Jeremías 33:3 - Q'eqchi Bible

³ Patz' link'ab'a' ut laa'in tatinchaq'b'e; tinye aawe xninqal na'leb' li wankeb' chi muqmu ut toj maji' nakanaw laa'at.

Li Santil hu

³ —Chatzꞌa̱ma a̱tenkꞌanquil cue ut la̱in tatinsume. Ut tincꞌutbesi cha̱cuu li xni̱nkal ru naꞌleb li incꞌaꞌ nacanau ut tinchꞌolob xya̱lal cha̱cuu li cꞌaꞌru chꞌaꞌaj xtaubal ru.

Jeremías 33:3 ပူးပေါင်းရင်းမြစ်များ

Jeremías 29:12

Toja' naq teepatz' link'ab'a', tulextijoq chiwu, ut laa'in texwab'i.

Isaías 65:24

Naq toj maji' neke'xpatz' link'ab'a', laa'in akaq xinsumeheb' chaq; toj maji' ajwi' neke'aatinak, laa'in akaq xwab'iheb'.

Efesios 3:20

Li Yos li wank xwankil re xb'aanunkil chixjunil chi numtajenaq chik chiru li naqatz'aama malaj naqak'oxla, jo' chanru li xkawilal yo wi' chi k'anjelak qik'in,

Isaías 48:6

Laa'at xawab'i ut xawil chixjunil, ut tento taak'ulub'a naq yaal a'an. Anaqwan nink'e chanaw ak' na'leb', jun muqmuukil na'leb' li toj maji' aanawom.

Salmos 91:15

Naq tixyaab'a link'ab'a', laa'in tinsume. Wanqin chi xk'atq sa' xq'ehil li rahilal; laa'in tinkoloq re ut tink'e xloq'al.

Deuteronomio 4:29

Ab'an wi aran teesik' li Qaawa' leeYos chi anchal leech'ool ut chi anchal leeraanm, relik chi yaal naq teetaw.

Salmos 50:15

Chayaab'a link'ab'a' sa' xkutankil laarahilal; laa'in tatinkol ut laa'at tinaaloq'oni”.

Salmos 145:18

Nach' wank li Qaawa' rik'ineb' li neke'yaab'ank li xk'ab'a', rik'ineb' li neke'xyaab'a xk'ab'a' chi anchaleb' xch'ool.

Deuteronomio 4:7

Relik chi yaal, ma wank ta junaq nimla tenamit li wank li xyoseb' chi jwal nach' chi xk'atq jo' naq wank li Qaawa' li qaYos rajlal naq naqayaab'a xk'ab'a'?

Hechos 2:21

Ab'anan chixjunileb' li te'yaab'anq re xk'ab'a' li Qaawa' te'kole'q».

Amós 3:7

Jo'kan ajwi', li Qaawa' maak'a' tixb'aanu wi ink'a' xye xb'enwa reheb' laj k'anjel chiru, a'eb' li propeet.

Salmos 25:14

Li Qaawa' a'an ramiiw eb' li neke'paab'ank re, jo'wi' naxk'e chi xnaweb' li xloq'laj sumwank.

Isaías 45:3

Tink'e aawe eb' li sahil eechej wankeb' chi muqmu, jo' ajwi' chixjunil li b'ihomal ink'a' nawb'il, re naq taanaw naq laa'in li Qaawa', li xYos laj Israel, li ninb'oqok aawe rik'in laak'ab'a'.

Apocalipsis 2:17

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka li muqmuukil mana'. Tink'e ajwi' jun xch'ina saqi pek, let'exinb'ilaq chiru li ch'ina pek jun ak' k'ab'a'ej li maa'ani nanawok re, ka'ajwi' li taak'uluq re».

San Mateo 13:35

Chi jo'kan kitz'aqlok ru li xyehom li propeet: “Tin'aatinaq sa' jaljookil ru aatin, tinye chi kutankil li k'a'aq re ru muqmu chalen chaq sa' xk'ojlajik li ruuchich'och'”.

Miqueas 7:15

Chak'ut wi' chik li xninqal sachb'ach'oolej chiruheb', jo' naq koo'elk chaq sa' li tenamit Ejiipt.

Joel 2:32

Ab'anan chixjunileb' li te'yaab'anq re xk'ab'a' li Qaawa', te'kole'q, xb'aan naq sa' li tzuul Sión ut Jerusalén taawanq li kolb'a ib', jo' kixye li Qaawa'. Jo'k'ihaleb' li sik'b'ileb' ru xb'aan li Qaawa' te'kole'q.

1 Corintios 1:2

nintz'iib'ak rik'in li x'Iklees li Yos li wank Korinto, eerik'in laa'ex li santob'resinb'ilex sa' xk'ab'a' li Kristo Jesus, eerik'in laa'ex li b'oqb'ilex chi wank sa' santilal, eerochb'een chixjunileb' li neke'xyaab'a xk'ab'a' li Qaawa' Jesukriist yalaq b'ar, a'an li qaQaawa' laa'o ut xQaawa' li santil tenamit.

Jeremías 23:35

Laa'ex jo'ka'in teeye reheb' leeras eeriitz'in malaj leeramiiw: «K'aru naxye li Qaawa'? K'aru xooxsume wi'?».

Jeremías 32:17

«At Qaawa' Yos, laa'at aj winqob'resihom re choxach'och' rik'in xnimal aawankil ut xkawilal laawuq': maak'a' k'aru ch'a'aj xb'aanunkil chawu, at Qaawa'.

Jeremías 32:27

“K'e reetal, laa'in li Qaawa', li xYos chixjunileb' li wankeb' xyu'am. Maak'a' k'aru ch'a'aj xb'aanunkil chiwu.

Daniel 2:18

Kixtz'aama ajwi' chiruheb' naq tijoqeb' chiru li Qaawa', re xpatz'b'al xnimal ruxtaan li xYos li choxa chirix li tz'aptz'ookil na'leb' a'an, re naq ink'a' te'kamsiiq rochb'eeneb' laj k'ehol na'leb' re Babilonia.

Daniel 2:22

A'an nak'ehok chi kutankil li muqmuukil k'a'uxl ut li ch'a'aj xtawb'al ru; naxnaw li k'aru muqmu sa' li aak'ab', xb'aan naq na'ochb'eeniik xb'aan li kutan saqenk.

Daniel 2:23

Ninb'anyoxink chawu, at Qaawa', xYosat eb' linxe'toonil yuwa', xb'aan naq xak'e inchoxahil na'leb' ut inwankilal; xak'ut chiqu xyaalal li xqatz'aama aawe ut xak'e chiqanaw li yo wi' xk'a'uxl li awab'ej”.