Jeremías 32:15 - Q'eqchi Bible

¹⁵ Xb'aan naq xyehom li Nimajwal Yos, li xYos laj Israel, naq sa' li na'ajej a'in taaloq'manq wi' chik ochoch, k'aleb'aal ut li xna'ajeb' li awimq».

Li Santil hu

¹⁵ Ba̱nu chi joꞌcan xban nak li Ka̱cuaꞌ li nimajcual Dios, lix Dioseb laj Israel naxye chi joꞌcaꞌin: Ta̱cuulak xkꞌehil nak ta̱lokꞌma̱nk cuiꞌchic li ochoch, li cꞌaleba̱l ut lix naꞌaj li acui̱mk uvas saꞌ li naꞌajej aꞌin, chan.

Jeremías 32:15 ပူးပေါင်းရင်းမြစ်များ

Zacarías 3:10

Naq taawulaq li kutan a'an, teech'utub' eerib' chi hilank sa' xmu li kab'l sa' tuqtuukilal, chan li Nimajwal Yos»”.

Jeremías 30:18

Li Qaawa' kixye ajwi' chi jo'ka'in: “Eb' li ralal xk'ajol laj Jakob te'sutq'iiq chaq wi' chik sa' li xmuheb'aaleb', xb'aan naq twuxtaana ru li xna'ajeb' a'an. Jerusalén taawaklesimanq wi' chik sa' xb'een li po'lem, ut li kawub'resinb'il ochoch taayiib'aaq wi' chik sa' li xna'aj tz'aqal.

Jeremías 32:37

Teb'inch'utub' chaq sa' chixjunileb' li na'ajej b'arwi' kincha'cha'iheb' xb'aan linjosq'il ut li xmay linch'ool; tink'ameb' chaq wi' chik sa' li na'ajej a'in ut te'wanq sa' tuqtuukilal.

Jeremías 31:24

Arin te'wanq eb' laj Judá ut chixjunileb' li tenamit wankeb' sa' xteepal, eb' laj k'alom ut eb' laj ilol ketomq.

Jeremías 31:12

“Te'chalje'q rik'in b'ichank sa' xb'een li tzuul Sión; jun chalikaqeb' wan wi' li xsimaatan li Qaawa', chi xyalb'al xsahil li triiw, li b'iin ut li aseeyt, ut te'k'ojlaaq xch'ool rik'in li raleb' li karneer ut li wakax. Chanchanaqeb' jun li xna'aj awimq t'aqresinb'il chi us, ut maajoq'e chik te'wiib'anq xch'ool.

Jeremías 31:5

Tat-awq wi' chik uub' sa'eb' li xtzuulul Samaria, ut eb' li te'awq uub' te'xyal ajwi' xsahil.

Isaías 44:26

Ab'an ninxaqab' xwankil li raatineb' laj k'anjel chiwu ut ninb'aanu naq us te'elq eb' lintaql. Laa'in ninye naq taatenamito'q wi' chik Jerusalén, ut ninjultika naq eb' li tenamit sa' xteepal Judá te'waklesiiq wi' chik. Laa'in tinwaklesinq reheb' sa' li xpo'lemil.

Jeremías 32:14

«Jo'ka'in xye li Nimajwal Yos, li xYos laj Israel: K'ul eb' li wiib' xhuhul li ch'och' a'in, li kaaxtinb'il ru ut li ink'a', ut k'uula sa' junaq ch'och'uk'al re naq ink'a' taaq'aaq.

Ezequiel 28:26

Aran te'wanq chi maak'a'aq chik xk'a'uxeb' ut xch'i'ch'i'inkileb'; te'kab'laq ut te'awq uub'. Sa chik te'wanq naq tinraq aatin sa' xb'eeneb' chixjunileb' li tenamit wankeb' chi xsutam ut neke'tz'eqtaanank reheb'. Toja' naq taanawmanq naq laa'in li Qaawa', li xYos laj Israel”.

Jeremías 32:25

Wi li tenamit ok re chi eechaniik xb'aaneb' laj Kaldeha, k'a'ut naq xaye we: Loq' li ch'och' a'an rik'in plaat ut sik'eb' aatestiiw?»”.