Jeremías 33:8 - Q'eqchi Bible

⁸ Twisi chixjunil li xmaakeb' li xe'xb'aanu ut tinkuy chixjunil li maa'usilal xine'xtz'eqtaana wi' naq xe'xq'etq'eti rib' chiwu.

Li Santil hu

⁸ La̱in tincuisi lix ma̱usilaleb. Tincuy li ma̱c li queꞌxba̱nu chicuu ut tincuy ajcuiꞌ xma̱queb nak queꞌxkꞌetkꞌeti ribeb chicuu.

Jeremías 33:8 ပူးပေါင်းရင်းမြစ်များ

Zacarías 13:1

“Sa' li kutan a'an taawanq jun yu'amha', cho'q reheb' li ralal xk'ajol laj David ut cho'q reheb' li wankeb' Jerusalén, re naq te'xch'aj li xmaakeb' ut li xmaa'usilaleb'.

Ezequiel 36:25

Texinkirkisi chi chaab'il ha', ut ch'ajob'resinb'il chik texkanaaq; twisi eerik'in chixjunil leemaa'usilal ut texinch'ajob'resi re naq ink'a' chik teeloq'oniheb' li jalanil yos.

Salmos 51:2

naq kiq'use'k xb'aan laj Natán li propeet, xb'aan naq kixmux rib' rik'in lix Betsabé.

Apocalipsis 1:5

ut sa' xk'ab'a' li Jesukriist, laj ch'olob'anel xyaalal, li paab'ajel, li xb'een li kiwakliik chi yo'yo sa' xyanqeb' li kamenaq, li nim xwankil sa' xb'eeneb' chixjunil li awab'ej re li ruuchich'och'. A'an narahok qe ut kooxch'ajob'resi chiru li qamaak rik'in li xkik'el.

Ezequiel 36:33

«Laa'in, li Qaawa', ninye chi jo'ka'in: Naq twisi chixjunil li maa'usilal eerik'in, tink'eheb' chi tenamito'k eb' li na'ajej, ut te'yiib'aaq wi' chik eb' li po'lem.

Jeremías 31:34

Ink'a' chik aajel ru naq junaq tixtij li ras riitz'in malaj li rech'alal rik'in xyeeb'al: «Chanawaq ru li Qaawa'». Xb'aan naq chixjunileb' te'nawoq wu, jo' kok' jo' ninq. Laa'in tinkuy li xmaakeb' ut ink'a' chik tjultiko'q we li xmaa'usilaleb'”, chan li Qaawa'.

Jeremías 50:20

Chiruheb' li kutan a'an maak'a'aq chik xmaakeb' laj Israel ut laj Judá, xb'aan naq laa'in twil xtoq'ob'aal ruheb' li jo'k'ihal xe'kole'k”, chan li Qaawa'.

Isaías 44:22

Laa'in xinkuy laaq'etq'etil ut xinsach laamaak jo' naq nasachk li choql ut li mayuus. Sutq'in chaq wik'in xb'aan naq laa'in xinkolok aawe.

Salmos 65:3

xb'aan naq laa'at nakawab'i li qatij. Chak'atq laa'at neke'jilok chixjunileb' li xe'tawak sa' li maak.

Joel 3:21

Laa'in tin'eeqajunq chirix li xkik'eleb', moko taakanaaq ta yal chi jo'kan. Ut sa' li tzuul Sión tink'ojob' linmuheb'aal chi junajwa”, chan li Qaawa' Yos.

Isaías 56:7

laa'in teb'ink'am chaq wik'in sa' linloq'laj tzuul ut tinsahob'resi xch'ooleb' sa' li wochoch na'uxk wi' tijok. Tink'ulub'an li xyeechi'omeb' ut eb' li xk'atb'il mayej sa' xb'een lin'artal, xb'aan naq li wochoch tixk'ab'a'in rochochil li tijok cho'q reheb' chixjunil li tenamit.

Isaías 4:2

Sa' li kutan a'an li xTuxm li Qaawa' a'anaq li xloq'al ut li xsahil ruheb' laj Israel li te'kole'q; ut li Ru li ch'och' a'anaq li xwankilal ut li xnimal xloq'aleb'.

Levítico 16:30

xb'aan naq sa' li kutan a'an taawanq xtojb'al rix leemaak, ut saqaq chik eeru chiru li Qaawa'.

Salmos 130:4

Ab'an laa'at nakakuy nakasach li qamaak, jo'kan naq aak'ulub' naq tatqoxloq'i.

Lamentaciones 4:22

At tenamit Sión, ak xatoj rix laamaak; li Qaawa' ink'a' chik tatxk'am sa' najtil tenamit. A'ut laa'at, Edom, li Yos taak'ajtesinq aawu, ut tixk'e chi kutankil chixjunil laamaa'usilal!

Salmos 130:8

A'an taa'isinq re laj Israel sa' chixjunil li maak xlaje'xb'aanu.