Jeremías 32:3 - Q'eqchi Bible

³ Laj Sedesías, li awab'ej, a'an kitaqlank xb'ak'b'al xb'aan xyeeb'al li aatin a'in: “Xyehom li Qaawa': «Li tenamit a'in taaq'axtesimanq sa' ruq' li awab'ej re Babilonia, ut taa'eechaniiq xb'aan;

Li Santil hu

³ Laj Sedequías lix reyeb laj Judá quixqꞌue chi pre̱xil laj Jeremías xban li cꞌaꞌru quixye. Laj Sedequías quixye re: —¿Cꞌaꞌut nak yo̱cat chixyebal nak li Ka̱cuaꞌ tixkꞌaxtesi li tenamit aꞌin saꞌ rukꞌ lix reyeb laj Babilonia ut ta̱re̱chani?

Jeremías 32:3 ပူးပေါင်းရင်းမြစ်များ

San Lucas 20:2

ut ke'xye re: —Ye qe k'aru aawankil naq nakab'aanu a'in, malaj ani xk'ehok aawe li wankilal a'in?

Amós 7:13

ab'an mat-aatinak chik jo' propeet arin Betel, xb'aan naq a'in xnimal ru rochoch li Yos, a'in li na'ajej naloq'onink wi' li awab'ej”.

Jeremías 38:8

ki'elk sa' li ochoch ut koho chi aatinak rik'in li awab'ej li k'ojk'o sa' li Rokeb'aal laj Benjamín chiruheb' li kutan a'an, ut kixye re:

Jeremías 38:4

Toja' naq eb' li xjolomileb' li tenamit ke'xye re li awab'ej: “Tento xkamsinkil li winq a'an, xb'aan naq, rik'ineb' li aatin naxye, naxch'ina xch'ooleb' laj puub' li toj wankeb' sa' li tenamit, ut naxch'ina ajwi' xch'ooleb' chixjunil li poyanam. Li winq a'in ink'a' naxsik' li usilal cho'q re li tenamit, a' b'an li rahilal naxsik'”.

Jeremías 27:8

Wi wank junaq tenamit malaj junaq awab'ej li ink'a' naxk'e rib' rub'el xwankil laj Nabukodonosor, li awab'ej re Babilonia, ut ink'a' naraj k'anjelak chiru, laa'in tinraqoq aatin sa' xb'eeneb' rik'in rahilal, we'ej ut raxkamk, toj reetal toxe'oso'q sa' ruq' -chan li Qaawa'-.

Jeremías 5:3

At Qaawa', ma ink'a' tab'i' a' li yaal nakasik'? Xarahob'tesiheb', ab'an maak'a' xe'reek'a; xasacheb' ru, ab'an ink'a' xe'raj xtawb'al xyaalal. Xe'xkawub'resi b'an li xch'ooleb' jo' li pek ut ink'a' xe'raj xjalb'al xna'leb'eb'.

Jeremías 2:30

Maak'a' rajb'al naq xeb'inq'us chi kaw leeralal eek'ajol, xb'aan naq ink'a' xe'xtaw ru. Laa'ex xekamsi chi ch'iich' eb' li propeet jo' naq li kaqkoj naxt'upi li xtzak.

2 Crónicas 28:22

Ut us ta sutsu li xtenamit xb'aaneb' laj Asiria, laj Ajás ink'a' kixkanab' xq'etq'etinkil rib' chiru li Qaawa'.

Éxodo 5:4

Toja' naq li awab'ej re Ejiipt kixye reheb': “At Moisés, at Aharón, k'a'ut naq nekepo'ok xch'ooleb' li tenamit sa' li xk'anjeleb'? Ayuqex chi xb'aanunkil leek'anjel!”.

Jeremías 21:3

ut a'in kixye reheb' li xtaql laj Sedesías: “Yehomaq li aatin a'in re laj Sedesías:

Jeremías 34:21

Tinq'axtesi ajwi' laj Sedesías, li awab'ej re Judá, ut eb' li xjolomileb' li tenamit sa' ruq'eb' li te'ajoq xkamsinkileb', sa' ruq'eb' li xsoldaad li awab'ej re Babilonia, li ak xe'xkanab' eech'i'ch'i'inkil anaqwan.

Jeremías 36:29

Ut ye re laj Johakín: «Li Qaawa' xye chi jo'ka'in: Laa'at xak'at li b'otb'ookil hu ut xaye: K'a'ut naq xatz'iib'a sa' li hu naq relik chi yaal li awab'ej re Babilonia tolxjuk'i li tenamit a'in, ut maajun chik poyanam chi moko xul taakanaaq chisa'?

Jeremías 37:4

Chiruheb' li kutan a'an laj Jeremías toj sa nab'eek sa' xyanqeb' li poyanam, xb'aan naq maji' nak'ehe'k sa' tz'alam.

Jeremías 38:3

Xyehom ajwi' li Qaawa': «Relik chi yaal naq li tenamit a'in taaq'axtesimanq sa' ruq'eb' laj puub' li wankeb' rub'el xwankil li awab'ej re Babilonia, ut taa'eechaniiq chi maak'a' chik xramb'al»”.

Jeremías 38:18

Ab'an wi ink'a' taaq'axtesi aawib' sa' ruq'eb', li tenamit a'in taa'eechaniiq xb'aaneb' laj Kaldeha ut taak'atmanq; ut laa'at ink'a' ajwi' tatkole'q sa' ruq'eb'»”.

Lamentaciones 1:14

Li Qaawa' xch'utub' ru chixjunileb' linmaak sa' inb'een, kama' najit'mank junaq iiq chinkux. Maak'a' chik inmetz'ew ut ink'a' chik ninkuy. Li Qaawa' xq'axtesink we sa' ruq'eb' a'an, ut ink'a' ninkuy xsumenkileb'.