Jeremías 31:34 - Q'eqchi Bible

³⁴ Ink'a' chik aajel ru naq junaq tixtij li ras riitz'in malaj li rech'alal rik'in xyeeb'al: «Chanawaq ru li Qaawa'». Xb'aan naq chixjunileb' te'nawoq wu, jo' kok' jo' ninq. Laa'in tinkuy li xmaakeb' ut ink'a' chik tjultiko'q we li xmaa'usilaleb'”, chan li Qaawa'.

Li Santil hu

³⁴ Moco tento ta nak toj teꞌxye re li ras ri̱tzꞌin “¿Ma nacanau ani li tzꞌakal Dios?” xban nak chixjunileb, joꞌ cocꞌ joꞌ ni̱nk, teꞌxnau nak la̱in li Ka̱cuaꞌ Dios. Ut la̱in tincuyeb tinsacheb lix ma̱queb ut incꞌaꞌ chic ta̱nak saꞌ inchꞌo̱l lix ma̱usilaleb, chan li Ka̱cuaꞌ.

Jeremías 31:34 ပူးပေါင်းရင်းမြစ်များ

Isaías 43:25

Ab'an laa'in xinkuy chixjunil laamaak ut ink'a' chik xink'e sa' inch'ool laamaa'usilal, xb'aan naq Yosin.

Hebreos 8:12

Laa'in tinkuy li xmaakeb' ut ink'a' chik tjultiko'q we li xmaa'usilaleb'”.

1 Juan 2:27

Ab'an toj wank eerik'in li Santil Musiq'ej li xexxsantob'resi wi' li Jesus ut ink'a' na'ajmank ru naq ani taatzoloq eere, xb'aan naq li Musiq'ej li santob'resinb'ilex wi', a'an natzolok eere chirix chixjunil, ut a'an yaal, maawa' tik'ti'. Jo'kan naq wanqex junelik rik'in li Jesus jo' chanru tzolb'ilex wi' xb'aan.

Isaías 54:13

Chixjunileb' laawalal aak'ajol te'tzole'q xb'aan li Qaawa', ut k'ajo'aq li sahilwank toxe'xtaw chixjunileb'.

Jeremías 33:8

Twisi chixjunil li xmaakeb' li xe'xb'aanu ut tinkuy chixjunil li maa'usilal xine'xtz'eqtaana wi' naq xe'xq'etq'eti rib' chiwu.

Jeremías 50:20

Chiruheb' li kutan a'an maak'a'aq chik xmaakeb' laj Israel ut laj Judá, xb'aan naq laa'in twil xtoq'ob'aal ruheb' li jo'k'ihal xe'kole'k”, chan li Qaawa'.

San Juan 6:45

Tz'iib'anb'il sa' xhuheb' li Propeet: «Tzolb'ilaqeb' chixjunileb' xb'aan li Yos». Chixjunil li na'ab'ink re li Yuwa'b'ej ut naxtzol rib' rik'in, nachalk wik'in.

1 Juan 2:20

A'ut laa'ex yulb'ilex xb'aan li Sant, a' li Kriist, ut chejunilex neketaw ru.

San Juan 17:3

A'an a'in li junelik yu'am: naq te'xnaw aawu laa'at li junat chi tz'aqal Yos ut li xataqla chaq, li Jesus a' li Kriist.

Miqueas 7:18

Maajun chik junaq Yos jo' laa'at, at Qaawa', xb'aan naq laa'at nakakuy nakasach li xmaakeb' li rela' laatenamit. Laa'at ink'a' nakatjosq'o'k chi junajwa, xb'aan naq nakara li uxtaanank.

Jeremías 24:7

Tink'e xna'leb'eb' re naq te'xnaw naq laa'in li Qaawa': a'anaqeb' lintenamit ut laa'inaq li xYoseb', xb'aan naq te'sutq'iiq chaq wik'in chi anchaleb' xch'ool.

1 Juan 5:20

Ab'an naqanaw ajwi' naq li Ralal li Yos kik'ulunk ut kixk'e qana'leb' re naq chiqanaw ru li tz'aqal Yos. Ut laa'o wanko rik'in li tz'aqal Yos, rik'in li Ralal, a' li Jesukriist. A'an a'in li tz'aqal Yos ut li junelik yu'am.

Hechos 10:43

Li Jesus a'in ke'xch'olob' xyaalal chixjunileb' li propeet: ke'xye naq chixjunil li taapaab'anq re tixk'ul xkuyb'al xsachb'al li xmaak sa' xk'ab'a'.

Habacuc 2:14

Ut taanawmanq ru li xnimal xloq'al li Qaawa' junsut junrub'el choxa, jo' naq nanujak li palaw rik'ineb' li k'iila ha'.

Isaías 44:22

Laa'in xinkuy laaq'etq'etil ut xinsach laamaak jo' naq nasachk li choql ut li mayuus. Sutq'in chaq wik'in xb'aan naq laa'in xinkolok aawe.

Hebreos 5:12

Laa'ex aj tzolonelex raj chik anaqwan xb'aan naq ak k'iila kutan chik eerokik; ab'an aajel ru naq toj taak'ute'q wi' chik cheru li na'leb' xetzol sa' xtiklajik chirix li Raatin li Yos; toj tento taak'eemanq eere li q'unil tzekemq ut ink'a' li kawil tzekemq.

1 Ts 4:9

Chirix li rahok ib' ink'a' na'ajmank ru naq tintz'iib'aq eerik'in xb'aan naq ak tzolb'ilex xb'aan li Yos chi xraab'al eerib' cherib'il eerib'.

Efesios 1:7

Sa' xk'ab'a' A'an wank qakolb'al xb'aan li xkik'el, wank xkuyb'al xsachb'al qamaak, sa' xk'ab'a' li xnimal rusilal

2 Corintios 4:6

Xb'aan naq li Yos li kiyehok: “Chilemtz'unq li saqenk sa' li aak'ab'”, a'an ajwi' xk'ehok chi lemtz'unk li saqenk sa' li qach'ool re naq taakutano'q li xloq'al li Yos li nalemtz'unk sa' xnaq' ru li Kriist.

Isaías 11:9

Sa' chixjunil linsantil tzuul maajun taab'aanunq maa'usilal malaj taarahob'tesinq ras riitz'in, xb'aan naq chixjunileb' te'xnaw chik ru li Qaawa'. Jo' naq li ha' naxtamresi li palaw, jo'kan ajwi' li xraab'al li Qaawa' tixnujob'resi chixjunil li ruuchich'och'.

2 Corintios 2:10

Ut li teekuy xmaak laa'ex, tinkuy ajwi' xmaak laa'in. Xb'aan naq, wi wank junaq xinkuy xmaak laa'in, eeraab'al laa'ex naq xinb'aanu, sa' xk'ab'a' li Kriist,

San Mateo 11:27

“Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil.

Isaías 33:24

Maajun chik sa' qayanq tixye: “Yajin”, ut li Qaawa' tixkuy xmaakeb' li wankeb' sa' li tenamit Sión.

Isaías 30:26

Toja' naq li xsaqenkil li po taalemtz'uno'q jo' li saq'e tuqtu wa'leb', ut li xsaqenkil li saq'e taalemtz'uno'q wuqub' sut chik jo' xsaqenkil li wuqub' kutan, naq li Qaawa' tixk'irtasi ut tixlan li xtiq'ilal li xtenamit.

1 Crónicas 28:9

Ut laa'at Salomón, at walal, chanaw ru li xYos laayuwa' ut tatk'anjelaq chiru chi chaab'il ut chi anchal aach'ool, xb'aan naq li Qaawa' nalajxtz'ili li xch'ool chixjunileb' ut ch'olch'o chiru li xk'a'uxl ut xna'leb' li junjunq. Wi laa'at taasik' li Yos, a'an tixk'ut rib' chawu; ab'an wi taatz'eqtaana, a'an tatxtz'eqtaana ajwi' laa'at chi junajwa.

1 Samuel 2:12

Eb' li ralal laj Elí ink'a' useb' xna'leb' ut ink'a' neke'xk'e xloq'al li Qaawa',

San Juan 17:6

“Xink'ut anihat laa'at chiruheb' li winq li xawisiheb' sa' ruuchich'och' ut xak'eheb' we. Aaweheb' naq xe'wank ut xak'eheb' we, ut xe'xk'uula laawaatin sa' xch'ooleb'.

San Lucas 1:77

chi xyeeb'al resil li kolb'a ib' re li xtenamit, a' li xkuyb'al xsachb'aleb' li xmaak.

Hebreos 8:11

Ink'a' chik aajel ru naq junaq tixtij li rech tenamitul malaj li rech'alal rik'in xyeeb'al: «Chanawaq ru li Qaawa'!». Xb'aan naq chixjunileb' te'nawoq wu, jo' kok' jo' ninq.

Isaías 38:17

Linrahilal xsutq'iik chaq chi sahil wank, xb'aan naq xakol li waanm chiru li kamk ut xawiiqa chixjunil linmaak.

Jeremías 32:40

Tink'ojob' jun Sumwank rik'ineb', li wanq xwankil chi junelik: laa'in ninye li waatin naq junelik twusila ruheb', ut tink'e sa' xch'ooleb' naq te'roxloq'i wu ut ink'a' chik te'xnajtob'resi rib' wik'in.

Oseas 2:20

Tatink'am wik'in rik'in chaab'ilal ut aran taanaw naq laa'in li Qaawa' laaYos.

Salmos 25:7

Ink'a' taxaq chiwanq linmaak sa' laawaanm jo'wi' li ink'a' us li kinb'aanu sa' linsaajilal. Chinnaq sa' aach'ool xb'aan laawuxtaan, jo' chanru xnimal laarahom, at Qaawa'.

Isaías 29:24

Eb' li sachalkeb' xna'leb', te'xtaw ru, ut eb' laj wech'onel te'xtzol li xtijb'aleb'”.

Isaías 33:6

ut junelik nak'ehok chi wank sa' sahilal. Li choxahil na'leb' ut li chaab'il k'a'uxl a'an tz'aqal li sahil eechej nakolok; li roxloq'inkil ru li Qaawa' a'anaq laab'ihomal.

Isaías 52:6

Ab'anan taawulaq xkutankil naq lintenamit te'xnaw tz'aqal link'ab'a' ut te'xtaw xyaalal naq laa'in xin'aatinak rik'ineb', ut we'kin arin!”.

Jeremías 9:23

Jo'ka'in kixye li Qaawa': “Mixk'e xloq'al xjunes rib' li wank xna'leb' sa' xk'ab'a' naq wank xna'leb', chi moko chixnima rib' li wank xwankil, chi moko li b'ihom sa' xk'ab'a' li xb'ihomal.

Miqueas 7:19

Chawuxtaana wi' chik qu, chamuq li qamaa'usilal ut chakut chixjunileb' li qamaak sa' xchamal li palaw.