Jeremías 33:4 - Q'eqchi Bible

^4-5 Laa'in li Qaawa', xYos laj Israel, ninye a'in chirixeb' li ochoch wankeb' Jerusalén ut chirixeb' li rochocheb' li awab'ej re Judá li te'juk'e'q. Ok re li yalok chi ch'iich' rik'ineb' laj Kaldeha li yookeb' chi xyiib'ankileb' li taqleb'aal re ok sa' li tenamit. Taanujaq chi kamenaq Jerusalén ut naab'aleb' te'tiq'e'q xb'aan xnimal linjosq'il: laa'in xinmuq wib' chiruheb' xb'aan li xk'iila maa'usilaleb' xe'xb'aanu.

Li Santil hu

⁴ Aꞌan aꞌin li ninye la̱in li Ka̱cuaꞌ, lix Dioseb laj Israel chirixeb li ochoch li cuanqueb Jerusalén ut chirixeb li palacio li cuanqueb Judá li teꞌjuqꞌuekꞌ ut teꞌsachekꞌ ru nak eb laj Babilonia teꞌcha̱lk chi pletic riqꞌuineb.

Jeremías 33:4 ပူးပေါင်းရင်းမြစ်များ

Habacuc 1:10

Neke'reetz'u eb' li awab'ej ut neke'xse'e li xninqaleb' ru winq. Maak'a' na'ok wi' eb' li kawub'resinb'il ochoch chiruheb', xb'aan naq neke'xtuub' li ch'och' cho'q xtaqleb'aaleb' ut neke'reechani eb' li tenamit.

Ezequiel 4:2

Chirix a'an taasut rix rik'in reetalileb' laj puub', tz'iib'a reetalil eb' li taqleb'aal, eb' li tz'ak ut eb' li k'anjelob'aal re ok sa' li tenamit; k'e reetalil xmuheb'aaleb' li xik' neke'ilok re, chi xsutam, re naq taak'utunq naq sutsu rix Jerusalén.

Jeremías 32:24

«K'e reetal naq eb' li taqleb'aal yiib'anb'ileb' xb'aaneb' laj Kaldeha yo chi wulak sa' li tenamit; ut xb'aan li raaxiik', li we'ej ut li raxkamk taa'eechaniiq Jerusalén xb'aaneb' li xik' neke'ilok qe. At Qaawa', yo chi k'ulmank anaqwan li kaye chaq junxil, ut yookat chi rilb'al rik'in laawu.

Ezequiel 21:22

Sa' xnim uq' x'elk li simaj li naxjayali Jerusalén, a'an reetalil naq taaxik chi xsachb'al: tixsut rix li tenamit, tixtuub' li xtaqleb'aal chi xsutam, tixk'eheb' xk'anjelob'aal chireheb' li okeb'aal ut tixjap re chi xyeeb'al resil li kamsink tiklaak re.

Ezequiel 26:8

Eb' laak'aleb'aal li wankeb' chaq chi ch'och'el te'oso'q rik'in q'esnal ch'iich'. Laj Nabukodonosor tixsut rix laatenamit ut tixtuub' li ch'och' re taqe'k sa' xb'een ut tixtaqlaheb' k'iila aj puub' sa' aab'een.

Isaías 32:13

Junes k'ix ut pajl aj chik taak'iiq sa' lintenamit; jo'kanaq ajwi' sa' chixjunileb' li ochoch neke'ninq'ehik wi' lintenamit chi saheb' sa' xch'ool.

Isaías 32:14

Pojpo taakanaaq li rochochil li awab'ej ut maajun chik wanq sa' li tenamit; eb' li kawub'resinb'il kab'l li najt xterameb' te'kanaaq chi po'lemil chi junajwa: aran te'wanq chi ichajib'k eb' li k'iche'il b'uur ut eb' li wakax chi saheb' sa' xch'ool.

Jeremías 6:6

A'an a'in li kixye li Qaawa', li Nimajwal Yos, reheb' li awab'ej a'an: “Yok'omaq eb' li che' ut yiib'omaq eetaqleb'aal re naq tex'ok chi yalok rik'ineb' laj Jerusalén. Li tenamit xteneb'aak li rahilal sa' xb'een, xb'aan naq numtajenaq li rahob'tesink aran.

Lamentaciones 2:7

Li Qaawa' xtz'eqtaana li x'artal ut xtz'eq chirix xch'ool li xsantil Na'aj. Xkanab' li xsuttz'akil li tenamit sa' ruq'eb' li xik' neke'ilok qe. K'ajo' li japok e sa' rochoch li Yos, chanchan wi' sa' jun ninq'e.

Deuteronomio 20:20

Ka'ajwi' li che' ink'a' chaab'il li ru naxk'e, a'an tatruuq xsachb'al ut xyok'b'al. Ut chi jo'kan taak'anjelaq aawe re xsutb'al rix li tenamit yo chi yalok aawik'in, toj reetal taat'ane'q sa' aawuq'.

Isaías 22:10

Toja' naq xerajla eb' li ochoch wank Jerusalén, ut naab'al li kab'l xejuk' re xkawub'resinkil li xsuttz'akil li tenamit.