Jeremías 32:2 - Q'eqchi Bible

² Sa'eb' li kutan a'an, sutsu Jerusalén xb'aaneb' li xsoldaad li awab'ej re Babilonia, ut laj Jeremías b'ak'b'o chiru xneb'aalil li rochocheb' laj k'aak'alenel re li awab'ej re Judá.

Li Santil hu

² Lix soldado laj Nabucodonosor yo̱queb chi pletic riqꞌuineb laj Jerusalén. Ut laj Jeremías cuan chi pre̱xil saꞌ li neba̱l re li cab li nequeꞌcuan cuiꞌ eb li nequeꞌcꞌacꞌalen re lix palacio lix reyeb laj Judá.

Jeremías 32:2 ပူးပေါင်းရင်းမြစ်များ

Jeremías 37:21

Toja' naq laj Sedesías, li awab'ej, kixye naq laj Jeremías taakanaaq sa' tz'alam, chiru xneb'aalil li rochocheb' laj k'aak'alenel, ut chik'eemanq junaq xwa rajlal kutan, xkomon eb' li neke'yiib'aak sa' li B'e reheb' laj yiib'ahom wa. Ut a'an tz'aqal ki'uxmank toj reetal kilajk li wa sa' li tenamit. Jo'ka'in naq kikanaak laj Jeremías chi tz'apam, chiru li xneb'aalil li rochocheb' laj k'aak'alenel.

Nehemías 3:25

Chirix chik a'an kitz'akab'k laj Palal, ralal laj Usay, sa' xka'yab'aal li xuk ut li najt xteramil kab'l li wank sa' xb'een li rochoch li awab'ej, nach' rik'in xneb'aalil li tz'alam. Chirix chik a'an laj Pedaías, ralal laj Parós, kitz'akab'k

Jeremías 38:6

Tikto eb' a'an ke'xchap laj Jeremías ut ke'xk'e sa' li xjulel xha' laj Malkías, ralal li awab'ej, li wank chiru xneb'aalil li rochocheb' laj k'aak'alenel. Ke'xkub'si laj Jeremías rik'in k'aam sa' li xjulel li ha'. Aran maak'a' chik ha', junes sulul aj chik wank chisa'; jo'kan naq laj Jeremías kisob'e'k sa' li sulul.

Jeremías 33:1

Li Qaawa' kiraatina wi' chik laj Jeremías naq toj wan chaq sa' tz'alam chiru xneb'aalil li rochocheb' laj k'aak'alenel re li awab'ej, ut kixye re:

Jeremías 32:8

Ut relik chi yaal naq laj Janamel, li ralal li wikan, xk'ulunk wik'in, jo' ak xyehom we li Qaawa'; xolinraatina chiru xneb'aalil li rochocheb' laj k'aak'alenel re li awab'ej ut xyeechi'i we li xna'aj li wank Anatot, sa' xteepal Benjamín, xb'aan naq ink'ulub' xloq'b'al ut reechaninkil. Toja' naq xintaw ru naq a'an xtaqlahom li Qaawa',

San Mateo 5:12

Chexsaho'q, chiwanq xnimla sahil eech'ool, xb'aan naq leeq'ajkamunkil nimaq sa' choxa. Jo'kan ajwi' naq ke'rahob'tesiik eb' li propeet li ke'wank chaq junxil cheru laa'ex.

Jeremías 36:5

Chirix chik a'an laj Jeremías kixye re laj Baruk chi jo'ka'in: “Jo' yookat chi rilb'al, b'ak'b'ookin ut ink'a' ninru chi xik sa' rochoch li Qaawa'.

Jeremías 32:3

Laj Sedesías, li awab'ej, a'an kitaqlank xb'ak'b'al xb'aan xyeeb'al li aatin a'in: “Xyehom li Qaawa': «Li tenamit a'in taaq'axtesimanq sa' ruq' li awab'ej re Babilonia, ut taa'eechaniiq xb'aan;

Salmos 88:8

K'ajo' xnimal laajosq'il sa' inb'een: chanchan naq nakakut sa' inb'een chixjunileb' li xkaw oq li palaw!

Jeremías 34:1

Naq laj Nabukodonosor, li awab'ej re Babilonia, rochb'eeneb' laj puub' ut chixjunileb' li tenamit li wankeb' rub'el xwankil sa' ruuchich'och', yookeb' chi yalok rik'ineb' laj Jerusalén ut rik'ineb' chixjunil li tenamit wankeb' chi xsutam, li Qaawa' ki'aatinak rik'in laj Jeremías ut kixye re:

Jeremías 37:4

Chiruheb' li kutan a'an laj Jeremías toj sa nab'eek sa' xyanqeb' li poyanam, xb'aan naq maji' nak'ehe'k sa' tz'alam.

Jeremías 38:13

Toja' naq eb' li winq ke'risi chaq li propeet chi kelonb'il ut ke'xkanab' chiru xneb'aalil li rochocheb' laj k'aak'alenel.

2 Reyes 25:1

Lajeeb' kutan xtiklajik li xlaje po re li xb'ele chihab' rokik chi awab'ejink laj Sedesías, kichalk laj Nabukodonosor, awab'ej re Babilonia, rochb'een chixjunileb' laj puub' re yalok rik'ineb' laj Jerusalén. Ke'xyiib' li xmuheb'aaleb' sa' xka'yab'aal li tenamit ut ke'xsut rix rik'in k'iila t'anleb'aal.

Jeremías 37:15

Ut eb' a'an k'ajo' naq ke'josq'o'k rik'in laj Jeremías: ke'xrapi chi tz'uum ut ke'xtz'ap sa' tz'alam, sa' rochoch laj Jonatán, laj tz'iib'.