Jeremías 33:14 - Q'eqchi Bible

¹⁴ “Taawulaq xkutankil -chan li Qaawa'- naq taatz'aqloq ru linyeechi'om reheb' li ralal xk'ajol laj Israel ut laj Judá.

Li Santil hu

¹⁴ Cuulac re xkꞌehil nak tinba̱nu li cꞌaꞌru quinyechiꞌi reheb laj Israel joꞌqueb ajcuiꞌ laj Judá, chan li Ka̱cuaꞌ.

Jeremías 33:14 ပူးပေါင်းရင်းမြစ်များ

Jeremías 23:5

“Taawulaq xkutankil naq tinxaqab' junaq ralal laj David, q'axal tiikaq xch'ool ut wanq xna'leb' chi awab'ejink; a'an tixk'anjela ru li tiikilal ut li k'ulub'ej sa' li na'ajej a'in.

2 Corintios 1:20

Chixjunil li kixyeechi'i li Yos, kitz'aqlok ru rik'in li Kriist; jo'kan naq sa' xk'ab'a' A'an naqaye “Amén” re xloq'oninkil ru li Yos.

Jeremías 29:10

“Xb'aan naq jo'ka'in xye li Qaawa': «Ka'ajwi' taaraqe'q li lajeeb' xkaak'aal chihab' leewanjik rub'el xwankileb' laj Babilonia, laa'in texwula'ani ut tinb'aanu li kinyeechi'i eere, naq texsutq'iiq chaq wi' chik sa' li na'ajej a'in.

Génesis 49:10

Ink'a' taa'isiiq li xuq' rik'in laj Judá, chi moko li reetalil xwankil taa'elq sa' xyanq li roq, toj reetal taachalq li tento tixk'ul a'an, a' li tento taapaab'aaq xb'aaneb' li tenamit.

Génesis 22:18

Sa' xk'ab'a'eb' laawalal aak'ajol osob'tesinb'ilaqeb' chixjunil li tenamit sa' ruuchich'och', xb'aan naq xapaab' li waatin»”.

Amós 9:11

“Sa' li kutan a'an tinwaklesi wi' chik li t'anjenaq ochoch re laj David. Tintz'api li xpaapookil, tinyiib' wi' chik li ak juk'ulk ut tinkab'la jo' naq kiwank chaq junxil,

Apocalipsis 19:10

Toja' naq kint'ane'k rub'el roq li ánjel chi xloq'oninkil ru, ut a'an kixye we: “Maab'aanu a'in! Laa'in aawech moosil; wech moosileb' ajwi' eb' laawas aawiitz'in li neke'xk'uula sa' xch'ooleb' li xch'olob'ahom li Jesus. A' li Yos tento taaloq'on ru”, chan we. Xb'aan naq eb' li propeet a'aneb' li neke'xk'uula sa' xch'ooleb' li xch'olob'ahom li Jesus.

1 Pedro 1:10

Chirix li kolb'a ib' a'in ke'patz'ok ut ke'tz'ilok chaq aatin eb' li propeet, ut ke'aatinak chi junxilaj chirix li usilal kawresinb'il cho'q eere.

Hebreos 11:40

Li Yos ak xkawresihom chaq li q'axal chaab'il cho'q qe, ut kiraj naq eb' a'an ink'a' te'tz'aqloq ru wi ink'a' ta qochb'eenaqeb'.

San Lucas 10:24

Ninye eere naq naab'aleb' li propeet ut awab'ej ke'raj raj rilb'al li nekeril laa'ex ut ink'a' ke'ril; ke'raj raj rab'inkil li nekerab'i laa'ex ut ink'a' ke'rab'i”.

Malaquías 3:1

Li Nimajwal Yos kixye chi jo'ka'in: “K'ehomaq reetal, laa'in tintaqla lintaql re xtuqub'ankil linb'e. Chi seeb' li Qaawa', li yookex chi xsik'b'al, taa'ok sa' li rochoch. Chalk re laj yehol resil li sumwank, li raaro eeb'aan!”.

Miqueas 5:2

A'ut laa'at, Belén Efratá, jwal kach'inat sa' xteepal Judá, aawik'in taa'elq chaq li taa'awab'ejinq re Israel. A'an taayo'laaq sa' riyajil jun mayer junkab'al”.

Daniel 9:25

Ab'i li yookin xyeeb'al aawe ut chatawaq ru: Chalen naq x'elk li chaq'rab' re xwaklesinkil wi' chik Jerusalén toj taawulaq xkutankil li xk'ulunik laj jolominel sik'b'il ru, tento taanume'q wuqub' xamaan. Chirix chik a'an te'yiib'amanq wi' chik eb' li b'e jo'wi' eb' li tz'ak chiru wiib' xkaak'aal xamaan; ab'anan q'axal rahaq xnumsinkileb' li kutan a'an.

Isaías 7:14

Jo'kan utan, a' ajwi' li Qaawa' tixk'ut cheru jun nimla eetalil. K'ehomaq reetal: li saaj ixq wank sa' yu'am; taawanq jun xk'uula'al teelom, ut Emmanuel tixk'e cho'q xk'ab'a'.

Jeremías 31:27

Li Qaawa' kixye chi jo'ka'in: “Taawulaq xkutankil naq te'tamq wi' chik eb' li poyanam ut eb' li ketomq sa' xteepal Israel ut Judá.

Daniel 2:44

“Chiru li xyu'amileb' li awab'ej a'an, li xYos li choxa tixwaklesi chaq jun awab'ejihom li maajun wa taajuk'manq, chi moko taakanaaq rub'el xwankil jalan chik tenamit. Tixjuk'i ut tixputz'iheb' li awab'ejihom junch'ol, ut a'an wanq xwankil chi junelik.

Jeremías 32:42

Li Qaawa' kixye ajwi' chi kama'in: “Jo' naq xinrahob'tesi chi kaw li tenamit a'in, jo'kan ajwi' naq twusila ruheb' chi yo'oon rik'in chixjunil li sahil eechej xinyeechi'i reheb'.

Jeremías 33:9

Jerusalén a'anaq li xnimal xsahil linch'ool, a'anaq linloq'al ut linwankil sa' xyanqeb' chixjunil li tenamit sa' ruuchich'och'. Naq eb' a'an te'rab'i resil chixjunil li us tink'am chaq sa' xb'eeneb' laj Jerusalén, ut chixjunil li usilal tinb'aanu reheb', te'xsiksiki rib' ut te'sachq xch'ool”.