Jeremías 33:12 - Q'eqchi Bible

¹² Li Nimajwal Yos kixye chi jo'ka'in: “Sa' li na'ajej a'in li maak'a'eb' wi' li poyanam ut eb' li xul, sa'atqeb' chixjunil li tenamit, taawanq wi' chik li pim b'arwi' eb' laj ilol ketomq te'xk'am li xketomqeb'.

Li Santil hu

¹² Li nimajcual Dios quixye: Saꞌ chixjunil li naꞌajej aꞌin li ma̱cꞌaꞌ nayoꞌla chi saꞌ anakcuan, chi moco cristian chi moco xul, ta̱cua̱nk cuiꞌchic li pachꞌayaꞌ li teꞌxqꞌue cuiꞌ chi cuaꞌac lix queto̱mkeb laj ilol xul.

Jeremías 33:12 ပူးပေါင်းရင်းမြစ်များ

Isaías 65:10

Sarón a'anaq xna'ajeb' li karneer, ut li xtaq'ahil Akor taakanaaq cho'q xwa'leb'aaleb' li wakax, cho'q reheb' lintenamit xe'sik'ok we.

Jeremías 51:62

Chirix chik a'an taaye chi jo'ka'in: «At Qaawa', laa'at xaye naq taajuk' li tenamit a'in, toj reetal naq maajun chik twanq chisa', chi moko junaq poyanam chi moko junaq xul, xb'aan naq joxk' taakanab' li na'ajej a'in chi junwaakaj».

Jeremías 36:29

Ut ye re laj Johakín: «Li Qaawa' xye chi jo'ka'in: Laa'at xak'at li b'otb'ookil hu ut xaye: K'a'ut naq xatz'iib'a sa' li hu naq relik chi yaal li awab'ej re Babilonia tolxjuk'i li tenamit a'in, ut maajun chik poyanam chi moko xul taakanaaq chisa'?

Jeremías 31:24

Arin te'wanq eb' laj Judá ut chixjunileb' li tenamit wankeb' sa' xteepal, eb' laj k'alom ut eb' laj ilol ketomq.

Jeremías 17:26

Te'chalq eb' laj Judá li wankatqeb' chaq chi xsutam Jerusalén, eb' li wankeb' chaq sa' xteepal Benjamín ut chiru taq'a, li wankeb' chaq chiru tzuul ut sa' xtaq'ahil Nejeb. Te'xk'amatq chaq eb' li xxul ut eb' li ru awimq cho'q xmayejeb', li k'ajpom jo'wi' chixjunil li k'a'aq re ru nayeechi'imank re b'anyoxink sa' rochoch li Yos.

Cantares 1:7

At inrahom, ye we b'ar yookat chi xb'eresinkil laaketomq, b'ar nakak'eheb' chi hilank wa'leb', re naq ink'a' jo'aqin jun li ixq tz'aptz'o xnaq' ru, li naxik chirixeb' li xketomq eb' laawamiiw.

Jeremías 31:12

“Te'chalje'q rik'in b'ichank sa' xb'een li tzuul Sión; jun chalikaqeb' wan wi' li xsimaatan li Qaawa', chi xyalb'al xsahil li triiw, li b'iin ut li aseeyt, ut te'k'ojlaaq xch'ool rik'in li raleb' li karneer ut li wakax. Chanchanaqeb' jun li xna'aj awimq t'aqresinb'il chi us, ut maajoq'e chik te'wiib'anq xch'ool.

Jeremías 32:15

Xb'aan naq xyehom li Nimajwal Yos, li xYos laj Israel, naq sa' li na'ajej a'in taaloq'manq wi' chik ochoch, k'aleb'aal ut li xna'ajeb' li awimq».

Jeremías 50:6

“Chanchaneb' li karneer sachenaqeb' naq xe'wank lintenamit. Eb' laj ilol reheb' xe'sachb'esink reheb' sa'eb' li pim; jo'kan naq xe'xb'eeni rib' chiruheb' li tzuultaq'a; neke'chalk neke'xik toj reetal xsachk sa' xch'ooleb' li xna'ajeb'.

Hageo 1:4

Ma xq'ehil tab'i' cho'q eere wank sa' chaab'il ochoch naq toj po'lem linsantil ochoch?

Ezequiel 36:35

Ut te'xye: Li joxk' ch'och' a'in, chanchan chik sahil na'ajej xkanaak; ut eb' li xpo'lem li tenamit jo'wi' eb' li na'ajej juk'inb'il ut sachb'il naq xe'wank, anaqwan kab'lanb'ileb' ut kawub'resinb'ileb' wi' chik, ut naab'aleb' chi poyanam wankeb' chisa', cha'qeb'.