Jeremías 31:32 - Q'eqchi Bible

³² ink'a' jo' li Sumwank kink'ojob' rik'ineb' li xna' xyuwa'eb', naq keb'inch'ilo chaq chi ruq'eb' ut kiwisiheb' chaq Ejiipt. Eb' a'an ke'xsach xwankil linSumwank, us ta laa'in laj eechal reheb' -chan li Qaawa'-.

Li Santil hu

³² Ma̱cuaꞌ joꞌ li contrato li quinba̱nu riqꞌuineb lix xeꞌto̱nil yucuaꞌ nak quebinchꞌilo chak chi rukꞌeb nak quicuisiheb chak saꞌ li tenamit Egipto. Usta la̱in chanchanin jun li be̱lomej chokꞌ reheb, abanan eb aꞌan queꞌxsach xcuanquil li contrato quinba̱nu riqꞌuineb junxil.

Jeremías 31:32 ပူးပေါင်းရင်းမြစ်များ

Deuteronomio 5:3

Ink'a' kixk'ojob' li Sumwank a'in ka'ajwi' rik'ineb' li qana' qayuwa', qik'in b'an chiqajunilo li wanko arin ut toj yo'yooko.

Deuteronomio 1:31

jo'wi' sa' li chaqich'och'. Laa'ex eerilom chaq naq li Qaawa' leeYos kexb'eres chaq chiru chixjunil leeb'eenik toj kexk'ulunk sa' li na'ajej a'in, kama' naxb'aanu junaq yuwa'b'ej naq naxq'alu li ralal», chankin eere.

Éxodo 19:5

Jo'kan b'i', wi relik chi yaal teerab'i xyaab' inkux ut teepaab' linSumwank, laa'exaq weechanihom sa' xyanq chixjunileb' li tenamit, xb'aan naq we chixjunil li ruuchich'och'.

Ezequiel 16:8

«Naq kinnume'k wi' chik chak'atq, katinka'ya: ak tz'aqalat chik chi k'ame'k. Toja' naq katinlan sa' linb'aatal re aatz'apb'al, ut kinyeechi'i wib' rik'in jurament. Kink'e wib' sa' aatin aawik'in ut katweechani -chan li Qaawa'-.

San Juan 3:29

Li ani aj ik'in wank li ixaqilb'ej a'an li b'eelomej; ut li ramiiw li b'eelomej li nawank aran ut narab'i, k'ajo' naq nasaho'k sa' xch'ool chi rab'inkil xyaab' xkux li b'eelomej. A'an a'in li xsahil inch'ool, ut ak tz'aqlojenaq chik ru.

Oseas 3:1

Li Qaawa' kixye wi' chik we: “Ayu wi' chik ut chara jun li ixq aj muxul sumlaak, jalan chik winq naxra. Jo'ka'in naq li Qaawa' naxraheb' laj Israel, us ta eb' a'in neke'xik chirixeb' li jalanil yos ut neke'xtzeka li k'uluj yiib'anb'il rik'in chaqi uub', li mayejanb'il chiruheb' li xyoseb'”.

Jeremías 3:14

Li Qaawa' kixye chi jo'ka'in: “Chalqex wi' chik wik'in, ex walal ink'ajol aj q'etolex aatin, xb'aan naq laa'in li Qaawa' laj eechal eere. Junjunq eere tinsik' ru sa' li junjunq chi tenamit ut ka'kab' sa' li xjunq kab'al li ralal xk'ajol laj Israel, re teb'ink'am chaq sa' li tenamit Sión.

Levítico 26:15

wi teeq'etq'eti eerib' chiru lintaqlahom ut teetz'eqtaana li waatin, wi ink'a' teek'anjela ru chixjunil linchaq'rab' ut teeq'et linSumwank,

Hebreos 8:9

ink'a' jo' li Sumwank kink'ojob' rik'ineb' li xna' xyuwa'eb', naq keb'inch'ilo chaq chi ruq'eb' ut kiwisiheb' chaq sa' li tenamit Ejiipt. Eb' a'an ink'a' ke'xpaab' linSumwank rik'ineb'; jo'kan naq laa'in ajwi' ink'a' chik kink'oxlaheb', chan li Qaawa'.

2 Corintios 11:2

Xb'aan naq xexinsi re sumlaak rik'in jun chi b'eelomej re eexaqab'ankil chiru li Kriist jo' jun tuq'ixq saq ru xch'ool.

San Marcos 8:23

Li Jesus kixchap chi ruq' li mutz', kirisi sa' li tenamit, kixchuub'a xsa' li ru ut kixk'e li ruq' sa' xb'een, yo chi xpatz'b'al re: —Ma nakat-ilok b'ayaq? chan re.

Oseas 11:1

“Naq toj saaj chaq laj Israel, q'axal kinra, ut toj Ejiipt kinb'oq chaq li walal.

Oseas 2:2

Li Qaawa' kixye chi jo'ka'in: “Q'usumaq leena', jitomaq, xb'aan naq moko insum'aatin ta chik, ut moko laa'in ta chik li xb'eelom. Xkanab'aq li yumb'eetak ut mixsik'eb' chik li xsum.

Ezequiel 23:4

Li chaq'na'b'ej x'Oholá xk'ab'a', ut li iitz'inb'ej x'Oholibá nayeemank re. Chi xkab'ichaleb' ke'wank cho'q wixaqil, ut ke'wank walal ink'ajol rik'ineb'. Lix Oholá a'an Samaria ut lix Oholibá a'an Jerusalén.

Ezequiel 20:37

Texink'e chi wank rub'el linwankil ut texwoksi wi' chik sa' linsumwank.

Jeremías 34:14

Rajlal wuqub' chihab' chejunilex teekanab' chi ach'ab'anb'il leeras eeriitz'in aj Hebreo. Li junjunq aj Hebreo li xk'ayi rib' cheru taak'anjelaq waqib' chihab' cho'q eemun, ut chirix a'an taawanq chi ach'ab'anb'il, chankin. A'ut eb' leena' leeyuwa' ink'a' kine'xpaab' chi moko ke'raj wab'inkil.

Jeremías 31:1

“Chiruheb' li kutan a'an laa'inaq li xYos chixjunileb' li ralal xk'ajol laj Israel ut a'anaqeb' lintenamit”, chan li Qaawa'.

Jeremías 22:9

Ut te'sumeeq chi jo'ka'in: «Xb'aan naq xe'xsach xwankil li Sumwank li kixk'ojob' li Qaawa', li xYoseb', ut xe'ok chi xloq'oninkileb' li jalanil yos»”.

Jeremías 2:2

“Ayu ut jap aawe chi aatinak sa' xxikeb' laj Jerusalén: Jo'ka'in xye li Qaawa': Nakatjultiko'k we naq sa' laasaajilal jwal k'ojk'o laach'ool chiwix. Q'axal kinaara naq kinsumlaak aawik'in, ut kinaataaqe sa' li chaqich'och', sa' li joxk' na'ajej b'arwi' maak'a' nayo'laak.

Isaías 54:5

Xb'aan naq laasum'aatin a'an laj Yoob'tesihom aawe, li Nimajwal Yos xk'ab'a'; li xSant laj Israel a'an laj kolol aawe: “xYos chixjunil li ruuchich'och'” naxk'ab'a'in.

Isaías 41:13

Xb'aan naq laa'in li Qaawa', laaYos, chapchookat chawuq' inb'aan. Laa'in ninyehok aawe: “Matxiwak, laa'in nintenq'ank aawe”.

Isaías 24:5

Xmuxe'k ru li ch'och' xb'aaneb' li poyanam, xb'aan naq ink'a' xe'xpaab' li chaq'rab', xe'xq'et b'an raatin li Qaawa' ut xe'xsach xwankil li loq'laj Sumwank.

Cantares 8:5

Ani a'an li yo chaq chi taqe'k sa' li chaqich'och', q'alq'o chaq xb'aan li winq narahok re? Rub'el xche'el li mansaan xatwajsi chaq, b'arwi' xatsiyaak xb'aan laana', sa' li na'ajej b'arwi' xatsiyaak ut xat-alaak.

Salmos 73:23

Ab'anan xinwank aawik'in chi junelik: xinaachap chiru linnim uq',

1 Reyes 8:9

Sa' li Loq'laj Kaax maak'a' chik k'a'aq re ru wank, ka'ajwi' eb' li wiib' perel chi pek li kixk'e aran laj Moisés, sa' li tzuul Horeb, a'eb' li xperpookil pek li Sumwank li kixk'ojob' li Qaawa' rik'ineb' laj Israel naq ke'elk chaq sa' li tenamit Ejiipt.

Deuteronomio 31:16

Toja' naq li Qaawa' kixye re laj Moisés: “K'e reetal, chi seeb' tatq'ajq tatsutq'iiq rik'ineb' laana' laayuwa', ut li tenamit a'in te'xtikib' xmuxb'al rib' rik'ineb' li jalanil yos, xyoseb' li ch'och' toxe'okaq wi'. Tine'xkanab' ut te'xq'et li Sumwank kinb'aanu rik'ineb'.

Deuteronomio 29:1

A'aneb' a'in li aatin chirix li Sumwank li kitaqlaak wi' laj Moisés xb'aan li Qaawa' chi xk'ojob'ankil rik'ineb' laj Israel sa' li na'ajej Mohab. A'an a'in li xkomon li Sumwank kixk'ojob' rik'ineb' a'an, sa' li tzuul Horeb.

Deuteronomio 29:21

Li Qaawa' taarisi sa' xyanqeb' chixjunil li xteepal laj Israel, re xrahob'tesinkil jo' naxye li Sumwank ut tz'iib'anb'il ajwi' sa' li xhuhil li Chaq'rab' a'in.

Deuteronomio 5:2

“Li Qaawa' li qaYos kixk'ojob' jun Sumwank qik'in chiru li tzuul Horeb.

Jeremías 11:4

A'an a'in li Sumwank li kink'ojob' rik'ineb' leena' leeyuwa' naq ke'wisi chaq Ejiipt, sa' li tenamit ke'wank wi' chaq kama' wi' wank sa' xam re ha'lesink ch'iich'. Kinye reheb': Paab'omaq li waatin ut b'aanuhomaq chixjunil li ninye eere; chi jo'kan laa'exaq lintenamit ut laa'inaq leeYos.

Jeremías 34:13

“Laa'in, li Qaawa', xYos laj Israel, kink'ojob' jun Sumwank rik'ineb' leena' leeyuwa' naq kiwisiheb' chaq Ejiipt, b'arwi' ke'wank chaq chi munil. Ut kinye reheb':

Éxodo 32:8

Sa' junpaat xe'risi rib' sa' li b'e xink'ut chiruheb'. Xe'xyiib' jun saaj wakax rik'in oor ut xe'xhupub' rib' chiru; xe'xyeechi'i xmayejeb' ut xe'xye: «A'an a'in laayos, a Israel. A'an ki'isink chaq aawe sa' li tenamit Ejiipt»”.

Deuteronomio 29:24

“Toja' naq chixjunileb' li poyanam te'patz'oq: «K'a'ut naq jo'kan kixb'aanu li Qaawa' rik'in li ch'och' a'an? K'a'ut naq kichalk li xnimal xjosq'il li Qaawa'?», cha'qeb'.

Deuteronomio 31:20

Naq akaq xe'woksi sa' li xq'emal ch'och' kinyeechi'i reheb' li xna' xyuwa'eb', naq akaq xe'wa'ak ut xe'nujak ut xe'ninqank xtib'eleb', te'xik chirixeb' li jalanil yos, te'xloq'oni ruheb' ut laa'in tine'xtz'eqtaana ut te'xq'et linSumwank.

Salmos 78:37

Ink'a' tiikeb' xch'ool chirix li Qaawa', ink'a' ke'xk'e xloq'al li xSumwank.

Jeremías 11:3

Taaye reheb' sa' ink'ab'a' laa'in li Qaawa', li xYos laj Israel, naq majewanb'ilaq li ani ink'a' tixpaab' li raatinul li Sumwank a'in.

Hechos 23:19

Li xjolomileb' laj puub' kixchap chi ruq', kixk'am sa' junesal ut kixpatz' re: —K'aru li taawaj xyeeb'al we?