Jeremías 32:5 - Q'eqchi Bible

⁵ Laj Nabukodonosor tixk'am laj Sedesías toj Babilonia, b'arwi' twanq toja' re naq laa'in tinraqoq aatin sa' xb'een. Us ta laa'ex texyaloq rik'ineb' laj Kaldeha, moko us ta tex'elq», chan li Qaawa'”.

Li Santil hu

⁵ Tinixcꞌam toj Babilonia ut aran tincana̱k toj nak li Ka̱cuaꞌ tixba̱nu li cꞌaꞌru ta̱raj riqꞌuineb. Cui topletik riqꞌuineb laj Babilonia, incꞌaꞌ tonumta̱k saꞌ xbe̱neb, chancat.—

Jeremías 32:5 ပူးပေါင်းရင်းမြစ်များ

Ezequiel 17:15

«Ab'an li xnimal ru winq a'an kixq'et li aatin yeeb'il re li awab'ej re Babilonia ut kixtaqlaheb' xtaql aran Ejiipt chi xsik'b'aleb' li kawaay ut naab'al chi aj puub'. Ma taa'usaaq li xb'aanunk chi jo'kan? Ma taakole'q li xq'etok aatin?

Jeremías 39:7

Ut laj Sedekías ki'isiik xsa'eb' li ru ut kik'ame'k Babilonia chi b'ak'b'o rik'in wiib' kareen q'anch'iich'.

Jeremías 27:22

«Chixjunil a'in taak'ame'q Babilonia ut aran tkanaaq chaq, toj reetal naq laa'in twaj xk'amb'al chaq wi' chik», chan li Qaawa'”.

Ezequiel 12:13

Laa'in tinkut link'aam sa' xb'een ut tinchap; tink'e chi k'ame'k Babilonia, xtenamiteb' laj Kaldeha, ab'an moko taaril ta li na'ajej a'an, ut aran taakamq.

Jeremías 37:10

Us ta texnumtaaq sa' xb'eeneb' laj Kaldeha li yookeb' chi yalok eerik'in, ut yal wiib' oxib'eb' aj chik te'kole'q chi tiq'ilkaqeb', ab'an eb' a'an chixjunqaleb' raj te'wakliiq wi' chik sa' li xmuheb'aaleb' ut te'xk'e xxamlel li tenamit a'in”.

Jeremías 2:37

K'ajo'aq ajwi' aaxutaan naq tat-elq chaq Ejiipt, xb'aan naq ink'a' nawulak chiwu li kaw wi' aach'ool, ut ink'a' us tat-elq rik'ineb' a'an”.

Proverbios 21:30

Chiru li Qaawa' maak'a' na'ok wi' li chaab'il na'leb', li seeb'al k'a'uxej ut li na'leb'ak.

2 Crónicas 24:20

Toja' naq li xmusiq' li Yos ki'ok rik'in laj Sakarías, ralal laj Johadá laj tij, ut a'an kixxaqab' rib' chiruheb' li tenamit ut kixye: “Jo'ka'in xye li Qaawa': «K'a'ut naq nekeq'et xchaq'rab' li Qaawa'? Moko us ta tex'elq. Laa'ex xetz'eqtaana li Qaawa'; jo'kan naq A'an texxtz'eqtaana laa'ex»”.

2 Crónicas 13:12

Chek'e reetal naq li Qaawa' a'an laj k'amol b'e chiqu; ut eb' laj tij okeb' re chi xyaab'asinkil li pur re taaqatikib' yalok eerik'in. Ex aj Israel, mexyalok rik'in li Qaawa', li xYos eb' leexe'toonil yuwa', xb'aan naq maak'a' aj e”, chan laj Abías.

Números 14:41

Kichaq'ok laj Moisés ut kixye reheb': “K'a'ut naq yookex wi' chik chi xq'etb'al raatin li Qaawa'? A'an moko us ta taa'elq.

Jeremías 32:6

Kixye laj Jeremías: “Li Qaawa' x'aatinak wik'in ut xye we:

Jeremías 32:24

«K'e reetal naq eb' li taqleb'aal yiib'anb'ileb' xb'aaneb' laj Kaldeha yo chi wulak sa' li tenamit; ut xb'aan li raaxiik', li we'ej ut li raxkamk taa'eechaniiq Jerusalén xb'aaneb' li xik' neke'ilok qe. At Qaawa', yo chi k'ulmank anaqwan li kaye chaq junxil, ut yookat chi rilb'al rik'in laawu.

Jeremías 39:5

Ab'an eb' laj puub' aj Kaldeha ke'raanilasiheb' ut koxe'xtaw laj Sedesías sa' xtaq'ahil Jerikó. Ke'xchap ut ke'xk'am rik'in laj Nabukodonosor toj Riblá, sa' xteepal Jamat. Aran laj Nabukodonosor kixraq aatin sa' xb'een.

Lamentaciones 1:14

Li Qaawa' xch'utub' ru chixjunileb' linmaak sa' inb'een, kama' najit'mank junaq iiq chinkux. Maak'a' chik inmetz'ew ut ink'a' chik ninkuy. Li Qaawa' xq'axtesink we sa' ruq'eb' a'an, ut ink'a' ninkuy xsumenkileb'.

Ezequiel 12:12

Li awab'ej li najolomink eere, taariiqa li k'a'aq re ru re ut, chiru li q'oqyink, taa'elq sa' xhopolal li tz'ak li teeyiib' laa'ex. Tixtz'ap li ru re naq ink'a' taaril li na'ajej naq taa'elq.

Jeremías 39:4

Naq laj Sedesías, li awab'ej re Judá, ut chixjunileb' laj puub' ke'ril li yo chi k'ulmank, ke'elelik chiru q'oqyink sa' li tenamit, sa' xb'ehil li rawimq li awab'ej; ke'nume'k sa' xyanqeb' li suttz'ak ut ke'xchap xb'e re xik Arabá.