Jeremías 31:21 - Q'eqchi Bible

²¹ “At Israel, k'e reetalil laab'e re naq sa' junpaat taataw; jultikaq aawe, k'e reetal chi us li b'e xatnume'k wi'. Sutq'in chaq, a Israel, kim wi' chik sa'eb' laatenamit, sa' laana'aj a'in.

Li Santil hu

²¹ Qꞌuehomak retalil li be li quexnumeꞌ cuiꞌ nak quexco̱ex. Qꞌuehomak retal chi us. Sukꞌinkex cuiꞌchic saꞌ le̱ naꞌaj, ex tukꞌ ixk aj Israel.

Jeremías 31:21 ပူးပေါင်းရင်းမြစ်များ

Jeremías 50:5

Te'xpatz' xb'ehil li tenamit Sión ut aran te'xik: «Kimqex, qak'amaq qib' sa' usilal rik'in li Qaawa' ut qak'ojob'aq jun sumwank li maajoq'e taasachq sa' qach'ool», cha'qeb'.

Isaías 62:10

Ex aj Jerusalén, elenqex, numenqex sa' li okeb'aal! Tehomaq li b'e chiru lintenamit. Tuqub'omaq, tuqub'omaq chi chaab'il li nimb'e ut isihomaqeb' li pek. Taqsihomaq leereetalil re naq taa'ile'q xb'aaneb' li tenamit.

Isaías 48:20

Elenqex chaq sa' li tenamit Babilonia, elelinqex chiruheb' laj Kaldeha. Yehomaq li esil a'in chi sa sa' eech'ool, puktesihomaq toj sa' xmaril li ruuchich'och'; yehomaq a'in: “A' li Qaawa' xkolok re laj Jakob, laj k'anjel chiru”.

Hageo 1:5

Ma ink'a' nekeril li k'aru yookex chi xk'ulb'al?

Ezequiel 40:4

Li winq a'an kixye we: “At kaamel winq, ilon chi us ut ab'i chi chaab'il. K'e reetal chixjunil li ok we chi xb'aanunkil, xb'aan naq a'an aj e naq xatxk'am chaq li Qaawa' toj arin, re rilb'al li k'aru tink'ut chawu. Chirix chik a'an toxaaye resil reheb' laj Israel chixjunil li xawil”.

Jeremías 51:50

Laa'ex li xexkole'k chiru li kamk, ayuqex sa' aanil chi ink'a' texhilanq; ut naq wanqex chik chi najt, jultikaq eere li Qaawa' ut wanq sa' leech'ool Jerusalén.

Jeremías 31:4

Tatinwaklesi wi' chik, a Israel, ut tatk'ojlaaq wi' chik sa' laana'aj. Tatxajoq wi' chik xb'aan xsahil sa' laach'ool, rik'in xyaab' li wajb' ut li tzojtzoj.

Jeremías 3:14

Li Qaawa' kixye chi jo'ka'in: “Chalqex wi' chik wik'in, ex walal ink'ajol aj q'etolex aatin, xb'aan naq laa'in li Qaawa' laj eechal eere. Junjunq eere tinsik' ru sa' li junjunq chi tenamit ut ka'kab' sa' li xjunq kab'al li ralal xk'ajol laj Israel, re teb'ink'am chaq sa' li tenamit Sión.

Isaías 57:14

Toja' naq taayeemanq: “Tuqub'omaq, tuqub'omaq ru ut tehomaq li b'e; isihomaq chixjunil li naramok re xb'e lintenamit”.

Salmos 84:5

Us xaq reheb' li neke'hilank sa' laawochoch ut neke'xnima aawu chi junelik.

Zacarías 10:9

Laa'in xincha'cha'iheb' sa' chixjunileb' li tenamit, ab'an us ta wanqeb' chaq chi najt, tinjultiko'q chaq reheb'; ut sa' jun kutan te'sutq'iiq chaq rochb'eeneb' li ralal xk'ajoleb'.

Jeremías 51:6

“Elenqex sa' li tenamit Babilonia ut kolomaq eerib', re naq ink'a' texkamq xb'aan li xmaa'usilal. Ak xkutankil li eeqajunk anaqwan, ut tinq'ajkamu Babilonia jo' chanru li xyehom ut xb'aanuhom.

Proverbios 24:32

Naq xwil a'an, xink'uula sa' inch'ool; xink'oxla rix ut xintaw inna'leb':

Salmos 62:10

Jun apunk ajwi' li xyu'ameb' li poyanam, eb' li b'ihom jo' ajwi' eb' li neb'a'. Wi ta te'b'ise'q chixjunileb' sa' xb'een li peex, moko aaleb' ta raj chiru li sib'.

2 Crónicas 20:3

K'ajo' naq kichalk xxiw laj Josafat: kiraj xik chi patz'ok rik'in li Qaawa' ut kixtaqla resil li ayuunik sa' xsutam Judá.

2 Crónicas 11:16

Chirixeb' laj tij ut eb' laj Leví ke'chalk li k'ojk'ookeb' xch'ool rik'in li Qaawa', xYos laj Israel: ke'chalk sa' chixjunil xteepal Israel ut koheb' Jerusalén chi mayejak chiru li Qaawa', xYos li xxe'toonil yuwa'eb'.

1 Crónicas 29:3

Ak xch'utlaak chixjunil a'in. Ab'an anaqwan tink'e ajwi' cho'q re li rochoch linYos li plaat ut li oor eechaninb'il inb'aan:

Deuteronomio 32:46

kixye ajwi' reheb': “Chek'e reetal chixjunil li xexintaqla wi' sa' li kutan a'in. Chechaq'rab'iheb' leeralal eek'ajol re naq te'xk'e xch'ool chi xk'anjelankil ru chixjunil li raatinul li Chaq'rab' a'in.

Jeremías 6:16

Jo'ka'in kixye li Qaawa': “Xaqlinqex sa'atqeb' li b'e ut ilonqex, patz'omaq chirixeb' li najter b'e b'ar wank li b'e chaab'il; a'an li b'e teek'am re naq sa chik texwanq”. A'ut eb' a'an ke'xye: “Ink'a' naqaj xik sa' li b'e a'an”, chankeb'.

Jeremías 46:11

Ayu Galahad, a Ejiipt, re xsik'b'al laab'an. Ab'anan, us ta naab'al li b'an taawoksi, maak'a' taa'ok wi' xb'aan naq ink'a' chik tex'usaq.

Jeremías 3:12

Ayu sa' xjayal releb'l iq' ut ye li esilal a'in: «Xyehom li Qaawa': Sutq'in chaq wik'in, a Israel, aj q'etolat aatin. Ink'a' chik yo injosq'il sa' aab'een chi moko xik' chik nakatwil, xb'aan naq q'axal chaab'il linch'ool -chan li Qaawa'-.