Jeremías 31:25 - Q'eqchi Bible

²⁵ Xb'aan naq tink'eheb' chi uk'ak ut chi tzekank chi yo'oon li lub'luukeb' ut tawajenaqeb'”.

Li Santil hu

²⁵ La̱in tinqꞌueheb xcacuilal li lublu̱queb. Ut tincꞌojob ajcuiꞌ xchꞌo̱leb li raheb saꞌ xchꞌo̱l, chan li Dios.

Jeremías 31:25 ပူးပေါင်းရင်းမြစ်များ

San Mateo 5:6

Us xaq reheb' li neke'tz'okaak ut neke'chaqik re, chi xsik'b'al li tiikilal, xb'aan naq eb' a'an te'k'ojlaaq xch'ool.

San Juan 4:14

a'ut li taa'uk'uq re li ha' tink'e laa'in, maajoq'e chik taachaqiq re: li ha' tink'e laa'in wanq rik'in jo' jun yu'amha' nab'ululnak re li junelik yu'am.

San Mateo 11:28

“Chalqex wik'in chejunilex li lub'luukex ut tawajenaqex xb'aan leeriiq, ut laa'in texinhiltasi.

Salmos 107:9

Xb'aan naq kixk'ojob' xch'ool li taachaqiq re, ut li jwal taatz'okaaq kixk'e xtzekemq chi yo'oon.

Jeremías 31:14

Tinch'oolaniheb' laj tij rik'in chaab'il tzekemq, ut lintenamit te'nujaq rik'in linsihom”, chan li Qaawa'.

2 Corintios 7:6

Ab'anan li Yos, aj k'ojob'anel xch'ooleb' li toq'ob'eb' ru, xk'ojob' qach'ool rik'in xk'ulunik laj Tito;

Isaías 50:4

Li Qaawa' xinxtzol chi aatinak jo' xtz'aqal tzolom ut xk'e waatin re xk'ojob'ankil xch'ool li tawajenaq. Rajlal eq'la ninrajsi re naq tink'e inch'ool chi ab'ink, jo' neke'xb'aanu eb' li xtzolom.

San Lucas 1:53

Kixnujob'resiheb' li te'tz'okaaq rik'in chaab'il eechej, ut eb' li b'ihom kixtaqlaheb' chi maak'a' chik wank reheb'.

Isaías 32:2

Li junjunq sa' xyanqeb' jo'kaq li na'ajej nakolok chiru li kawil iq' ut li hab'; kama'aq li roq nima' sa' li chaqich'och', chanchanaq jun nimla saqoonak chi muheelank sa' tiqwal ch'och'.

Isaías 40:29

A'an nak'ehok xkawilal li tawajenaq ut naxkawub'resi xch'ool li lub'lub' wank.

Jeremías 31:12

“Te'chalje'q rik'in b'ichank sa' xb'een li tzuul Sión; jun chalikaqeb' wan wi' li xsimaatan li Qaawa', chi xyalb'al xsahil li triiw, li b'iin ut li aseeyt, ut te'k'ojlaaq xch'ool rik'in li raleb' li karneer ut li wakax. Chanchanaqeb' jun li xna'aj awimq t'aqresinb'il chi us, ut maajoq'e chik te'wiib'anq xch'ool.

Ezequiel 34:14

Tinch'oolaniheb' wan wi' li chaab'il pim, sa'atqeb' li tzuul re Israel; aran te'hilanq sa' chaab'il na'ajej ut te'ichajib'q chi us chiruheb' li tzuul re Israel.

Salmos 23:3

naxk'e wi' chik inmetz'ew. Nikinxb'eres sa' li tiikil b'e sa' xk'ab'a' xnimal li xrahom.

Isaías 41:17

Eb' li neb'a' ut li kub'enaqeb' xwankil neke'xsik' li ha', ab'an maak'a' neke'xtaw; xe'chaqik li ru'uj raq'eb' xb'aan li chaqi'eel. Ab'an laa'in li Qaawa' tintenq'aheb', laa'in li xYos laj Israel ink'a' tinkanab' xjuneseb'.