Jeremías 31:23 - Q'eqchi Bible

²³ Li Nimajwal Yos, li xYos laj Israel, kixye chi jo'ka'in: “Naq tinsutq'isiheb' chaq eb' laj Judá ut te'wanq wi' chik sa' li xch'och'eb' ut xtenamiteb', te'xye wi' chik li aatin a'in: «Li Qaawa' chirosob'tesi taxaq li santil tzuul a'in, xmuheb'aal li tiikilal!».

Li Santil hu

²³ Li Ka̱cuaꞌ lix Dioseb laj Israel quixye: —La̱in tebincꞌam cuiꞌchic laj Israel saꞌ lix naꞌajeb aran Judá. Nak cua̱nkeb saꞌ lix tenamiteb, teꞌxye, “Li Ka̱cuaꞌ taxak chi-osobtesi̱nk re lix santil tzu̱l li cuan Jerusalén, li santil naꞌajej li nacuan cuiꞌ”.

Jeremías 31:23 ပူးပေါင်းရင်းမြစ်များ

Zacarías 8:3

“Jo'ka'in naxye li Qaawa': Tinsutq'iiq wi' chik Sión ut tink'ojlaaq sa' xyi li tenamit Jerusalén. Xtenamit li tiikil ch'oolej taayeemanq re Jerusalén, ut Santil Tzuul tixk'ab'a'in li xtzuulil li Nimajwal Yos.

Jeremías 50:7

Yalaq ani xk'uluk reheb', xt'upiheb', ut eb' li xik' neke'ilok reheb' xe'xye: «Moko maak ta naq te'qasach ruheb', xb'aan naq xe'maakob'k chiru li Qaawa', a'an tz'aqal li xmuheb'aaleb'; xe'maakob'k chiru li royb'enihomeb' li xna' xyuwa'eb'».

Isaías 1:26

Tink'eheb' aj k'amol eeb'e jo' ke'wank xb'enwa ut eb' laj raqol aatin jo'eb' li ke'wank najter q'e kutan. Toja' naq te'xye aawe: «Xtenamitul li tiikilal» ut «Tiik xch'oolil tenamit».

Miqueas 4:1

Chiruheb' li kutan chaalel li tzuul wan wi' li rochoch li Qaawa' taawakliiq chi nimaq xwankil sa' xb'eeneb' chixjunileb' li b'ool, ut q'axal nimaq xteram chiruheb' chixjunil li tzuul. Chixjunileb' li tenamit te'chalq aran;

Abdías 1:17

Ab'anan li tzuul Sión a'anaq li santil na'ajej b'arwi' te'xik chi muqlek eb' li xe'elelik. Eb' li ralal xk'ajol laj Jakob te'reechani wi' chik li xch'och'eb'.

Jeremías 30:18

Li Qaawa' kixye ajwi' chi jo'ka'in: “Eb' li ralal xk'ajol laj Jakob te'sutq'iiq chaq wi' chik sa' li xmuheb'aaleb', xb'aan naq twuxtaana ru li xna'ajeb' a'an. Jerusalén taawaklesimanq wi' chik sa' xb'een li po'lem, ut li kawub'resinb'il ochoch taayiib'aaq wi' chik sa' li xna'aj tz'aqal.

Isaías 60:21

“Chixjunileb' li wanqeb' sa' laatenamit tiikaqeb' xch'ool ut te'reechani li na'ajej a'in chi junajwa. Laa'in kinyoob'tesink reheb' re naq te'xk'ut linloq'al: chanchaneb' li xtuxm li awimq li kiwaw laa'in.

Isaías 1:21

Li tenamit li kiwank sa' tiikilal junxil k'ajo' naq xmux rib', kama' junaq aj yumb'eet! Q'axal tiik xch'ooleb' laj Jerusalén naq ke'wank, ab'an anaqwan junes aj kamsineleb' ras riitz'in aj chik.

Salmos 134:3

A' taxaq li Qaawa' chi'osob'tesinq aawe chalen chaq toj Sión: a'an laj winqob'resihom re choxach'och'.

Salmos 129:8

Ut eb' li neke'nume'k aran ink'a' neke'xye reheb': “Li Qaawa' taxaq chi'osob'tesinq eere!”. Laa'o nekexqosob'tesi sa' xk'ab'a' li Qaawa'.

Salmos 128:5

A' taxaq li Qaawa' chi'osob'tesinq aawe chalen chaq toj sa' li tzuul Sión. Taawil taxaq xsahil xch'ool Jerusalén chiru chixjunil laayu'am chi junelik.

Salmos 28:9

Chakol taxaq laatenamit, at Qaawa', chawosob'tesiheb' taxaq laawalal aak'ajol; chach'oolaniheb' ut chab'eresiheb' chi junelik.

Li xHu LIX RUT 2:4

Sa' li honal a'an, laj Bohos yo chaq chi chalk Belén chi rilb'aleb' laj k'anjel. Kixk'e xsahilaleb' xch'ool laj sik'ol seb'aad ut kixye reheb': —Eerik'inaq taxaq li Qaawa'. —Li Qaawa' chi'osob'tesinq aawe, chankeb' a'an.

Jeremías 32:44

Te'xloq'atq xch'och'eb' ut te'xtoj rik'in plaat; te'xtz'iib'a xhuhul, te'xkaaxti ut eb' li testiiw te'xjuch' li xk'ab'a'eb' sa' xhuhul li ch'och'. A'in taak'ulmanq sa' xteepal Benjamín, sa' xsutam Jerusalén ut sa'atqeb' li tenamit re Judá, sa'eb' li tzuultaq'a ut sa' xteepal Nejeb, xb'aan naq te'sutq'iiq chaq wi' chik li wankeb' chaq chi preexil”, chan li Qaawa'.

Isaías 11:9

Sa' chixjunil linsantil tzuul maajun taab'aanunq maa'usilal malaj taarahob'tesinq ras riitz'in, xb'aan naq chixjunileb' te'xnaw chik ru li Qaawa'. Jo' naq li ha' naxtamresi li palaw, jo'kan ajwi' li xraab'al li Qaawa' tixnujob'resi chixjunil li ruuchich'och'.

Isaías 32:16

Li tiikilal taa'uuchinq sa' li chaqich'och' ut li k'ulub'ej taawanq sa' li xna'aj li awimq;

Isaías 33:5

Li Qaawa' q'axal nim xwankil xb'aan naq sa' choxa wank; xnujob'resi Sión rik'in li tiikilal ut li k'ulub'ej,

Jeremías 29:14

Tink'e wib' chi tawe'k eeb'aan ut tink'eheb' chaq chi sutq'iik leekomon li wankeb' chaq chi preexil; texwisi chaq sa' chixjunileb' li tenamit ut na'ajej b'arwi' xexincha'cha'i, texinch'utub' ut texinsutq'isi wi' chik sa' li na'ajej b'arwi' kexwisi. Laa'in, li Qaawa', ninyehok re a'in».