Jeremías 34:1 - Q'eqchi Bible

¹ Naq laj Nabukodonosor, li awab'ej re Babilonia, rochb'eeneb' laj puub' ut chixjunileb' li tenamit li wankeb' rub'el xwankil sa' ruuchich'och', yookeb' chi yalok rik'ineb' laj Jerusalén ut rik'ineb' chixjunil li tenamit wankeb' chi xsutam, li Qaawa' ki'aatinak rik'in laj Jeremías ut kixye re:

Li Santil hu

¹ Laj Nabucodonosor, lix reyeb laj Babilonia, ut eb lix qꞌuila soldados, joꞌ eb ajcuiꞌ lix solda̱deb li xni̱nkal ru tenamit li cuanqueb rubel xcuanquil laj Nabucodonosor queꞌpletic riqꞌuineb laj Jerusalén joꞌ eb ajcuiꞌ li cuanqueb chi xjun sutam. Nak yo̱queb chi pletic, li Ka̱cuaꞌ quia̱tinac riqꞌuin laj Jeremías ut quixye re:

Jeremías 34:1 ပူးပေါင်းရင်းမြစ်များ

Jeremías 1:15

Tikto tinb'oqeb' chaq chixjunileb' li tenamit li wankeb' chaq sa' xjayal releb'l iq' -chan li Qaawa'-. Ut eb' li x'awab'ejeb' tole'xk'ojob' li xk'ojarib'aal tz'aqal sa' rokeb'aal Jerusalén, ut chirixatq li suttz'ak sutsuukeb' wi' li tenamit sa' xteepal Judá.

Jeremías 32:2

Sa'eb' li kutan a'an, sutsu Jerusalén xb'aaneb' li xsoldaad li awab'ej re Babilonia, ut laj Jeremías b'ak'b'o chiru xneb'aalil li rochocheb' laj k'aak'alenel re li awab'ej re Judá.

Daniel 5:19

Ut sa' xk'ab'a' a'an chixjunileb' li tenamit, eb' li poyanam, a' yaal k'aru li raatinob'aaleb', ke'xiwak ut ke'siksotk chiru. Kixkamsi malaj kixkol li ani kiraj xch'ool, kixk'e xloq'al malaj kixsach xwankil li ani kiwulak chiru.

Daniel 4:22

Li che' a'an a'anat laa'at, at awab'ej: laa'at li xnimank laawankil, li jwal kaw aawib', laa'at li xnumtaak laawankilal ut xwulak toj sa' choxa; laa'awab'ejihom xwulakje'k toj sa' xmaril li ruuchich'och'.

Daniel 4:1

A'an a'in li esil kixtaqla laj Nabukodonosor, li awab'ej, reheb' chixjunil li poyanam ut tenamit li wankatqeb' sa' ruuchich'och', a' yaal chanru li raatinob'aaleb': Chiwanq taxaq tuqtuukil usilal chi numtajenaq sa' eeyanq chejunilex.

Jeremías 34:7

naq eb' laj puub' re li awab'ej re Babilonia yookeb' chaq chi yalok rik'in Jerusalén ut rik'in Lakix ut Aseká, a'aneb' li kawub'resinb'il tenamit sa' xteepal Judá li toj maji' neke'sachmank.

Jeremías 21:2

“B'aanu usilal, patz'on chiqix rik'in li Qaawa' k'a'ut naq laj Nabukodonosor, li awab'ej re Babilonia, x'ok chi yalok qik'in. Mare anchal tixb'aanu junaq sachb'ach'oolej li Qaawa' re naq tookanab'aaq sa' xyaalal xb'aan laj Nabukodonosor”. Toja' naq li Qaawa' kiraatina laj Jeremías,

Jeremías 32:1

Li Qaawa' kiraatina laj Jeremías naq ak lajeeb' chihab' rokik chi awab'ejink laj Sedesías aran Judá, ut ak waqxaqlaju xka'k'aal chihab' rokik chi awab'ejink laj Nabukodonosor.