Jeremías 32:24 - Q'eqchi Bible

²⁴ «K'e reetal naq eb' li taqleb'aal yiib'anb'ileb' xb'aaneb' laj Kaldeha yo chi wulak sa' li tenamit; ut xb'aan li raaxiik', li we'ej ut li raxkamk taa'eechaniiq Jerusalén xb'aaneb' li xik' neke'ilok qe. At Qaawa', yo chi k'ulmank anaqwan li kaye chaq junxil, ut yookat chi rilb'al rik'in laawu.

Li Santil hu

²⁴ Qꞌue retal chanru nak yi̱banbil li takleba̱l re teꞌxchap cuiꞌ li tenamit. Xban li ple̱t ut xban li cueꞌej ut li caki yajel li tixcꞌul li tenamit aꞌin ta̱kꞌaxtesi̱k saꞌ rukꞌeb laj Babilonia. Li cꞌaꞌru caye yo̱ chi cꞌulma̱nc anakcuan joꞌ yo̱cat chirilbal.

Jeremías 32:24 ပူးပေါင်းရင်းမြစ်များ

Jeremías 33:4

Laa'in li Qaawa', xYos laj Israel, ninye a'in chirixeb' li ochoch wankeb' Jerusalén ut chirixeb' li rochocheb' li awab'ej re Judá li te'juk'e'q. Ok re li yalok chi ch'iich' rik'ineb' laj Kaldeha li yookeb' chi xyiib'ankileb' li taqleb'aal re ok sa' li tenamit. Taanujaq chi kamenaq Jerusalén ut naab'aleb' te'tiq'e'q xb'aan xnimal linjosq'il: laa'in xinmuq wib' chiruheb' xb'aan li xk'iila maa'usilaleb' xe'xb'aanu.

Jeremías 32:36

“Laa'in li Qaawa', li xYos laj Israel, jo'ka'in ninye chirix li tenamit a'in, li xaye laa'at naq taaq'axtesiiq sa' ruq' li awab'ej re Babilonia xb'aan li raaxiik', li we'ej ut li raxkamk:

Deuteronomio 4:26

ch'olch'o ru naq tex'oso'q sa' junpaat sa' li na'ajej toxeereechani naq teeq'ax li nima' Jordán: li choxa ut li ruuchich'och' te'xch'olob' leemaak. Moko najt ta texwanq aran xb'aan naq texsache'q chi junajwa.

Zacarías 1:6

Li waatin ut eb' linchaq'rab' li kinye chi xtz'uumal reheb' li propeet laj k'anjeleb' chiwu, ma ink'a' tab'i' ke'rab'i leemama' leerixa'an? Ut eb' a'an ke'xyot' xch'ool ut ke'xjal xk'a'uxl ut ke'xye: Li Nimajwal Yos xb'aanu qe jo' x'alaak sa' xch'ool, jo' chanru li qayehom ut qab'aanuhom»”.

Ezequiel 21:22

Sa' xnim uq' x'elk li simaj li naxjayali Jerusalén, a'an reetalil naq taaxik chi xsachb'al: tixsut rix li tenamit, tixtuub' li xtaqleb'aal chi xsutam, tixk'eheb' xk'anjelob'aal chireheb' li okeb'aal ut tixjap re chi xyeeb'al resil li kamsink tiklaak re.

Ezequiel 14:21

“Laa'in, li Qaawa', ninye chi jo'ka'in: Q'axal ra wi' chik cho'q reheb' laj Jerusalén naq tintaqla sa' xb'eeneb' li kaahib' chi rahilal jwal xiwajel: li raaxiik', li we'ej, eb' li josq' aj xul ut li raxkamk, ut tink'eheb' chi kamk li winq jo'wi' eb' li xul.

Jeremías 32:3

Laj Sedesías, li awab'ej, a'an kitaqlank xb'ak'b'al xb'aan xyeeb'al li aatin a'in: “Xyehom li Qaawa': «Li tenamit a'in taaq'axtesimanq sa' ruq' li awab'ej re Babilonia, ut taa'eechaniiq xb'aan;

San Mateo 24:35

Li choxa ut li ruuchich'och' te'oso'q, a'ut li waatin ink'a' taanume'q.

Jeremías 52:6

Sa' li b'eleeb' xb'e li xka po re li chihab' a'an kinumtaak li we'ej sa' li tenamit ut tik maak'a' chik wa cho'q reheb' li poyanam.

Jeremías 32:25

Wi li tenamit ok re chi eechaniik xb'aaneb' laj Kaldeha, k'a'ut naq xaye we: Loq' li ch'och' a'an rik'in plaat ut sik'eb' aatestiiw?»”.

Jeremías 24:10

Tintaqla sa' xb'eeneb' li raaxiik', li we'ej ut li raxkamk, toj reetal te'oso'q sa' li na'ajej ink'ehom reheb' a'an ut reheb' li xxe'toonil yuwa'”.

Jeremías 16:4

te'kamq xb'aan li xiwajel yajel, ut maajun taayaab'aq chirixeb' chi moko te'muqe'q. Neke'jilixink chiru ch'och' te'kanaaq jo'kaqeb' li k'ot. Li raaxiik' ut li we'ej taakamsinq reheb'; te'lowe'q xb'aaneb' li so'sol ut eb' li josq' aj xul”.

2 Samuel 20:15

Naq eb' laj Johab ke'wulak Abel-Bet-Mahaká, ke'xtach'ab' ch'och' li nawulak toj wan wi' li suttz'ak, chiru li tenamit, ut chixjunileb' ke'xtikib' b'ekok re xt'anb'al li suttz'ak.

Isaías 37:33

Xyehom li Qaawa' chirix li awab'ej re Asiria: «Ink'a' taa'ok sa' li tenamit a'in, ink'a' tixkut junaq ral simaj; ink'a' taaxik sa' li tenamit chi wanq xkolb'al rib', chi moko tixyiib' xtaqleb'aal re taa'ok sa' li tenamit.

Jeremías 6:6

A'an a'in li kixye li Qaawa', li Nimajwal Yos, reheb' li awab'ej a'an: “Yok'omaq eb' li che' ut yiib'omaq eetaqleb'aal re naq tex'ok chi yalok rik'ineb' laj Jerusalén. Li tenamit xteneb'aak li rahilal sa' xb'een, xb'aan naq numtajenaq li rahob'tesink aran.

Jeremías 20:5

Tinq'axtesi ajwi' chixjunil li xb'ihomal Jerusalén, jo'ch'inal jo'nimal terto xtz'aq ut chixjunil li xsahil eechej eb' li awab'ej re Judá, sa' ruq'eb' li xik' neke'ilok reheb' re naq te'k'ame'q Babilonia.

Jeremías 29:17

«Laa'in, li Nimajwal Yos, ninye eere: Tintaqla chaq li raaxiik', li we'ej ut li raxkamk sa' eeb'een, ut texinkanab' jo'qeb' li q'eenaq iig, li ink'a' chik naru xtzekankil xb'aan xq'eenaqil.

Jeremías 29:18

Texinrahob'tesi rik'in li raaxiik', li we'ej ut li raxkamk, ut q'axal xiwajel texkanaaq cho'q reheb' chixjunil li tenamit; texmajewaaq, texse'eeq, tex'eetz'uuq ut xutaanalaqex yalaq b'ar xexincha'cha'i.

Jeremías 32:5

Laj Nabukodonosor tixk'am laj Sedesías toj Babilonia, b'arwi' twanq toja' re naq laa'in tinraqoq aatin sa' xb'een. Us ta laa'ex texyaloq rik'ineb' laj Kaldeha, moko us ta tex'elq», chan li Qaawa'”.

Jeremías 32:28

Jo'kan naq ninye aawe: Tink'e li tenamit a'in sa' ruq' laj Nabukodonosor, li awab'ej re Babilonia, ut sa' ruq'eb' laj Kaldeha.

Jeremías 34:17

Jo'kan naq laa'in, li Qaawa', ninye chi jo'ka'in: Laa'ex ink'a' xineepaab' ut ink'a' xekanab' chi ach'ab'anb'il leeras eeriitz'in; jo'kan naq laa'in tinkanab' chi chalk sa' eeb'een li raaxiik', li we'ej ut li raxkamk, re naq te'ok xxiw chixjunileb' li tenamit sa' ruuchich'och' chi rilb'al leerahilal.

Jeremías 52:4

Ak b'eleeb' chihab' chik rokik chi awab'ejink laj Sedesías, sa' li lajeeb' xb'e li xlaje po re li chihab' a'an, naq kichalk laj Nabukodonosor, li awab'ej re Babilonia, rochb'een chaq chixjunileb' laj puub', chi yalok rik'in Jerusalén. Ke'xk'ojob' li xmuheb'aaleb' ut ke'xsut rix li tenamit rik'in k'iila taqleb'aal re te'ok chisa'.

Ezequiel 26:8

Eb' laak'aleb'aal li wankeb' chaq chi ch'och'el te'oso'q rik'in q'esnal ch'iich'. Laj Nabukodonosor tixsut rix laatenamit ut tixtuub' li ch'och' re taqe'k sa' xb'een ut tixtaqlaheb' k'iila aj puub' sa' aab'een.

Habacuc 1:10

Neke'reetz'u eb' li awab'ej ut neke'xse'e li xninqaleb' ru winq. Maak'a' na'ok wi' eb' li kawub'resinb'il ochoch chiruheb', xb'aan naq neke'xtuub' li ch'och' cho'q xtaqleb'aaleb' ut neke'reechani eb' li tenamit.

Ezequiel 4:2

Chirix a'an taasut rix rik'in reetalileb' laj puub', tz'iib'a reetalil eb' li taqleb'aal, eb' li tz'ak ut eb' li k'anjelob'aal re ok sa' li tenamit; k'e reetalil xmuheb'aaleb' li xik' neke'ilok re, chi xsutam, re naq taak'utunq naq sutsu rix Jerusalén.

Ezequiel 21:27

Chixjunil taajuk'manq ut taapuk'imanq; rahilal, nimla rahilal, a'an li tinb'aanu. Chixjunil a'in taak'ulmanq naq taachalq li x'awab'ej Babilonia: sa' xb'een a'an teneb'anb'il li raqok aatin sa' ink'ab'a'.