Jeremías 31:5 - Q'eqchi Bible

⁵ Tat-awq wi' chik uub' sa'eb' li xtzuulul Samaria, ut eb' li te'awq uub' te'xyal ajwi' xsahil.

Li Santil hu

⁵ Te̱rau cuiꞌchic le̱ uvas saꞌ eb li tzu̱l li cuanqueb Samaria. Eb laj acuinel teꞌa̱uk ut teꞌxyal xsahil li ru li racui̱mkeb.

Jeremías 31:5 ပူးပေါင်းရင်းမြစ်များ

Amós 9:14

Toja' naq tink'ameb' chaq wi' chik lintenamit Israel sa' li xna'ajeb'. Te'xyiib' wi' chik eb' li tenamit li ke'juk'mank, ut aran te'wanq; te'awq uub' ut te'uk'aq b'iin; te'awq ut te'xtzeka li ru.

Deuteronomio 28:30

Tatsumlaaq rik'in junaq ixq ut jalan chik li winq taa'eechaninq re; taayiib' junaq ochoch ut ink'a' tatwanq chisa'; tat-awq, ab'anan ink'a' taayal xsahil ru laawawimq.

Miqueas 4:4

Ut li junjunq taahilanq sa' xmu li rochoch sa' tuqtuukilal, chi maak'a'aq xxiw. A'an a'in xyehom li Qaawa', li Nimajwal Yos.

Zacarías 3:10

Naq taawulaq li kutan a'an, teech'utub' eerib' chi hilank sa' xmu li kab'l sa' tuqtuukilal, chan li Nimajwal Yos»”.

Abdías 1:19

Eb' laj Israel li wankeb' Nejeb te'reechaniheb' li tzuul sa' xteepal Edom; ut eb' li wankeb' chiru taq'a, te'reechani li xtenamiteb' laj Filistea. Te'reechani ajwi' li xteepaleb' laj Efraín ut aj Samaria; ut eb' laj Benjamín, a'aneb' li te'eechaninq re li na'ajej Galahad.

Ezequiel 36:8

Ut laa'ex, ex xtzuulul Israel, textuxmeq ut tex'uuchinq cho'q reheb' laj Israel, lintenamit, xb'aan naq ak sutq'iik chaq reheb'.

1 Samuel 21:5

Kisumeek xb'aan laj David: “Rajlal naq nokooxik chi yalok, ink'a' nokooch'e'ok ixq. Eb' laj k'anjel chiwu xe'xra rib' naq xoo'elk, us ta li qataqlankil a'in maak'a' xloq'al. Anaqwan saq ru li xtz'ejwaleb'”.

Deuteronomio 20:6

Ani wank x'uub' ut toj maji' naxyal xsahil? Xikaq ut sutq'iiq sa' rochoch. Mare anchal taakamq sa' li yalok ut jalan chik taayaloq xsahil.

Salmos 107:37

Ke'awk sa'atqeb' li k'aleb'aal, ke'raw li uub'; ut naab'al li ru li awimq ke'xxok chaq.

Jeremías 32:15

Xb'aan naq xyehom li Nimajwal Yos, li xYos laj Israel, naq sa' li na'ajej a'in taaloq'manq wi' chik ochoch, k'aleb'aal ut li xna'ajeb' li awimq».

Ezequiel 28:26

Aran te'wanq chi maak'a'aq chik xk'a'uxeb' ut xch'i'ch'i'inkileb'; te'kab'laq ut te'awq uub'. Sa chik te'wanq naq tinraq aatin sa' xb'eeneb' chixjunileb' li tenamit wankeb' chi xsutam ut neke'tz'eqtaanank reheb'. Toja' naq taanawmanq naq laa'in li Qaawa', li xYos laj Israel”.

Miqueas 1:6

Jo'kan naq li Qaawa' xye chi jo'ka'in: “Li tenamit Samaria tinkanab' chi po'lemil, jo' junaq na'ajej re rawb'al li uub'. Chixjunileb' li xpekul li tenamit tinpaji sa'eb' li taq'a ut tinkanab' chiru iq' li rub'elankil.