Jeremías 32:19 - Q'eqchi Bible

¹⁹ Sachb'ach'oolej rilb'al laak'anjel ut q'axal nim laawankil chi xb'aanunkil. Kutan saqenk chawu chixjunil li xb'aanuhomeb' li poyanam, re xq'ajkamunkil li junjunq jo' chanru xk'ulub' li xyehom ut xb'aanuhom.

Li Santil hu

¹⁹ Kꞌaxal lokꞌ li nacacꞌu̱b ru ut sachba chꞌo̱lej li nacaba̱nu riqꞌuin xnimal la̱ cuanquil. La̱at nacacuil chixjunil li nequeꞌxba̱nu li cristian. Ut nacaqꞌue xkꞌajca̱munquil li junju̱nk aꞌ ya̱l chanru lix yehom xba̱nuhom.

Jeremías 32:19 ပူးပေါင်းရင်းမြစ်များ

Jeremías 17:10

Laa'in, li Qaawa', nintz'il rix li ch'oolej ut ninnaw toj sa' xchamal li aanmej; ninq'ajkamu li junjunq a' yaal chanru li xyehom ut li xb'aanuhom”.

San Mateo 16:27

Xb'aan naq li K'ajolb'ej yooq chaq chi chalk sa' li xnimal xloq'al li xYuwa' rochb'eenaqeb' chaq li x'ánjel; toja' naq tixq'ajkamu li junjunq a' yaal chanru li xb'aanuhom.

Isaías 28:29

Jo'kan ajwi' naxb'aanu li Qaawa', li Nimajwal Yos: k'ajo' xchamal li xk'uub'ahom ut naxb'aanu chixjunil rik'in xseeb'al xk'a'uxl!

Salmos 62:12

Li Qaawa' x'aatinak, ut k'iila wa xwab'i a'in: naq re li Yos chixjunil li wankilej.

Apocalipsis 22:12

“K'e reetal, laa'in tinchalq chi seeb' ut tink'am chaq linq'ajkamuhom re xtojb'al li junjunq jo' chanru li xyehom xb'aanuhom.

Jeremías 16:17

Xb'aan naq kutan saqenk chiwu chixjunil li xb'aanuhomeb', nawil li xmaakeb' ut nink'e reetal chi us li xmaa'usilaleb'.

Li xHu LAJ JOB 34:21

Li Yos naril ut naxnaw jo'ch'inal jo'nimal naqab'aanu.

Apocalipsis 2:23

Tinq'axtesiheb' li ralal xk'ajol chi kamk. Chi jo'kan chixjunileb' li Iklees te'xnaw naq laa'in li nintz'ili li xch'ooleb' ut li xk'a'uxeb'. Tink'e eere chejunjunqal jo' chanru leeb'aanuhom.

Hebreos 4:13

Maa'ani muqmu chiru a'an, chixjunil b'an k'utk'u ut saqenk chiru li Yos li toxqaye wi' qayehom qab'aanuhom.

San Juan 5:29

ut te'elq chaq: li xe'xb'aanu li us te'wakliiq chi yo'yo re li yu'am, ut li xe'xb'aanu li ink'a' us te'wakliiq chi yo'yo re li tojb'amaak.

Jeremías 23:24

Ma naru tixmuq rib' junaq poyanam chiwu b'arwi' ink'a' twil ru laa'in? Laa'in wankin yalaq b'ar jo' sa' choxa jo' sa' ruuchich'och' -chan li Qaawa'-.

Isaías 40:13

Ani xk'ehok xna'leb' li Qaawa' malaj ani xyehok re k'aru tixb'aanu?

Isaías 9:6

Xb'aan naq jun k'uula'al xyo'laak cho'q qe ut xqamaatani jun ch'ina'al. Li wankilal wanq sa' ruq', ut tixk'ab'a'in: “Xnimal ru aj k'ehol na'leb'”, “Li Yos q'axal kaw rib'”, “Yuwa'b'ej chi junelik”, “Xnimal ru aj k'ehol tuqtuukil usilal”.

Proverbios 5:21

Li Qaawa' naril li xna'leb' li junjunq ut naxk'e reetal li xb'aanuhom.

Efesios 1:11

Sa' xk'ab'a' ajwi' li Kriist kooxaqab'aak chaq chi eechanink, sik'b'il chaq qu chi junxilaj jo' chanru ki'alaak sa' xch'ool li Yos li nab'aanunk re chixjunil, a' yaal chanru li xk'a'uxl ut li rajom,

2 Corintios 5:10

Xb'aan naq chiqajunilo tento toxqak'ut qib' sa' xraqleb'aal aatin li Kriist re naq li junjunq tixk'ul xq'ajkamunkil, a' yaal chanru li xb'aanuhom, ma us malaj ink'a' us xb'aanu naq xwank sa' ruuchich'och'.

Daniel 4:35

Chiru A'an maak'a' neke'ok wi' eb' li poyanam sa' ruuchich'och'. Naxb'aanu li k'aru naraj rik'ineb' li wankeb' sa' choxa jo' ajwi' rik'ineb' li wankeb' sa' ruuchich'och'; maajun naxkuy wank chiru ut maa'ani taapatz'oq re k'a'ut naq naxb'aanu chi jo'kan.

Eclesiastés 12:14

Sa' junaq kutan li Yos taaraqoq aatin chirix chixjunil li qab'aanuhom, us ta chi muqmu xqab'aanu. Taaraqoq aatin sa' qab'een, a' yaal ma us malaj ink'a' us xqab'aanu.

Salmos 34:15

chawisi aawib' sa' li maa'usilal ut chab'aanu li us, chasik' li tuqtuukilal ut chak'e aach'ool chirix a'an.

2 Crónicas 16:9

Xb'aan naq li Qaawa' naxb'eeni chixjunil li ruuchich'och' re xkawub'resinkil xch'ooleb' li yo'ooneb' rik'in. Aamemil xab'aanu wi' a'in. Jo'kan naq chalen anaqwan junelik wanqat sa' raaxiik'”.

1 Reyes 8:32

chawab'i laa'at toj sa' choxa. Oken ut raqon aatin sa' xb'eeneb' laj k'anjel chawu. Chach'olob' xmaak li ink'a' us xna'leb', re naq tixtoj rix li xmaakob'k wi', ut taakoleb' rix li tiikeb' xch'ool.

Éxodo 15:11

“Ma wank junaq Yos kama' laa'at, at Qaawa'? Ani sant ut nim xloq'al jo' laa'at, xiwajel xb'aan laasachb'ach'oolej, at aj b'aanuhom xninqal eetalil?

Li xHu LAJ JOB 34:11

Li Yos naxq'ajkamu li junjunq a' yaal chanru li xyehom ut xb'aanuhom; naxk'e re li junjunq jo' li xk'ulub'.

Proverbios 8:14

We li k'uub'ank ut li xb'aanunkil; laa'in laj k'ehol na'leb' ut li xyo'leb'aal li kawil ch'oolej.

Jeremías 21:14

Laa'in tinraqoq aatin sa' eeb'een jo' chanru leeyehom ut leeb'aanuhom; tinchoqle leek'iche' ut taak'atq chixjunil li wank chi xsutam. Laa'in, li Qaawa', xinyehok re a'in»”.

Daniel 2:45

A'an a'in li xyaalal li pek li xtolk'ok chaq sa' li tzuul chi maajun kitoch'ok chaq re, ut kolxputz'i li q'anch'iich' ut li seb', li ch'iich', li plaat ut li oor. “At awab'ej, jo'ka'in naq li Nimajwal Yos xk'utb'esi chawu li taak'ulmanje'q chiruheb' li kutan chaalel. Ut tz'aqal yaal li matk' a'an jo'wi' li xyaalalil”, chan laj Daniel.

Salmos 92:6

Makach'in xloq'al laak'anjel, at Qaawa', k'ajo' xchamal naxik wi' laak'a'uxl!

Salmos 111:2

Makach'in xnimal li xb'aanuhom li Qaawa'; jo'k'ihaleb' li neke'rahok re, junelik wank sa' xch'ooleb'.

Isaías 59:18

Li Qaawa' tixq'ajkamu li junjunq jo' chanru li xk'ulub': tixrahob'tesiheb' laj rahob'tesinel ut taa'eeqajunq sa' xb'eeneb' li xik' neke'ilok re, sa' xb'eeneb' ajwi' li tenamit sutsuukeb' xb'aan li palaw.

Jeremías 25:14

Xb'aan naq eb' laj Babilonia te'wanq rub'el xwankileb' li xninqal ru tenamit ut eb' li awab'ej jwal kaweb' rib'. Ut laa'in tink'eheb' chi xtojb'al rix li xmaakeb' jo' chanru li xyehom ut xb'aanuhomeb'»”.

Zacarías 9:1

A'aneb' a'in li aatin kixye li Qaawa' chirix li tenamit Hadrak ut chirix Damaask, xb'aan naq eb' laj Aram jo'wi' eb' li xteepal laj Israel, a'aneb' re li Qaawa'.