Jeremías 31:6 - Q'eqchi Bible

⁶ Xb'aan naq taawulaq xkutankil naq eb' laj ilol tenamit te'xjap reheb' chi xyeeb'al sa' xb'een xtzuulul Efraín: «Xaqlinqex ut yo'qeb' aran Sión, rik'in li Qaawa' li qaYos»”, cha'qeb'.

Li Santil hu

⁶ Ta̱cuulak xkꞌehil nak eb li yo̱queb chi cꞌacꞌale̱nc saꞌ eb li tzu̱l li cuanqueb aran Efraín teꞌxjap re chixyebal, “¡Quimkex! Toxic Sión chixlokꞌoninquil li Ka̱cuaꞌ li kaDios,” chaꞌakeb.

Jeremías 31:6 ပူးပေါင်းရင်းမြစ်များ

Jeremías 50:19

Israel taasutq'iiq chaq wi' chik sa' li xch'och', ut chanchan junaq karneer sa taatzekanq aran Karmeel ut Basán, jo'wi' sa'atqeb' li k'iche' re Efraín ut Galahad, toj reetal taak'ojlaaq xch'ool.

Oseas 9:8

Taqlanb'ilin chaq xb'aan li Yos li xinxaqab' cho'q propeet re rilb'aleb' laj Efraín. A'ut laa'ex yalaq b'ar nekeraj inra'lenkil, ut sa' ajwi' li rochoch linYos xik' nikineril.

Oseas 1:11

Toja' naq eb' laj Judá ut eb' laj Israel te'xjunaji rib'eb', te'xxaqab' jun ajwi' aj jolominel reheb' ut yalaq b'ar te'sutq'iiq chaq Jerusalén. Relik chi yaal naq q'axal nimaq li xkutankil Jisrehel!

Ezequiel 33:2

“At kaamel winq, aatinaheb' laawech tenamitul ut ye reheb': «Wi laa'in tink'am chaq li raaxiik' sa' xb'een junaq tenamit, eb' a'in te'xxaqab' junaq aj k'aak'alenel sa' xyanqeb'.

Ezequiel 3:17

“At kaamel winq, laa'in xatinxaqab' cho'q aj k'aak'alenel reheb' li ralal xk'ajol laj Israel. Naq tinye aawe jun t'orolaq li waatin, laa'at taanumsi reheb' sa' link'ab'a'.

Jeremías 6:17

Toja' naq li Qaawa' kixxaqab'eb' aj k'aak'alehom reheb' ut kixye re li tenamit: “K'ehomaq reetal naq taayaab'asiiq li pur”. A'ut li tenamit ke'xye: “Ink'a' naqaj rab'inkil”, chankeb'.

Isaías 62:6

At Jerusalén, sa' xb'eeneb' laasuttz'akil xink'eheb' aj k'aak'alenel li ink'a' te'kanaaq chi ch'anch'o chi q'eq ut chi kutan. Laa'ex li nekepatz' xk'ab'a' li Qaawa', meekanab' aatinak,

Isaías 40:9

Taqen sa' xb'een junaq tzuul najt xteram, at aj yehol esil re Sión; aatinan chi kaw xyaab' aakux ut chi maak'a'aq aaxiw, at aj yehol esil re Jerusalén. Ye reheb' li tenamit re Judá: “Arin wank leeYos”.

2 Crónicas 13:4

Toja' naq laj Abías kixxaqab' rib' sa' xb'een li tzuul Semaráhin, li wank sa' xteepal Efraín, ut kixye: “Ab'ihin, a Jerobohán ut chejunilex aj Israel!

Esdras 1:5

Toja' naq li xjolomileb' li junqkab'al aj Judá ut aj Benjamín, eb' laj tij, eb' laj Leví ut jo'k'ihaleb' ke'toch'e'k xch'ool xb'aan li Yos, ke'xchap xb'eheb' re xik Jerusalén chi xkab'lankil li rochoch li Qaawa'.

Salmos 84:5

Us xaq reheb' li neke'hilank sa' laawochoch ut neke'xnima aawu chi junelik.

Jeremías 3:14

Li Qaawa' kixye chi jo'ka'in: “Chalqex wi' chik wik'in, ex walal ink'ajol aj q'etolex aatin, xb'aan naq laa'in li Qaawa' laj eechal eere. Junjunq eere tinsik' ru sa' li junjunq chi tenamit ut ka'kab' sa' li xjunq kab'al li ralal xk'ajol laj Israel, re teb'ink'am chaq sa' li tenamit Sión.

Jeremías 31:12

“Te'chalje'q rik'in b'ichank sa' xb'een li tzuul Sión; jun chalikaqeb' wan wi' li xsimaatan li Qaawa', chi xyalb'al xsahil li triiw, li b'iin ut li aseeyt, ut te'k'ojlaaq xch'ool rik'in li raleb' li karneer ut li wakax. Chanchanaqeb' jun li xna'aj awimq t'aqresinb'il chi us, ut maajoq'e chik te'wiib'anq xch'ool.

Isaías 27:13

Sa' li kutan a'an taayaab'asiiq jun nimla pur, ut eb' li ke'xcha'cha'i rib' Asiria jo' ajwi' li ke'k'ame'k Ejiipt te'chalq chi xloq'oninkil ru li Qaawa', arin Jerusalén, sa' li santil tzuul.