Jeremías 32:29 - Q'eqchi Bible

²⁹ Eb' laj Kaldeha li yookeb' chi yalok rik'in Jerusalén te'ok chisa', te'xk'e xxamlel ut taa'oso'q rochb'eeneb' li ochoch nak'atmank wi' pom chiru laj Bahal ut na'uk'mank b'iin sa' xk'ab'a'eb' li jalanil yos yal re xchiq'b'al linjosq'il.

Li Santil hu

²⁹ Eb laj Babilonia teꞌcha̱lk chi pletic saꞌ li tenamit aꞌin ut teꞌre̱chani. Teꞌxcꞌat li tenamit ut teꞌxcꞌat ajcuiꞌ eb li cab li queꞌxlokꞌoni cuiꞌ lix dios Baal nak queꞌxcꞌat lix pomeb chiru. Ut queꞌxhoy li vino chiruheb li jalanil dios. Joꞌcan nak queꞌxchikꞌ injoskꞌil.

Jeremías 32:29 ပူးပေါင်းရင်းမြစ်များ

Jeremías 21:10

Xb'aan naq xink'uub' xrahob'tesinkil li tenamit a'in ut ink'a' chik nawaj rusilankil. Tinq'axtesi sa' ruq' li awab'ej re Babilonia, ut a'an taak'atoq re -chan li Qaawa'-.

Jeremías 19:13

Chixjunileb' li ochoch re Jerusalén, li rochocheb' li awab'ej re Judá ut eb' li kab'l xe'mayejak wi' k'ajpom chiru chixjunileb' li chahim ut xe'mayejak b'iin chiruheb' li jalanil yos, te'kanaaq chi muxb'il ruheb', jo' tz'aqal Tófet»”.

Jeremías 52:13

Kixk'at li rochoch li Qaawa', li rochoch li awab'ej ut chixjunileb' li ochoch wankeb' Jerusalén.

2 Crónicas 36:19

Ke'xk'at ajwi' li rochoch li Qaawa', ke'xjuk' li xsuttz'akil Jerusalén, ke'xk'e xxamlel li xninqaleb' ru ochoch ut ke'xputz'i chixjunil li k'a'aq re ru jwal loq'.

Jeremías 44:25

Li Nimajwal Yos, li xYos laj Israel, naxye chi jo'ka'in: «Laa'ex ut eb' leerixaqil xeye rik'in xtz'uumal eere, ut rik'in leeruq' xeb'aanu li k'aru xeye: Tento tqab'aanu chi tz'aqal re ru li qayeechi'om naq toomayejanq k'ajpom ut b'iin chiru li xNa' li choxa, chankex. Us b'i', paab'omaq leeyeechi'om ut b'aanuhomaq chi junpaat!

Jeremías 39:8

Eb' laj Kaldeha ke'xk'at li rochoch li awab'ej jo' ajwi' li rochocheb' li poyanam, ut ke'xjuk' li xsuttz'akil Jerusalén;

Jeremías 7:18

Eb' li alal k'ajolb'ej neke'k'amok chaq li si', eb' li yuwa'b'ej neke'tz'ab'ok li xam ut eb' li ixaqilb'ej neke'k'uub'ank re li k'uluj re xmayejankil chiru li jalanil yos, a' li xNa' li choxa neke'xye re. Neke'xchiq' ajwi' injosq'il naq neke'uk'ak sa' xk'ab'a'eb' li jalanil yos.

San Mateo 22:7

“K'ajo' naq kijosq'o'k li awab'ej, ut kixtaqlaheb' laj puub' chi xsachb'aleb' laj kamsinel a'an ut xk'atb'al li xtenamiteb'.

Lamentaciones 4:11

Xnumtaak xjosq'il li Qaawa' sa' xb'een li ruuchich'och'; ut xtaqla chaq jun li xam sa' xb'een Sión toj reetal x'oso'k li rub'elankil li tenamit.

Jeremías 17:27

Ab'anan wi ink'a' nikineepaab' re xsantob'resinkil li xwuq li kutan, ut nekeroksi leeriiq sa' li tenamit Jerusalén sa' li kutan a'an, laa'in tink'e chi k'ate'k eb' li rokeb'aal li tenamit; ut li xam a'an tixk'at eb' li xchaq'alil ru ochoch re Jerusalén, ut maajun chik taaruuq chi chupuk re»”.

2 Reyes 25:9

Kixk'at li rochoch li Yos, li rochoch li awab'ej ut chixjunileb' li ochoch wankeb' Jerusalén; kixk'ateb' ajwi' li rochocheb' li xninqaleb' ru winq.

Hechos 10:9

Sa' li kutan jun chik, naq eb' a'an yookeb' chi xik, ak nach' chik rik'in li tenamit, laj Pedro kitaqe'k sa' xb'een li kab'l chi tijok wa'leb' tana re li kutan.

Hebreos 3:16

Aniheb' li ke'ab'ink re ut ke'q'etok li aatin? Ma ink'a' tab'i' chixjunileb' li ke'elk chaq Ejiipt chirix laj Moisés?

Nehemías 8:16

Toja' naq koheb' li poyanam ut ke'xk'am chaq ruq'eb' li che' re xyiib'ankil li xkok' muheb'aaleb': wan ke'xyiib' sa' xtaqeq'il li ochoch, wan sa' li neb'aal; wankeb' ajwi' ke'xyiib' sa' li neb'aal re li rochoch li Yos jo' ajwi' chiru li Okeb'aal reheb' laj b'eelahom ha'; wankeb' chik ke'xyiib' li kok' muheb'aal chiru li Okeb'aal re laj Efraín.

Jeremías 11:17

Li Nimajwal Yos, li ki'awok aawe, kixteneb' jun nimla rahilal sa' aab'een, xb'aan li xmaa'usilaleb' laj Israel ut eb' laj Judá: ke'xchiq' xjosq'il xb'aan naq ke'mayejak k'ajpom chiruheb' laj Bahal.

Jeremías 32:3

Laj Sedesías, li awab'ej, a'an kitaqlank xb'ak'b'al xb'aan xyeeb'al li aatin a'in: “Xyehom li Qaawa': «Li tenamit a'in taaq'axtesimanq sa' ruq' li awab'ej re Babilonia, ut taa'eechaniiq xb'aan;

Jeremías 34:2

“Laa'in, li Qaawa' ut xYos laj Israel, nakatintaqla chi xyeeb'al re laj Sedesías, awab'ej re Judá: «Jo'ka'in xye li Qaawa': Laa'in tinq'axtesi li tenamit a'in sa' ruq' li awab'ej re Babilonia re naq tixk'at.

Isaías 22:1

Resilal li rahilal chaalel sa' xb'een li xTaq'ahil li Moy u. K'aru xek'ul chejunilex anaqwan naq xextaqje'k sa' xb'eeneb' li ochoch,

Jeremías 7:17

Ma ink'a' nakak'e reetal li neke'xb'aanu sa'eb' li tenamit sa' xteepal Judá ut sa'eb' li b'e re Jerusalén?

Jeremías 30:14

Xate'xtz'eq chirix xch'ooleb' eb' li neke'rahink aawu, maak'a' chik nakate'raj wi'. Xb'aan naq xatintiq' jo' naxb'aanu li xik' na'ilok, jo' naxb'aanu li josq' aj winq; xatinrahob'tesi xb'aan xk'ihal laamaak: k'ajo' li maa'usilal xab'aanu!

Jeremías 52:12

Sa' li lajeeb' xb'e li ro' po re li xb'eleelaju chihab' rokik laj Nabukodonosor chi awab'ejink sa' xb'een Babilonia, laj Nabusaradán, aj k'anjel chiru li awab'ej ut xjolomileb' laj k'aak'alenel, kiwulak Jerusalén.

Ezequiel 23:47

Kamsiiqeb' chi pek xb'aaneb' li k'iila tenamit ut xpaynumiiqeb' chi ch'iich'; che'kamsimanq li ralal xk'ajoleb' ut che'k'ate'q li rochocheb'.