Jeremías 32:22 - Q'eqchi Bible

²² Kak'e li ch'och' a'in li k'ajo' xq'emal reheb' laj Israel, jo' chanru kayeechi'i chaq reheb' li xna' xyuwa'eb'.

Li Santil hu

²² Caqꞌue li naꞌajej aꞌin reheb joꞌ caye reheb lix xeꞌto̱nil yucuaꞌ nak ta̱ba̱nu. Caqꞌue li naꞌajej reheb li na-el cuiꞌ chi us li sahil echej.

Jeremías 32:22 ပူးပေါင်းရင်းမြစ်များ

Éxodo 13:5

Ut naq li Qaawa' toxatroksi sa' li xch'och'eb' laj Kanahán, laj Hit, laj Amor, laj Jib ut laj Jebús, a' li xq'emal ch'och' kixyeechi'i chaq rik'in jurament reheb' laana' laayuwa', jo'ka'in naq taaninq'ehi sa' li po a'in.

Éxodo 3:8

Jo'kan naq xinkub'e chaq chi xkolb'aleb' sa' ruq'eb' laj Ejiipt, chi risinkileb' sa' li na'ajej a'an ut chi xk'amb'aleb' sa' jun li ch'och' chaab'il ut yamyo, sa' jun li ch'och' k'ajo' xq'emal, sa' xna'ajeb' laj Kanahán, laj Hit, laj Amor, laj Perés, laj Jib ut laj Jebús.

Jeremías 11:5

Wi tex'ab'inq chiwu, laa'in tinb'aanu li kinye sa' jurament reheb' leena' leeyuwa' ut texink'e chi wank sa' xq'emal li ch'och', jo' wankex wi' anaqwan”. Ut laa'in kinsume: “Jo'kan taxaq, at Qaawa'”, chankin.

Deuteronomio 1:8

Ilomaq: laa'in xinq'axtesi li ch'och' a'an sa' eeruq'. Ayuqex ut eechaniiq li na'ajej li kixyeechi'i li Qaawa' sa' jurament reheb' leexe'toonil yuwa' laj Abrahán, laj Isahak ut laj Jakob, jo'wi' reheb' li ralal xk'ajoleb'», chan li Qaawa'.

Éxodo 3:17

Ninye li waatin naq texwisi sa' li rahilal yookex chi xk'ulb'al Ejiipt ut texink'am sa' xch'och'eb' laj Kanahán, laj Hit, laj Amor, laj Perés, laj Jib ut laj Jebús, sa' jun li ch'och' k'ajo' xq'emal».

Ezequiel 20:15

«Sa' ajwi' li chaqich'och' kinye injurament naq ink'a' te'ok sa' li na'ajej insik'om cho'q reheb', a' li xq'emal li ch'och' ut jwal chaab'il sa' xyanqeb' chixjunileb' li na'ajej.

Ezequiel 20:6

Sa' li kutan a'an kinye injurament naq te'wisi sa' li tenamit Ejiipt ut tink'ameb' sa' jun li na'ajej insik'om chaq cho'q reheb', jun xq'emal ch'och' b'arwi' sa li wank, ut q'axal chik chaab'il chiru chixjunileb' li na'ajej sa' li ruuchich'och'.

Nehemías 9:15

Kataqla chaq li choxahil wa re naq ink'a' chik te'tz'okaaq, ut naq kichaqik reheb', kak'e chi yo'laak li ha' sa' li saqoonak. Chirix chik a'an kaye reheb' naq toxe'reechani li ch'och' kayeechi'i reheb'.

Josué 21:43

Li Qaawa' kixk'e reheb' laj Israel chixjunil li ch'och' li kixyeechi'i sa' jurament reheb' li xna' xyuwa'eb'. Ke'reechani ut ke'na'ajunk aran.

Josué 1:6

Kaw xaqxooqat sa' laak'anjel ut matxiwak, xb'aan naq laa'at tatjek'oq re li ch'och' cho'q re li tenamit a'in, a' li ch'och' kinyeechi'i sa' jurament reheb' li xxe'toonil yuwa'eb'.

Deuteronomio 8:1

“Chepaab' chixjunil li chaq'rab' xinye eere sa' li kutan a'in, re naq taawanq eeyu'am, texk'ihanq ut toxeereechani li ch'och' kixyeechi'i li Qaawa' reheb' leena' leeyuwa'.

Deuteronomio 7:13

Tatxra, tatrosob'tesi, tatnaab'alob'resi, trosob'tesiheb' laawalal aak'ajol ut laawawimq: laawixim, laawuk'a', laa'aseeyt, eb' li ral laawakax, eb' li ral laakarneer, sa' li ch'och' kixyeechi'i reheb' laana' laayuwa' cho'q aawe laa'at.

Deuteronomio 6:23

A'ut laa'o koorisi chaq aran re qak'amb'al sa' li ch'och' xyeechi'om reheb' li qana' qayuwa'.

Deuteronomio 6:18

B'aanuhomaq li tiikilal ut li us chiru li Qaawa' re naq sahaq sa' leech'ool ut toxeereechani li chaab'il ch'och' li kixyeechi'i li Qaawa' reheb' leena' leeyuwa',

Deuteronomio 6:10

“Naq akaq xatroksi li Qaawa' laaYos sa' li ch'och' kixyeechi'i reheb' laaxe'toonil yuwa', a' laj Abrahán, laj Isahak ut laj Jakob, misachk sa' aach'ool li Qaawa'. A'an tixk'e aawe xninqal ut xsahilal ru tenamit ink'a' k'ojob'anb'ileb' aab'aan;

Deuteronomio 1:35

«Maajun reheb' li winq a'in li ink'a' useb' te'ril li chaab'il ch'och' li kinyeechi'i xk'eeb'al reheb' leena' eeyuwa'.

Números 14:30

Relik chi yaal naq maajun taa'ok sa' li na'ajej li kinyeechi'i eere sa' jurament. Ka'ajeb' wi' laj Kaleb, ralal laj Jefuné, ut laj Josué, ralal laj Nun.

Números 14:16

«Li Qaawa' ink'a' xruuk roksinkil li tenamit a'in sa' li ch'och' kixyeechi'i reheb' sa' jurament. Jo'kan naq xkamsiheb' sa' li chaqich'och'», cha'qeb'.

Génesis 50:24

Sa' jun kutan laj José kixye reheb' li ras: “Kamk we, ab'anan ch'olch'o naq li Yos tulextenq'a ut texrisi sa' li tenamit a'in, re texxik sa' li ch'och' kixyeechi'i rik'in jurament re laj Abrahán, laj Isahak ut laj Jakob”.

Génesis 24:7

Li Qaawa', li xYos li choxa, li ki'isink chaq we sa' rochoch linyuwa' ut sa' lintenamit, kinraatina ut kixye we rik'in jurament: «A'eb' laawalal tink'e wi' li na'ajej a'in». Ut a'an tixtaqla li x'ánjel k'amolb'ehaq chawu re naq aran taak'am chaq rixaqil li walal.

Génesis 13:15

Chixjunil li ch'och' li yookat chi rilb'al tink'e aawe ut reheb' laawalal aak'ajol chi junajwa.