux: “Taaqapaab' chixjunil li aatin xye li Qaawa'”, chankeb'.

Jeremías 11:7

Naq ke'wisi chaq Ejiipt eb' leena' leeyuwa', kinye reheb' naq tine'xpaab', ut chalen toj anaqwan junelik yookin cheq'usb'al: Ab'ihomaq xyaab' linkux, chankin.

Jeremías 11:4

A'an a'in li Sumwank li kink'ojob' rik'ineb' leena' leeyuwa' naq ke'wisi chaq Ejiipt, sa' li tenamit ke'wank wi' chaq kama' wi' wank sa' xam re ha'lesink ch'iich'. Kinye reheb': Paab'omaq li waatin ut b'aanuhomaq chixjunil li ninye eere; chi jo'kan laa'exaq lintenamit ut laa'inaq leeYos.

Jeremías 7:22

Ab'anan naq kiwisiheb' chaq leexe'toonil yuwa' aran Ejiipt, ink'a' kiwaatinaheb' chi moko kinchaq'rab'iheb' chirix li mayejak ut k'atok mayej.

Deuteronomio 29:1

A'aneb' a'in li aatin chirix li Sumwank li kitaqlaak wi' laj Moisés xb'aan li Qaawa' chi xk'ojob'ankil rik'ineb' laj Israel sa' li na'ajej Mohab. A'an a'in li xkomon li Sumwank kixk'ojob' rik'ineb' a'an, sa' li tzuul Horeb.

Deuteronomio 24:18

Chijultiko'q aawe naq katwank chaq chi munil sa' li tenamit Ejiipt ut li Qaawa' laaYos ki'isink chaq aawe aran. Jo'kan naq yookin chi xk'eeb'al aawe li chaq'rab' a'in.

Deuteronomio 16:12

Jultikaq aawe naq katwank chaq chi munil aran Ejiipt; jo'kan naq taayal aaq'e chi xpaab'ankil li chaq'rab' a'in.

Deuteronomio 15:15

Jultikaq aawe naq laa'at katwank chaq chi munil sa' li tenamit Ejiipt ut li Qaawa' laaYos ki'ach'ab'ank aawe. Jo'kan naq laa'in nink'e aawe li chaq'rab' a'in anaqwan.

Deuteronomio 13:10

Taateni chi pek toj reetal taakamq, xb'aan naq xraj aawisinkil sa' xb'e li Qaawa' laaYos li ki'isink chaq aawe sa' li tenamit Ejiipt, b'arwi' katwank chaq chi munil.

Deuteronomio 8:14

“Mare anchal taasachq sa' laach'ool li Qaawa' laaYos li ki'isink chaq aawe sa' li tenamit Ejiipt, b'arwi' katwank chaq chi munil.

Deuteronomio 7:8

kixsik' b'an eeru xb'aan naq nekexra ut sa' xk'ab'a' li jurament kixxaqab' rik'ineb' leena' leeyuwa'. Jo'kan naq li Qaawa' kexrisi chaq rik'in xwankil li ruq' ut kexrach'ab' chaq sa' rochochil li munil, rub'el xwankil laj Parahón, awab'ej re Ejiipt.

Deuteronomio 6:12

Naq akaq xatwa'ak ut xk'ojlaak laach'ool, misachk sa' laach'ool li Qaawa' li ki'isink chaq aawe sa' li tenamit Ejiipt, b'arwi' katwank chaq chi munil.

Deuteronomio 5:6

«Laa'in li Qaawa' laaYos, li ki'isink chaq aawe sa' li tenamit Ejiipt, b'arwi' katwank chaq chi munil.

Éxodo 20:2

“Laa'in li Qaawa' laaYos, li ki'isink chaq aawe sa' li tenamit Ejiipt, b'arwi' katwank chaq chi munil.

Éxodo 13:14

Ut naq wulaj kab'ej tixpatz' aawe laawalal: «K'aru xyaalal a'in?», taaye re: «Li Qaawa' rik'in xkawilal li ruq' koorisi chaq Ejiipt, b'arwi' kook'anjelak chaq cho'q aj mun.

Éxodo 13:3

Toja' naq laj Moisés kixye re li tenamit: “Jultikaq eere li kutan a'in li xex'elk wi' Ejiipt, sa' li tenamit b'arwi' xexk'anjelak cho'q aj mun, xb'aan naq li Qaawa' xexrisi chaq aran rik'in xkawilal li ruq'. Jo'kan naq mexwa'ok wa li wank xyu.

Jeremías 34:12

Toja' naq li Qaawa' ki'aatinak rik'in laj Jeremías ut kixye re: