Jeremías 33:9 - Q'eqchi Bible

⁹ Jerusalén a'anaq li xnimal xsahil linch'ool, a'anaq linloq'al ut linwankil sa' xyanqeb' chixjunil li tenamit sa' ruuchich'och'. Naq eb' a'an te'rab'i resil chixjunil li us tink'am chaq sa' xb'eeneb' laj Jerusalén, ut chixjunil li usilal tinb'aanu reheb', te'xsiksiki rib' ut te'sachq xch'ool”.

Li Santil hu

⁹ Cꞌajoꞌ nak ta̱sahokꞌ saꞌ inchꞌo̱l chirilbal li tenamit Jerusalén. Ut eb li jalan tenamit li cuanqueb saꞌ ruchichꞌochꞌ teꞌxqꞌue inlokꞌal ut teꞌxnima cuu. Nak teꞌrabi resil li us li yo̱quin chixba̱nunquil reheb, teꞌxucuak. Ut teꞌsach xchꞌo̱leb chirabinquil chanru nak xinqꞌueheb cuiꞌchic chi cua̱nc saꞌ tuktu̱quil usilal lin tenamit.

Jeremías 33:9 ပူးပေါင်းရင်းမြစ်များ

Isaías 60:5

Naq taawileb' ru, k'ajo' naq taasaho'q laach'ool, kaw tentotq ut k'ojk'ooq laawaanm, xb'aan naq te'xk'am chaq li xb'ihomaleb' li tenamit wankeb' chaq chire li palaw, ut te'xq'axtesi aawe li xsahil eechej eb' li poyanam.

Jeremías 13:11

Jo' naq nab'ak'mank li k'aamalsa' chi sa'ej, jo'ka'an naq xwaj xb'ak'b'al wik'in chixjunileb' li tenamit Israel ut Judá, rik'in xk'oxlankil naq a'aneb' raj intenamit, li xnimal ink'ab'a', linloq'al ut linwankilal. A'ut eb' a'an ink'a' xe'raj wab'inkil.

Isaías 62:7

meek'e chi hilank li Qaawa' toj reetal tixwaklesi wi' chik li xtenamit ut chixjunil li ruuchich'och' tixnima xloq'al Jerusalén.

Nehemías 6:16

Naq chixjunileb' li xik' neke'ilok qe ke'rab'i resil a'an ut chixjunileb' li tenamit chi qasutam ke'ril, k'ajo' naq ke'sachk xch'ool ut ke'xk'e reetal naq li k'anjel a'in uxb'il xb'aan xnimal ruxtaan li qaYos.

Oseas 3:5

Ab'anan taawulaq xq'ehil naq eb' laj Israel te'sutq'iiq chaq. Tole'xsik' li Qaawa', li xYoseb', jo' ajwi' laj David, li x'awab'ejeb'. Sa' roso'jikeb' li kutan te'chalq chi siksootqeb' chiru li Qaawa' ut te'xyal wi' chik li rusilal.

Jeremías 31:4

Tatinwaklesi wi' chik, a Israel, ut tatk'ojlaaq wi' chik sa' laana'aj. Tatxajoq wi' chik xb'aan xsahil sa' laach'ool, rik'in xyaab' li wajb' ut li tzojtzoj.

Jeremías 26:6

laa'in tinkanab' li ochoch a'in jo' kinkanab' Siló, ut tink'e Jerusalén chi tz'eqtaanaak xb'aaneb' chixjunil li tenamit sa' ruuchich'och'»”.

Isaías 62:12

“Santil tenamit” taayeemanq reheb' laj Israel; “kolb'ileb' xb'aan li Qaawa'” te'xk'ab'a'in. Ut li tenamit Jerusalén tixk'ab'a'in: “Rahinb'il ru”, “Tenamit ink'a' chik tz'eqtaananb'il”.

Salmos 40:3

Xinrisi chaq sa' xchamal li jul, xinrisi sa' li saab' ha' yookin wi' chi sub'e'k, xinxk'e chi b'eek sa' xb'een li saqoonak: maak'a' chik tink'ul sa' linb'eenik.

Zacarías 12:2

“Laa'in tink'e Jerusalén jo' li ha' nakaltesink cho'q reheb' chixjunileb' li tenamit li wankeb' chi xsutam, naq te'raj reechaninkil Jerusalén jo'wi' Judá.

Jeremías 44:8

K'a'ut naq nikineemajewa rik'in li k'aru nekeb'aanu, naq nekemayeja li k'ajpom chiruheb' li jalanil yos arin Ejiipt, b'arwi' kexchalk chi na'ajunk, yal re naq tinsach eeru ut tz'eqtaananb'ilaqex ut xutaanalaqex cho'q reheb' chixjunil li tenamit sa' ruuchich'och'?

Jeremías 29:1

A'an a'in li hu kixtz'iib'a laj Jeremías Jerusalén cho'q reheb' li cheekel winq li toj yo'yookeb', cho'q reheb' ajwi' laj tij, eb' li propeet ut reheb' chixjunil li poyanam li ke'isiik Jerusalén xb'aan laj Nabukodonosor ut ke'k'ame'k Babilonia.

Jeremías 3:17

Chiruheb' li kutan a'an, Jerusalén tixk'ab'a'in: «Xk'ojarib'aal li Qaawa'», ut chixjunileb' li tenamit te'xch'utub' rib' rik'ineb' laj Jerusalén sa' xk'ab'a' li Qaawa', chi ink'a' chik taaxik xch'ooleb' chirix li maa'usilal xk'uub'ahomeb' xb'aanunkil.

Ester 8:17

sa' chixjunileb' li tenamit ut li teep kiwulak wi' li esil a'in, k'ajo' naq ke'saho'k xch'ooleb' laj Judiiy ut ke'xninq'ehi rik'in tzekank. Ut naab'aleb' winq sa'eb' li tenamit a'an ke'xk'ul li sirkunsisyon ut ke'kanaak cho'q aj Judiiy xmaak xxiweb' chiruheb' laj Judiiy.

2 Crónicas 20:29

Naq ke'rab'i resil naq li Qaawa' kiyalok rik'ineb' li xik' neke'ilok reheb' laj Israel, k'ajo' naq ke'ok xxiw chixjunileb' li tenamit sa' ruuchich'och'.

Salmos 130:4

Ab'an laa'at nakakuy nakasach li qamaak, jo'kan naq aak'ulub' naq tatqoxloq'i.

Isaías 55:13

Sa' xna'aj li k'ix taayo'laaq li saqichaj, ut sa' xna'aj li k'aamla taayo'laaq li waa'uut. Chixjunil a'an taak'ulmanq re xk'eeb'al xloq'al li Qaawa'; a'anaq jun xnimal eetalil li maajoq'e taasachmanq.

Isaías 62:4

Ink'a' chik taayeemanq aawe: “Tz'eqtaananb'ilat”, chi moko taak'ab'a'in chik: “Sachalk na'ajej”, taayehe'q b'an aawe: “Aj k'ojob'anel inch'ool”, ut laach'och' tixk'ab'a'in: “Ixaqilb'ej”. Xb'aan naq li Qaawa' tixk'ul tz'aqal xch'ool aawik'in ut laach'och' taak'ame'q jo' jun ixaqilb'ej.

Isaías 64:2

Wi ta te'xnaw laak'ab'a' eb' li xik' neke'ilok aawe, te'xk'ul raj jo' naq na'ok xxamlel li chaqipim malaj nawoqxink li ha' xb'aan xtiqwal li xam. Eb' li xninqal ru tenamit te'ok raj xxiw chawu,

Jeremías 3:19

“Laa'in kinye sa' inch'ool: «Relik chi yaal naq jo'kaqat li walal ut tink'e chaweechani jun ch'ina'usil na'ajej, a' li tenamit q'axal ch'ina'us sa' xyanqeb' chixjunil li na'ajej sa' ruuchich'och'». Ut kinye ajwi' sa' inch'ool: «At inyuwa', cha'qat we; maajoq'e raj chik tatnajto'q wik'in».

Jeremías 4:2

wi taaye aajurament sa' xk'ab'a' li Qaawa' rik'in li yaal, li tiikilal ut tiikil ch'oolej, sa' xk'ab'a' a'an osob'tesinb'ilaqeb' chixjunil li tenamit ut te'nimaaq xloq'al chi junelik”.

Jeremías 16:19

At Qaawa', laa'at linkawilal ut li xkawub' linch'ool; laa'at nakatkolok we naq wankin sa' rahilal. Toj sa' xkaaxukuutil li ruuchich'och' te'chalq aawik'in chixjunileb' li tenamit ut te'xye aawe: “Relik chi yaal naq junes jalanil yos, maak'a' aj e ut maak'a'eb' xwankil li ke'xloq'oni eb' li qana' qayuwa'.

Jeremías 24:6

Twileb' chi chaab'il, tink'ameb' chaq wi' chik sa' li xch'och'eb' ut tink'eheb' chi wakliik re naq ink'a' chik te'juk'e'q li xwankil; te'k'ojlaaq wi' chik sa' li xtenamiteb' ut ink'a' chik twisiheb' chisa'.

Jeremías 32:42

Li Qaawa' kixye ajwi' chi kama'in: “Jo' naq xinrahob'tesi chi kaw li tenamit a'in, jo'kan ajwi' naq twusila ruheb' chi yo'oon rik'in chixjunil li sahil eechej xinyeechi'i reheb'.

Jeremías 33:14

“Taawulaq xkutankil -chan li Qaawa'- naq taatz'aqloq ru linyeechi'om reheb' li ralal xk'ajol laj Israel ut laj Judá.

Jeremías 49:25

K'a' naq nakirirnak xkanaak li tenamit li jwal k'eeb'il xloq'al, li tenamit re li sahil ch'oolejil?

Ezequiel 26:20

ut tatsob'e'q toj sa' xna'ajeb' li kamenaq, sa' xyanqeb' li ke'sache'k ru najter; tatinkut sa' xb'alb'a, re naq maajoq'e chik tattenamito'q sa' ruuchich'och', sa' xyanqeb' li yo'yookeb'.

Ezequiel 39:13

Chixjunileb' li poyanam laatz'aq ruheb' chi muquk kamenaq, ut aran te'xtaw xloq'aleb'. Sa' li kutan a'an tink'ut linloq'al -chan li Qaawa'-.

Deuteronomio 30:5

Tatxk'am wi' chik sa' li xch'och'eb' laana' laayuwa' re naq aawehaq ajwi' laa'at li na'ajej a'an. Tixk'e xnimal xsahil aach'ool ut q'axal chik tatxnaab'alob'resi chiruheb' laaxe'toon.

Isaías 43:21

Toja' naq li tenamit li kinkawresi cho'q we te'xb'icha linloq'al.

Isaías 62:1

Xb'aan xraab'al Sión ink'a' tinkanab' aatinak, sa' xk'ab'a' Jerusalén ink'a' tinkanaaq chi ch'anch'o, toj reetal taakutano'q li xloq'al li tiikilal ut taalemtz'uno'q laakolb'a ib' jo' junaq saqenk.

Jeremías 31:14

Tinch'oolaniheb' laj tij rik'in chaab'il tzekemq, ut lintenamit te'nujaq rik'in linsihom”, chan li Qaawa'.

Ezequiel 36:35

Ut te'xye: Li joxk' ch'och' a'in, chanchan chik sahil na'ajej xkanaak; ut eb' li xpo'lem li tenamit jo'wi' eb' li na'ajej juk'inb'il ut sachb'il naq xe'wank, anaqwan kab'lanb'ileb' ut kawub'resinb'ileb' wi' chik, ut naab'aleb' chi poyanam wankeb' chisa', cha'qeb'.

Zacarías 1:17

Li ánjel kixye wi' chik we chi jo'ka'in: “Jap wi' chik aawe chi xyeeb'al: «Jo'ka'in naxye li Nimajwal Yos: Eb' lintenamit te'nujaq chi sahil eechej. Tink'ojob' wi' chik xch'ool Sión ut tinsik' wi' chik ru Jerusalén cho'q intenamit»”.