Jeremías 33:18 - Q'eqchi Bible

¹⁸ Jo'kan ajwi' junelikaqeb' laj tij xkomoneb' laj Leví chi yeechi'ink k'atb'il mayej, k'atok k'ajpom chiwu ut mayejak wulaj wulaj”.

Li Santil hu

¹⁸ Ut teꞌcua̱nk ajcuiꞌ eb li ralal xcꞌajol laj Leví li teꞌcꞌanjelak chicuu chokꞌ aj tij. Rajlal teꞌmayejak chicuu ut teꞌxqꞌue lix cꞌatbil mayej joꞌ ajcuiꞌ li mayej cꞌaj.

Jeremías 33:18 ပူးပေါင်းရင်းမြစ်များ

Isaías 56:7

laa'in teb'ink'am chaq wik'in sa' linloq'laj tzuul ut tinsahob'resi xch'ooleb' sa' li wochoch na'uxk wi' tijok. Tink'ulub'an li xyeechi'omeb' ut eb' li xk'atb'il mayej sa' xb'een lin'artal, xb'aan naq li wochoch tixk'ab'a'in rochochil li tijok cho'q reheb' chixjunil li tenamit.

Apocalipsis 1:6

A'an kik'ehok qe chi awab'ejink rochb'een a'an cho'q aj tij chiru li Yos li xYuwa'. Rehaq taxaq li loq'al ut li wankilal chi junelik q'e kutan! Jo'kan taxaq!

1 Pedro 2:9

A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

1 Pedro 2:5

Laa'ex ajwi', jo'qex li yo'yookil pek, chek'e eerib' chi kab'laak cho'q musiq'ejil ochoch, re naq laa'exaq aj tij sa' santilal, re q'axtesink mayej sa' li Musiq'ej, a' li naxk'ulub'an xch'ool li Yos sa' xk'ab'a' li Jesukriist.

Romanos 15:16

naq laa'inaq aj k'anjel chiru li Kristo Jesus cho'q reheb' li maawa'eb' aj Judiiy. A'an a'in linloq'laj k'anjel: laa'in aj tij re xpuktesinkil li xChaab'il Esil li Yos re naq k'ulb'ilaqeb' li maawa'eb' aj Judiiy jo' chaab'il mayej, santob'resinb'il xb'aan li Santil Musiq'ej.

Romanos 1:21

xb'aan naq ke'xnaw ru li Yos, ab'an ink'a' ke'xnima xloq'al jo' tz'aqal Yos chi moko ke'yoxink chiru, po'k chik kixb'aanu li xk'a'uxeb', ut eb' li xjip aj ch'ool kiq'oqyino'k ru.

Ezequiel 45:5

Ab'anan taawanq jun chik na'ajej, oxib' leew xnimal roq ut numenaq jun leew xnimal ru, li taakanaaq cho'q reheb' laj Leví li neke'k'anjelak sa' rochoch li Qaawa', re naq aran te'kab'laq b'arwi' te'wanq.

Isaías 61:6

Ut laa'ex teek'ab'a'in: “aj tij chiru li Qaawa'”; “aj k'anjeleb' chiru li qaYos” taayeemanq eere. Teetzeka li xsahil eechej eb' laj ab'l tenamit ut teereechani li xb'ihomaleb'.

Deuteronomio 18:1

“Eb' laj tij aj Leví, chixjunil li xteepaleb' aj Leví, ink'a' te'tz'aqonq na'ajej chi moko ereens rik'ineb' laj Israel, yo'yooqeb' b'an rik'in li sahil tzekemq taayeechi'imanq re li Qaawa' ut rik'in chixjunileb' li loq'laj mayej.

Apocalipsis 5:10

ut kak'eheb' chi awab'ejink cho'q aj tij cho'q re li qaYos, ut te'awab'ejinq sa' xb'een li ruuchich'och'”.

Números 3:5

Li Qaawa' kiraatina laj Moisés ut kixye re:

Deuteronomio 24:8

“K'e reetal li yajel saqlep; chapaab' ut chab'aanu chixjunil li k'aru neke'xye eb' laj tij aj Leví. Chak'e aach'ool chi xk'anjelankil jo'ch'inal jo'nimal xinye reheb'.

Josué 3:3

ut ke'xye li taqlahom a'in reheb' li tenamit: “Naq teeril li xLoq'laj Kaaxil li Sumwank paqonb'il xb'aaneb' laj tij aj Leví, tex'elq sa' li na'ajej wankex wi' ut texxik chirix.

Esdras 3:5

Chirix chik a'an ke'xyeechi'i li mayej na'uxmank wulaj wulaj jo'wi' sa' xyo'lajik li po, sa'eb' li loq'laj ninq'e ut chirixeb' jo'k'ihaleb' li ki'alaak sa' xch'ooleb' xk'eeb'al xmayej re li Qaawa'.

Jeremías 33:19

Li Qaawa' kiraatina wi' chik laj Jeremías ut kixye re:

Jeremías 33:22

Jo' naq ink'a' naru rajlankileb' li chahim chiru li choxa chi moko naru xb'isb'al li samahib' chire li palaw, jo'kan ajwi' naq tinpuktesiheb' li ralal xk'ajol laj David jo'wi' eb' li ralal xk'ajoleb' laj tij xkomoneb' laj Leví, aj k'anjeleb' chiwu”.

Ezequiel 44:15

“Ab'an eb' laj Leví, li ralal xk'ajoleb' laj Sadok li ink'a' xe'xkanab' k'anjelak sa' li wochoch naq eb' laj Israel xine'xtz'eqtaana, a'aneb' naru te'ok chi k'anjelak chiwu re xyeechi'inkil we li xxeeb'ul ut li xkik'el li mayej -chan li Qaawa'-.

Jeremías 35:19

Jo'kan naq laa'in, li Nimajwal Yos, li xYos laj Israel, ninch'olob' cheru naq ink'a' taalajq junaq li ralal xk'ajol laj Jonadab, li ralal laj Rekab, re k'anjelak chiwu», chan li Qaawa'”.