Jeremías 33:10 - Q'eqchi Bible

¹⁰ Jo'ka'in kixye li Qaawa': “Laa'ex nekeye naq li na'ajej a'in nayamnak aj chik ru, maajun poyanam chi moko junaq xul wank chisa'. Nekeye ajwi' naq sa' xteepal Judá ut sa'eb' li b'e re Jerusalén maak'a' chik wank aran, chi moko winq chi moko xul. Ab'an sa'eb' li na'ajej a'an toj taa'ab'imanq

Li Santil hu

¹⁰ Li Ka̱cuaꞌ quixye: —La̱ex nequeye nak li naꞌajej aꞌin ma̱cꞌaꞌ cuan chi saꞌ, chi moco li cristian, chi moco li xul. Abanan saꞌ eb li tenamit li cuanqueb Judá ut saꞌ eb li be li cuanqueb Jerusalén, usta ma̱cꞌaꞌeb cristian ut ma̱cꞌaꞌeb xul, ta̱abima̱nk cuiꞌchic li japoc e.

Jeremías 33:10 ပူးပေါင်းရင်းမြစ်များ

Jeremías 32:43

Ut te'xloq'atq xch'och'eb' sa' li na'ajej a'in, li nekeye laa'ex: «Nakirirnak taakanaaq li tenamit a'in; maajun chik poyanam chi moko xul te'wanq chisa', ut taaq'axtesimanq sa' ruq'eb' laj Kaldeha», chankex.

Ezequiel 37:11

Ut li Qaawa' kixye we: “At kaamel winq, eb' li b'aq a'in a'aneb' chixjunileb' li ralal xk'ajol laj Israel. Anaqwan yookeb' chi xyeeb'al: «Xe'chaqik li qab'aqel ut maak'a' chik qoyb'enihom; xoo'oso'k chiqajunilo», chankeb'.

Jeremías 32:36

“Laa'in li Qaawa', li xYos laj Israel, jo'ka'in ninye chirix li tenamit a'in, li xaye laa'at naq taaq'axtesiiq sa' ruq' li awab'ej re Babilonia xb'aan li raaxiik', li we'ej ut li raxkamk:

Levítico 26:32

“Nakirirnak li ch'och' tinkanab', ut eb' li xik' neke'ilok eere li te'chalq chi wank aran, te'sachq xch'ool.

Jeremías 26:9

K'a'ut naq xaye sa' xk'ab'a' li Qaawa' naq li ochoch a'in taakanaaq jo' Siló, ut Jerusalén taajuk'manq chi maajun chik poyanam taakanaaq chisa'?”. Ut chixjunileb' li poyanam ke'xtuub' rib' sa' rochoch li Yos chi xsutb'al laj Jeremías.

Jeremías 34:22

Laa'in tinsutq'isiheb' chaq wi' chik ut te'chalq chi xsachb'al Jerusalén; te'reechani ut te'xk'e xxamlel. Ut nakirirnak te'kanaaq chixjunileb' li tenamit sa' xteepal Judá ut maajun chik poyanam taawanq chisa'”, chan li Qaawa'.

Hageo 1:4

Ma xq'ehil tab'i' cho'q eere wank sa' chaab'il ochoch naq toj po'lem linsantil ochoch?

Salmos 85:7

Ma ink'a' taak'e wi' chik qayu'am re naq tsaho'q xch'ool laatenamit aawik'in?

Salmos 147:13

A'an xk'ehok xkawub' laawokeb'aal ut xrosob'tesiheb' laawalal aak'ajol chasutam;